ಬಿಜೆಪಿ "ಸೇಡಿನ ರಾಜಕೀಯ" ಮಾಡುತ್ತಿದೆ. ಮೊಯಿತ್ರಾಗೆ ಮಾತನಾಡಲು ಅವಕಾಶ ನೀಡದೆ ಪ್ರಜಾಪ್ರಭುತ್ವವನ್ನು ಕಗ್ಗೋಲೆ ಮಾಡಲಾಗಿದೆ. ಇದನ್ನು ನಾನು ಖಂಡಿಸುತ್ತೇನೆ. ಪಕ್ಷವು ಆಕೆಗೆ ಸಂಪೂರ್ಣ ಬೆಂಬಲ ನೀಡಿದೆ. ನಾವು ನ್ಯಾಯವನ್ನು ಬಯಸುತ್ತೇವೆ ಎಂದು ಟಿಎಂಸಿ ಮುಖ್ಯಸ್ಥೆ ಹೇಳಿದರು.
ಈ ಬೆಳವಣಿಗೆಯನ್ನು ಸಂಸತ್ತಿಗೆ "ದುಃಖದ ದಿನ" ಎಂದು ಬಣ್ಣಿಸಿದ ಬ್ಯಾನರ್ಜಿ, ಮೊಯಿತ್ರಾ ಅವರನ್ನು ಉಚ್ಚಾಟಿಸುವ ಲೋಕಸಭೆಯ ನಿರ್ಧಾರವು ಸಾಂವಿಧಾನಿಕ ಹಕ್ಕುಗಳಿಗೆ "ದ್ರೋಹ" ಎಂದು ಹೇಳಿದರು.
"ಪಶ್ಚಿಮ ಬಂಗಾಳದಲ್ಲಿ ನಮಗೆ ಮೂರನೇ ಎರಡರಷ್ಟು ಬಹುಮತವಿದೆ. ನಾವು ಸಹ ಇಲ್ಲಿ ಯಾರನ್ನಾದರೂ ಹೊರಹಾಕಬಹುದು. ಆದರೆ ನಾವು ಅದನ್ನು ಮಾಡಬಹುದೇ? ಲೋಕಸಭಾ ಚುನಾವಣೆಗೆ ಕೇವಲ ಎರಡರಿಂದ ರು ತಿಂಗಳುಗಳು ಮಾತ್ರ ಉಳಿದಿದ್ದು, ಕೇಂದ್ರವು "ಪ್ರಜಾಪ್ರಭುತ್ವದ ಮೇಲೆ ಬೈಪಾಸ್ ಸರ್ಜರಿ ಮಾಡಿದೆ" ಎಂದು ಬ್ಯಾನರ್ಜಿ ಆರೋಪಿಸಿದರು.
