ಉತ್ತರ: ನೂರು ರೂಪಾಯಿಗಿಂತ ಹೆಚ್ಚಿನ ಮೌಲ್ಯದ ಸ್ಥಿರಾಸ್ತಿಯಲ್ಲಿ ಹಕ್ಕು ಬಿಡುಗಡೆ ಮಾಡುವುದಾದರೆ, ಅದಕ್ಕೆ ಸಂಬಂಧಿಸಿದ ಪತ್ರ ನೋಂದಣಿಯಾಗಲೇಬೇಕು. ಇಲ್ಲವಾದಲ್ಲಿ ಆ ಪತ್ರ ಸಿಂಧುವಾಗುವುದಿಲ್ಲ. ನಿಮ್ಮ ಸೋದರ ಮಾವಂದಿರ ತಲಾ ಮೂರನೇ ಒಂದು ಭಾಗದ ಹಕ್ಕು ಹಾಗೇ ಉಳಿದಿರುತ್ತದೆ. ಅವರಾಗಲೀ, ಅವರ ಮಕ್ಕಳಾಗಲೀ ಯಾವಾಗಲಾದರೂ ತಮ್ಮ ಹಕ್ಕನ್ನು ಕೇಳಬಹುದು. ಮೇಲಾಗಿ ನಿಮ್ಮ ತಾಯಿಗೇ ಸಂಪೂರ್ಣ ಹಕ್ಕು ಬಂದಿರುವುದಿಲ್ಲ. ಹೀಗಾಗಿ ಕೂಡಲೇ ನಿಮ್ಮ ತಾಯಿ ಅವರ ಅಣ್ಣಂದಿರನ್ನು ಕರೆಯಿಸಿ ನೋಂದಾಯಿತ ಹಕ್ಕು ಬಿಡುಗಡೆ ಪತ್ರ ಮಾಡಿಸಿಕೊಳ್ಳುವುದು ಒಳ್ಳೆಯದು. ಖಾತೆ ಪಹಣಿ ನಿಮ್ಮ ತಾಯಿಯ ಹೆಸರಿನಲ್ಲಿ ಆಗಿರುವ ಮಾತ್ರಕ್ಕೆ ನಿಮ್ಮ ತಾಯಿಯೇ ಸಂಪೂರ್ಣ ಆಸ್ತಿಯ ಮಾಲೀಕಳು ಆಗುವುದಿಲ್ಲ.
