2024ಕ್ಕೆ ಭಾರತ-ಚೀನಾ ಸಂಘರ್ಷ, ದೊಡ್ಡ ಸುನಾಮಿ, ಭೀಕರ ಬರ ಕಾಡಲಿದೆಯಾ?: ನಾಸ್ಟ್ರಾಡಾಮಸ್ ಹೇಳಿದ್ದೇನು..?

ನವದೆಹಲಿ: ಫ್ರೆಂಚ್ ತತ್ವಜ್ಞಾನಿ ಮತ್ತು ಪ್ರವಾದಿ ನಾಸ್ಟ್ರಾಡಾಮಸ್ ಭವಿಷ್ಯವಾಣಿಯು ಇಲ್ಲಿಯವರೆಗೆ ಹಲವು ಬಾರಿ ಸಾಬೀತಾಗಿದೆ. ನಾಸ್ಟ್ರಾಡಾಮಸ್ 1666 ರಲ್ಲಿ ಲಂಡನ್‌ನ ಮಹಾ ಬೆಂಕಿ, 9/11 ಭಯೋತ್ಪಾದಕ ದಾಳಿ, 2016 ರಲ್ಲಿ ಡೊನಾಲ್ಡ್ ಟ್ರಂಪ್ ಅಧ್ಯಕ್ಷರಾಗಿ ಆಯ್ಕೆಯಾಗುವುದು, ಕರೋನಾ ಸಾಂಕ್ರಾಮಿಕ ರೋಗದಿಂದ ರಾಣಿ ಎಲಿಜಬೆತ್ ಮರಣದ ಕುರಿತಂತೆ ಸುಮಾರು 500 ವರ್ಭಷದ ಹಿಂದೆ ಭವಿಷ್ಯ ನುಡಿದಿದ್ದು, ಇದೆಲ್ಲಾ ಅವರು ಹೇಳಿದಂತೆಯೇ ನಡೆದಿದೆ. ಆತಂಕಕಾರಿ ವಿಷಯವೆಂದರೆ ಅವರು 2024 ರಲ್ಲಿ ಸಂಭವಿಸುವ ಕೆಲವು ಅಪಘಾತಗಳನ್ನು ಸಹ ಉಲ್ಲೇಖಿಸಿದ್ದಾರೆ.

ಇದನ್ನೂ ಓದಿ: ಶಿವಮೊಗ್ಗದಿಂದ ತಿರುಪತಿ, ಗೋವಾ, ಹೈದರಾಬಾದ್​ಗೆ ವಿಮಾನ ಸೇವೆ

ನಾಸ್ಟ್ರಾಡಾಮಸ್ 1555 ರಲ್ಲಿ ತನ್ನ ಪುಸ್ತಕ ದಿ ಕಂಪ್ಲೀಟ್ ಪ್ರೊಫೆಸೀಸ್ ಫಾರ್ ದಿ ಫ್ಯೂಚರ್ ನಲ್ಲಿ ವಿಶ್ವದ ಭವಿಷ್ಯವಾಣಿ ಬರೆದಿದ್ದಾರೆ. ಈ ಪುಸ್ತಕವು 942 ಕವಿತೆಗಳ ಸಂಗ್ರಹವಾಗಿದೆ. ಅದರ ಮೂಲಕ ಅವರು ಭವಿಷ್ಯದ ವಿವಿಧ ಘಟನೆಗಳ ಬಗ್ಗೆ ಉಲ್ಲೇಖಿಸಿದ್ದಾರೆ. 1666 ರಲ್ಲಿ ಲಂಡನ್‌ನ ಮಹಾ ಬೆಂಕಿ, 9/11 ಭಯೋತ್ಪಾದಕ ದಾಳಿ ಮತ್ತು 2016 ರಲ್ಲಿ ಡೊನಾಲ್ಡ್ ಟ್ರಂಪ್ ಅಮೆರಿಕಾ ಅಧ್ಯಕ್ಷರಾಗಿ ಆಯ್ಕೆಯಾಗುವವರೆಗೆ ಅವರ ಭವಿಷ್ಯವಾಣಿಗಳು ನಿಜವಾಗಿವೆ. ಆಶ್ಚರ್ಯಕರ ಸಂಗತಿಯೆಂದರೆ ನಾಸ್ಟ್ರಾಡಾಮಸ್ 500 ವರ್ಷಗಳ ಹಿಂದೆ ಜಗತ್ತನ್ನು ಬೆಚ್ಚಿಬೀಳಿಸಿದ ಮಾರಣಾಂತಿಕ ವೈರಸ್ ಕರೋನಾ ದಾಳಿಯನ್ನು ಬರೆದಿದ್ದಾರೆ.

