ಮುದ್ರೆ ಮಾಡುವ ವಿಧಾನ: ಎರಡೂ ಹಸ್ತಗಳ ತೋರು ಬೆರಳುಗಳ ಮತ್ತು ಮಧ್ಯದ ಬೆರಳುಗಳ ತುದಿಯನ್ನು ಹೆಬ್ಬೆರಳ ತುದಿಗೆ ಜೋಡಿಸಿ ಕಿರುಬೆರಳು ಮತ್ತು ಉಂಗುರ ಬೆರಳುಗಳ ತುದಿಯನ್ನು ಹಸ್ತದ ನಡುಭಾಗದಲ್ಲಿ ಇರಿಸಬೇಕು. ಈ ಮುದ್ರೆಯನ್ನು ಸುಮಾರು 10 ನಿಮಿಷದಿಂದ 20 ನಿಮಿಷ ಮಾಡಿ ಕೊನೆಯಲ್ಲಿ 10 ನಿಮಿಷ ಪ್ರಾಣ ಮುದ್ರೆ ಅಭ್ಯಾಸ ಮಾಡಬೇಕು. ಕುಬೇರ ಮುದ್ರೆಯಲ್ಲಿ ‘ಓಂ ಕುಬೇರಾಯ ನಮಃ’ ಎಂದು 108 ಬಾರಿ ಮಂತ್ರ ಪಠಿಸಿ. ಮುದ್ರೆಗಳನ್ನು ಯಾವುದೇ ಸ್ಥಿತಿಯಲ್ಲೂ ಮಾಡಬಹುದಾದರೂ ವಿಶೇಷವಾಗಿ ಪದ್ಮಾಸನ, ಸ್ವಸ್ತಿಕಾಸನ, ಸುಖಾಸನ ಅಥವಾ ವಜ್ರಾಸನ ಹಾಕಿ ಧ್ಯಾನಾವಸ್ಥೆಯಲ್ಲಿ ಕುಳಿತು ಮಾಡುವುದರಿಂದ ದೇಹಕ್ಕೆ ಹೆಚ್ಚಿನ ಚೈತನ್ಯ ಹಾಗೂ ಮನಸ್ಸಿಗೆ ನೆಮ್ಮದಿ ದೊರಕುತ್ತದೆ.
