ಮಗುವಿದ್ದರೂ ಇನ್ನೊಬ್ಬನ ಜತೆ ಸಂಬಂಧ ಹೊಂದಿರೋ ನನ್ನ ಪತ್ನಿಗೆ ಏನು ಮಾಡೋದು ಮೇಡಂ?

ಈ ಸಲ ನಾನು ಅವಳನ್ನ ಅವಳ ಮನೆಗೆ ಕಳಿಸಿದ್ದೇನೆ ವಾಪಾಸ್ ಕರೆದುಕೊಂಡು ಬಂದಿಲ್ಲ. ನನಗೆ ಒಂದು ಗಂಡು ಮಗು ಇದೆ. ದಯವಿಟ್ಟು ನನಗೆ ಸಲಹೆ ಕೊಡಿ ನಾನು ಈ ಸರಿ ಅವಳನ್ನ ವಾಪಾಸ್ ಕರ್ಕೊಂಡು ಬರಬೇಕೆಂದರೆ ಏನು ಕಂಡೀಷನ್ ಹಾಕಿ ಕರೆದುಕೊಂಡು ಬರಬಹುದು? ದಯವಿಟ್ಟು ನನಗೆ ಸಲಹೆ ಕೊಡಿ.

ಉತ್ತರ: ನೀವು ನಿಮ್ಮ ಪತ್ನಿ ಇರುವ ತಾಲ್ಲೂಕಿನ ನ್ಯಾಯಾಲಯದಲ್ಲಿ ಇರುವ ಮಧ್ಯಸ್ಥಿಕೆಕೇಂದ್ರದಲ್ಲಿ, ಅಥವಾ ಬೆಂಗಳೂರಿನಲ್ಲಿ ಇರುವುದಾದರೆ ಬೆಂಗಳೂರು ಮಧ್ಯಸ್ಥಿಕೆ ಕೇಂದ್ರಕ್ಕೆ , ನಿಮ್ಮ ಮತ್ತು ನಿಮ್ಮ ಪತ್ನಿಯ ಮಧ್ಯೆ ಕೆಲವು ದಾಂಪತ್ಯದ ಸಮಸ್ಯೆಗಳು ಇವೆ, ಅವನ್ನು ಪರಿಹರಿಸಿಕೊಡಲು ಸಹಾಯ ಮಾಡಿಕೊಡಿ ಎಂದು ಅರ್ಜಿ ಕೊಡಿ. ಬೇರೆ ಯಾವ ವಿವರವನ್ನೂ ಕೊಡಬೇಕಾಗಿಲ್ಲ.

ನಿಮ್ಮ ಪತ್ನಿಯ ಮತ್ತು ನಿಮ್ಮ ವಿಳಾಸ, ಮೊಬೈಲ್‌ ಸಂಖ್ಯೆ ವಿವರಗಳನ್ನು ಕೊಡಿ. ಕೇಂದ್ರದವರು ಇಬ್ಬರನ್ನೂ ಕರೆಯಿಸಿ, ನುರಿತ ಮಧ್ಯಸ್ಥಿಕೆಗಾರರ ಸಹಾಯದಿಂದ ನಿಮ್ಮಿಬ್ಬರ ನಡುವೆ ಮಧ್ಯೆ ಮಧ್ಯಸ್ಥಿಕೆ ಮಾಡುತ್ತಾರೆ. ಅಲ್ಲಿ ನಿಮ್ಮ ಸಮಸ್ಯೆಗಳಿಗೆ ಸೂಕ್ತ ಪರಿಹಾರ ಸಿಗಬಹುದು. ಆ ನಂತರವೂ ಪ್ರಯೋಜನ ಆಗದೇ ಹೋದರೆ ಆಗ ವಿಚ್ಛೇದನಕ್ಕೆ ಕಾನೂನು ಕ್ರಮ ಜರಗಿಸ ಬಹುದು. ಕೇವಲ ಸಂಶಯದ ಆಧಾರದ ಮೇಲೆ ದಾಂಪತ್ಯ ಜೀವನವನ್ನು ಹಾಳು ಮಾಡಿಕೊಳ್ಳಬೇಡಿ. ಒಂದು ಮಗುವೂ ಇದೆ ಎನ್ನುವುದನ್ನು ಮರೆಯಬೇಡಿ.

https://www.vijayavani.net/s-mp-worte-letter-to-modi-to-ban-acaranet/

https://www.vijayavani.net/s-appu-12th-day-anna-sanrtapana-in-blore/