ಇನ್ನು ನಾಸ್ಟ್ರಾಡಾಮಸ್ 2024 ರಲ್ಲಿ ಸಂಭವಿಸುವ ವಿಪತ್ತುಗಳನ್ನು ಊಹಿಸಿದ್ದಾರೆ. ಇವು ತುಂಬಾ ಭಯಾನಕವಾಗಿವೆ ಎಂಬುದು ಗಮನಾರ್ಹ ಸಂಗತಿ. 2024 ರಲ್ಲಿ ದೊಡ್ಡ ಸುನಾಮಿ ಸಂಭವಿಸಲಿದ್ದು, ಇಡೀ ಕೃಷಿಯನ್ನು ನಾಶಪಡಿಸುತ್ತದೆ, ಅದು ಭೂಮಿಯನ್ನು ಮುಳುಗಿಸುತ್ತದೆ ಎಂದು ಭವಿಷ್ಯ ನುಡಿದಿದ್ದಾರೆ.

ಮತ್ತೊಂದೆಡೆ ಬಿರುಗಾಳಿಗಳು ಇರುವುದಿಲ್ಲ, ಇದರಿಂದ ಬರಗಾಲ ಉಂಟಾಗುತ್ತದೆ ಎಂದು ಅವರು ಹೇಳಿದ್ದಾರೆ. ಒಂದೆಡೆ ಅನಾವೃಷ್ಟಿ ಇನ್ನೊಂದೆಡೆ ಅತಿವೃಷ್ಟಿಯಾಗಿ ಜನ ಸಂಕಷ್ಟಕ್ಕೆ ಸಿಲುಕಲಿದ್ದಾರೆ. ಇದಲ್ಲದೆ ಭಾರತ-ಚೀನಾ ನಡುವೆ ಸಂಘರ್ಷ ಏರ್ಪಟ್ಟು, ಹಿಂದೂ ಮಹಾಸಾಗರದ ಮೇಲೆ ದುಷ್ಪರಿಣಾಮ ಬೀರುತ್ತದೆ ಎಂದು ನಾಸ್ಟ್ರಾಡಾಮಸ್ ಭವಿಷ್ಯ ನುಡಿದಿದ್ದಾರೆ.

ಬ್ರಿಟನ್ ರಾಣಿ ತನ್ನ 96 ನೇ ವಯಸ್ಸಿನಲ್ಲಿ ಸಾಂಕ್ರಾಮಿಕ ರೋಗಕ್ಕೆ ತುತ್ತಾಗಿ ಸಾಯುತ್ತಾಳೆ ಎಂದು ನಾಸ್ಟ್ರಾಡಾಮಸ್ 450 ವರ್ಷದ ಹಿಂದೆ ನುಡಿದ ಭವಿಷ್ಯ ನಿಜವಾಯಿತು. ರಾಣಿ ಎಲಿಜಬೆತ್ ಸೆಪ್ಟೆಂಬರ್ 2022 ರಲ್ಲಿ ಸಾಯುವ ಮೂಲಕ ನಾಸ್ಟ್ರಾಡಾಮಸ್ ಭವಿಷ್ಯ ನಿಜವಾಗಿತ್ತು.

ರಾಣಿ ಎಲಿಜಬೆತ್ 22 ನೇ ವಯಸ್ಸಿನಲ್ಲಿ ಸಿಂಹಾಸನವನ್ನು ಏರುತ್ತಾರೆ, 96 ನೇ ವಯಸ್ಸಿನಲ್ಲಿ ಸಾಯುತ್ತಾರೆ ಎಂದು ನಾಸ್ಟ್ರಾಡಾಮಸ್ ಪುಸ್ತಕದಲ್ಲಿನ ಒಂದು ಕವಿತೆ ಹೇಳುತ್ತದೆ. ಈ ಭವಿಷ್ಯವಾಣಿ ನಿಜವಾಯಿತು. ರಾಣಿಯ ಮರಣದ ಮೊದಲು ನಾಸ್ಟ್ರಾಡಾಮಸ್‌ನ ಭವಿಷ್ಯದ ಸಂಪೂರ್ಣ ಪ್ರೊಫೆಸೀಸ್‌ನ 5 ಪ್ರತಿಗಳು ಮಾತ್ರ ಮಾರಾಟವಾಗಿದ್ದವು. ಆದರೆ ರಾಣಿಯ ಮರಣದ ನಂತರ ಪುಸ್ತಕ ಭಯಂಕರವಾಗಿ ಮಾರಾಟವಾದವು.

https://www.vijayavani.net/3000-apply-for-priests-posts-in-ayodhyas-ram-temple