ಪೂರ್ವಾಭಿಭಾಷಿ, ಸುಮುಖಃ, ಯಷ್ಟಾ, ಹೋತಾ, ದಾತಾ, ಅತಿಥೀನಾಂಪೂಜಕಃ, ಕಾಲೇ ಹಿತಮಿತ ಮಧುರಾರ್ಥವಾದಿ, ನಿಶ್ಚಿಂತಃ, ನಿರ್ಭೀಕಃ, ಹ್ಲೀಮಾನ್, ಧೀಮಾನ್, ದಕ್ಷಃ, ಕ್ಷಮಾವಾನ್, ಧಾರ್ವಿುಕಃ, ಆಸ್ತಿಕಃ, ಮಂಗಲಾಚಾರಶೀಲಃ, ಇವೇ ಆ ಲಕ್ಷಣಗಳು. ಸೀತೆಯ ಸ್ವಯಂವರಕ್ಕೆಂದು ಮಹರ್ಷಿ ವಿಶ್ವಾಮಿತ್ರ ರಾಮ, ಲಕ್ಷ ್ಮರನ್ನು ಮಿಥಿಲೆಗೆ ಕರೆದುಕೊಂಡು ಬಂದಾಗ ಅವನ ರೂಪ, ಲಾವಣ್ಯಗಳಿಗೆ ಮನಸೋತ ಪುರಜನರು, ‘ಜನಕ ಬಿಲ್ಲಿಗೆ ಹದೆಯೇರಿಸುವ ಪರೀಕ್ಷೆಯನ್ನಾದರೂ ಏಕೆ ಇಟ್ಟನೋ? ಇಂಥ ಲಾವಣ್ಯವಂತನೇ ನಮ್ಮ ಸೀತೆಗೆ ಯೋಗ್ಯ. ನೇರವಾಗಿಯೇ ಇವನನ್ನೇ ಅವಳು ಮದುವೆಯಾಗಬಹುದಿತ್ತು’ ಎಂದು ಪೇಚಾಡಿಕೊಂಡಿದ್ದು ಸ್ವಲ್ಪವಲ್ಲ. ಕಣ್ಣಿಗೆ ಕಟ್ಟುವಂತೆ ತುಳಸಿದಾಸ ಇದನ್ನು ವರ್ಣಿಸುತ್ತಾನೆ ತನ್ನ ‘ರಾಮಚರಿತಮಾನಸ’ದಲ್ಲಿ ; ಅಷ್ಟೇ ರಮಣೀಯವಾಗಿ ಬ್ರಹ್ಮಲೀನ ಪೂಜ್ಯ ಸ್ವಾಮಿ ಪುರುಷೋತ್ತಮಾನಂದಜಿ ತಮ್ಮ ‘ಪ್ರಿಯದರ್ಶನ ಶ್ರೀರಾಮ’ ಉಪನ್ಯಾಸದಲ್ಲಿ.
