ಹಾಗೆ ನೋಡಿದರೆ ಇಸ್ರೇಲ್-ಪ್ಯಾಲೆಸೆôನ್ ಸಂಘರ್ಷವನ್ನು ಮೊದಲಿಗೆ ಇಸ್ರೇಲ್-ಅರಬ್ ಸಂಘರ್ಷ ಎಂದು ಕರೆದ ಮರುಗಳಿಗೆಯೇ ಅದನ್ನು ಯೆಹೂದಿ-ಮುಸ್ಲಿಂ ಸಂಘರ್ಷ ಎಂದು ಜಾಗತಿಕವಾಗಿ ಬಿಂಬಿಸುವ ಪ್ರಯತ್ನ ಮುಕ್ಕಾಲು ಶತಮಾನದ ಹಿಂದೆಯೇ ಆರಂಭವಾಯಿತು. ಒಂದು ಹಂತಕ್ಕೆ ಅದನ್ನು ಒಪ್ಪಿಕೊಳ್ಳಲೂಬಹುದೇನೋ. ಆದರೆ ಭಯೋತ್ಪಾದಕ ಹಮಾಸ್ ಮತ್ತು ಇಸ್ರೇಲ್ ನಡುವಿನ ಈ ದಿನಗಳ ಸಂಘರ್ಷವನ್ನು ಇಸ್ರೇಲ್-ಪ್ಯಾಲೆಸೆôನ್ ಸಂಘರ್ಷ ಎಂದು ಕರೆಯುವುದಂತೂ ಸತ್ಯಕ್ಕೆ ಎಸಗುವ ಅಪಚಾರವೇ ಸರಿ. ವಾಸ್ತವವನ್ನು ತಿರುಚುವ ಈ ಹುನ್ನಾರ ಪುನರಾವರ್ತನೆಗೊಂಡು ಭಯೋತ್ಪಾದಕ ಹಮಾಸ್ ಅಂದರೆ ಪ್ಯಾಲೆಸೆ ôನ್ ಎಂದು ಬಿಂಬಿತವಾಗುವ ಪ್ರಕ್ರಿಯೆ ಹಮಾಸ್ ಅಂದರೆ ಅರಬ್ಬರು, ಎನ್ನುವಲ್ಲಿ ಮುಂದುವರಿದು, ಹಮಾಸ್ ಅಂದರೆ ಮುಸ್ಲಿಮರು ಎಂಬಲ್ಲಿಗೆ ತಲುಪಿದರೆ ಅದು ಜಾಗತಿಕವಾಗಿ ಮುಸ್ಲಿಮರು ತಮಗೆ ತಾವೇ ಮಾಡಿಕೊಳ್ಳುವ ಅನ್ಯಾಯವಾಗುತ್ತದೆ. ಹಮಾಸ್ ಅಂದರೆ ಪ್ಯಾಲೆಸೆôನೂ ಅಲ್ಲ, ಅರಬ್ಬರೂ ಅಲ್ಲ, ಮುಸ್ಲಿಮರೂ ಅಲ್ಲ; ಅದೊಂದು ಶಾಂತಿಕಂಟಕ ಭಯೋತ್ಪಾದಕ ಸಂಘಟನೆ, ಅದು ಮೊದಲಿಗೆ ಪ್ಯಾಲೆಸ್ತೀನಿಯನ್ನರ ವಿರೋಧಿ, ನಂತರ ಇಸ್ರೇಲ್ನ ವಿರೋಧಿ ಎಂಬ ವಾಸ್ತವ ಧರ್ಮ ಹಾಗೂ ಸಿದ್ಧಾಂತಗಳ ಸಿಕ್ಕುಗಳಿಂದ ಬಿಡಿಸಿಕೊಂಡು ಜಾಗತಿಕವಾಗಿ ಮಾನ್ಯವಾಗಬೇಕು. ಆಗ ಮಾತ್ರ ಧರ್ಮ ತನ್ನ ಪಾವಿತ್ರ್ಯವನ್ನೂ, ಸಿದ್ಧಾಂತ ತನ್ನ ಮೌಲ್ಯವನ್ನೂ ಉಳಿಸಿಕೊಳ್ಳುತ್ತದೆ, ನಿಜವಾದ ಶಾಂತಿಯ ಮಾರ್ಗ ತೆರೆದುಕೊಳ್ಳುತ್ತದೆ.
