ಉತ್ತರಧ್ರುವದಲ್ಲಿ ಕಾಣಸಿಗುವ ಹಸಿರಿನಲ್ಲಿ ಪರ್ವಫೋ›ಸ್ಟ್ನ ಪಾತ್ರ ದೊಡ್ಡದಿದೆ. ಈ ಮಣ್ಣಿನಲ್ಲಿರುವ ಫಲವತ್ತತೆಯ ಪರಿಣಾಮ ಇಲ್ಲಿ ಕುರುಚಲು ಗಿಡಗಳು ಪೊದೆಗಳ ಜತೆಗೆ ಅಲ್ಲಲ್ಲಿ ಮರಗಿಡಗಳೂ ಬೆಳೆಯುತ್ತವೆ. ಬೇಸಿಗೆಯಲ್ಲಿ ಕರಗುವ ಮಂಜಿನ ಮೇಲ್ಪದರ ಮಣ್ಣಿನ ಸವಕಳಿಯಾಗದಂತೆ ಅದನ್ನು ಹಿಡಿದಿಟ್ಟುಕೊಳ್ಳುವ ಹಿಮ. ಈ ಹಿಮದ ಪದರದ ಮೇಲೆ ತೇಲುವ ನೀರು ಅಲ್ಲಲ್ಲಿ ಸರೋವರಗಳನ್ನು ನಿರ್ವಿುಸುತ್ತದೆ. ಈ ಸರೋವರಗಳನ್ನು ಹುಡುಕುತ್ತ ಪ್ರತಿವರ್ಷ ಪಕ್ಷಿಗಳ ದಂಡೇ ಬರುತ್ತದೆ. ಈ ಸರೋವರಗಳ ನೀರು ಅಲ್ಲಿನ ಸ್ಥಳೀಯ ಜೀವಸಂಕುಲದ ದಾಹ ತೀರಿಸುತ್ತದೆ. ಹೀಗಾಗಿ ಮಂಜಿನ ಮರುಭೂಮಿಯಲ್ಲೂ ಜೀವವೈವಿಧ್ಯವನ್ನು ಪರ್ವಫೋ›ಸ್ಟ್ ಕಾಪಿಡುತ್ತಿದೆ. ಇದೆಲ್ಲವುದರ ಜತೆಗೆ ಮತ್ತೊಂದು ದೊಡ್ಡ ಜವಾಬ್ದಾರಿಯನ್ನು ಪರ್ವಫೋ›ಸ್ಟ್ ಹೊತ್ತಿಕೊಂಡಿದ್ದು ಆ ವಿಷಯವೇ ಇದೀಗ ಆತಂಕಕ್ಕೆ ಕಾರಣವಾಗಿದೆ. ಹಲವು ಸಾವಿರ ವರ್ಷಗಳಿಂದ ಉತ್ತರ ಧ್ರುವದಲ್ಲಿನ ಮರಗಿಡಗಳ ಪಳೆಯುಳಿಕೆಯ ಜೈವಿಕ ತ್ಯಾಜ್ಯ ಈ ಪರ್ವಫೋ›ಸ್ಟ್ನ ಹಿಮಮಣ್ಣಿನ ನಡುವೆ ಹೂತು ಹೋಗಿವೆ. ಯಾವುದೇ ಜೈವಿಕ ತಾಜ್ಯ ಕೊಳೆಯುತ್ತಿದ್ದಂತೆಯೇ ಅದರಿಂದ ಮಿಥೇನ್ ಮತ್ತು ಇಂಗಾಲದ ಡೈ ಆಕ್ಸೈಡ್ ಬಿಡುಗಡೆಯಾಗುತ್ತದೆ. ಆದರೆ, ಅತಿಶೀತಲ ತಾಪಮಾನದ ಪರ್ವಫೋ›ಸ್ಟ್ನ ಪದರಗಳಲ್ಲಿ ಹೂತು ಹೋಗಿರುವ ಕಾರಣಕ್ಕೆ ಈ ಜೈವಿಕ ತಾಜ್ಯದ ಖಜಾನೆ ತಾಜಾ ಸ್ಥಿತಿಯಲ್ಲೇ ಇದ್ದು ಜಾಗತಿಕ ತಾಪಮಾನದ ಹೆಚ್ಚಳವನ್ನುಂಟು ಮಾಡುವ ಅನಿಲಗಳ ಬಿಡುಗಡೆಯನ್ನು ತಡೆ ಹಿಡಿದಿವೆ. ಆದರೆ, ಇದೀಗ ಜಾಗತಿಕ ತಾಪಮಾನ ಹೆಚ್ಚಳದ ಪರಿಣಾಮದಿಂದ ಪರ್ವಫೋ›ಸ್ಟ್ ನಿಧಾನವಾಗಿ ಕರಗುವ ಲಕ್ಷಣಗಳು ಕಾಣುತ್ತಿದ್ದಂತೆಯೇ ಅದರ ಒಡಲಲ್ಲಿ ಬಚ್ಚಿಟ್ಟುಕೊಂಡಿರುವ ಜೈವಿಕ ತಾಜ್ಯ ಹೊರಬಂದು ಕೊಳೆತು ಮಿಥೇನ್ ಮತ್ತು ಇಂಗಾಲದ ಡೈ ಆಕ್ಸೈಡ್ ಬಿಡುಗಡೆಯಾಗಲು ಪ್ರಾರಂಭವಾಗುತ್ತದೆ. ಹಾಗಾದಲ್ಲಿ ಇಡೀ ಭೂಮಿಯಲ್ಲಿರುವ ಕಾಡನ್ನು ಎರಡು ಬಾರಿ ಸುಟ್ಟರೆ ಹೊರಹೊಮ್ಮುವಷ್ಟು ಹಸಿರುಮನೆ ಅನಿಲಗಳು ಬಿಡುಗಡೆಯಾಗಲಿವೆ ಎಂಬುದೊಂದು ಲೆಕ್ಕಾಚಾರ ಹೇಳುತ್ತದೆ. ವಿಜ್ಞಾನಿಗಳು ಅಂದಾಜಿಸಿದಂತೆ ಜಾಗತಿಕ ತಾಪಮಾನದ ಹೆಚ್ಚಳ ಇದೇ ರೀತಿ ಹೆಚ್ಚುತ್ತಿದ್ದರೆ 2100ರಷ್ಟರಲ್ಲಿ ಪರ್ವಫೋ›ಸ್ಟ್ನ ಕರಗುವ ಪ್ರಕ್ರಿಯೆ ದೊಡ್ಡ ಪ್ರಮಾಣದಲ್ಲಿ ಆರಂಭವಾಗಲಿದೆ. ಇದರ ಜತೆಗೆ ಅದರ ಹೊಟ್ಟೆಯಲ್ಲಿ ಬಂಧಿಯಾಗಿರುವ ಅನೇಕ ವೈರಸ್ಗಳು ಹೊರಬಂದು ದೊಡ್ಡ ಭಾನಗಡಿಯೇ ಆಗುವ ಅಪಾಯ ಕೂಡ ಇದೆ. ಹೀಗಾಗಿ ಪರ್ವಫೋ›ಸ್ಟ್ ಅನ್ನು ಕಾಪಿಡಲು ಹಸಿರುಮನೆ ಅನಿಲಗಳನ್ನು ನಿಯಂತ್ರಣದಲ್ಲಿಡುವುದೂ ಸೇರಿದಂತೆ ಅನೇಕ ಪ್ರಯತ್ನಗಳು ನಡೆಯುತ್ತಿವೆ. ಇಂತಹುದೇ ಪ್ರಯತ್ನಗಳಲ್ಲಿ ಉಣ್ಣೆಯ ಬೃಹದ್ಗಜವನ್ನು ಮರಳಿ ತರುವುದೂ ಒಂದು.
