ಅಲ್ಲಿ ಯಾರಿಗೋ ಹಣ ಕೊಟ್ಟರೆ ಬೇಗನೆ ಪ್ರಮಾಣಪತ್ರ ದೊರಕುತ್ತೆ ಎಂಬ ಮಾಹಿತಿ ಸಿಕ್ಕಿತು. ದೇವರೇ! ಅಲ್ಲಿ ಎಷ್ಟು ಜನರಿಗೆ ಕೊಡಬೇಕೋ, ಏನು ಕಥೆಯೋ? ಮದುವೆಯ ಹಣ ಚಪ್ಪರಕ್ಕೇ ಆಯಿತು ಎಂಬ ಗಾದೆಯಂತೆ ಮೇಜಿಂದ ಮೇಜಿಗೆ ಹಣ ಕೊಡುತ್ತಾ ಹೋದರೆ, ಮನೆ ಕಟ್ಟಿದಂತೆಯೇ! ನೇರವಾಗಿ ಕಮಿಷನರ್ ಬಳಿಗೇ ಹೋಗಿ, ಎಲ್ಲಾ ವಿಷಯ ವಿವರಿಸಿ, "ನನ್ನ ಕೆಲಸ ಆಗಬೇಕಾದರೆ ಇಲ್ಲಿ ಯಾರಿಗೋ ಹಣ ಕೊಡಬೇಕಂತೆ, ನಾನೊಬ್ಬ ಶಾಲಾ ಶಿಕ. ಸಾಲ ಮಾಡಿ, ಚಿಕ್ಕದೊಂದು ಮನೆ ಕಟ್ಟಿಸಬೇಕೆಂದಿದ್ದೇನೆ. ನಾನೀಗ ಏನು ಮಾಡಬೇಕು? ಯಾರಿಗೆ ಹಣ ಕೊಡಬೇಕು? ನೀವೇ ಹೇಳಿ' ಎಂದೆ. ನನ್ನ ಮಾತು ಕೇಳಿ, ಗಲಿಬಿಲಿಗೊಂಡ ಅವರು "ನೀವೀಗ ಹೋಗಿ, ನಾನೀಗಲೇ ಬರುತ್ತೇನೆ' ಎಂದವರೇ ಜೀಪು ಹತ್ತಿ, ಸ್ಥಳಕ್ಕೆ ಆಗಮಿಸಿ ಪರಾಮರ್ಶಿಸಿ, ಆರಂಭಿಕ ಪ್ರಮಾಣಪತ್ರ ಬರೆದು ಕೊಟ್ಟು, ನೀವಿನ್ನು ಯಾವುದೇ ತೊಂದರೆಯಿಲ್ಲದೆ ಮನೆ ಕಟ್ಟಿಸಬಹುದು ಎಂದರು. ಆನಂತರದ ಪರವಾನಗಿ ಪಡೆಯಲು ಮುನಿಸಿಪಲ್ ಕಾರ್ಪೊರೇಷನ್ನಲ್ಲಿ ಓಡಾಡಿ ಸಾಕಾಯಿತು. ಅಲ್ಲಿಯೂ ಇದೇ ಸಮಸ್ಯೆ.
