ರಾಜ್ಯದಲ್ಲಿ ಅದಿರು ನಿಕ್ಷೇಪ ಇರುವುದನ್ನು ಗುರುತಿಸಿದ ರಾಜನೊಬ್ಬ ಗಣಿಗಾರಿಕೆ ಆರಂಭಿಸಿದ. ಆ ಕೆಲಸ ಸಮರ್ಪಕವಾಗಿ ನಡೆಯಲು ಮೇಲ್ವಿಚಾರಕನನ್ನು ನೇಮಿಸಿ, ಎಲ್ಲ ಜವಾಬ್ದಾರಿಗಳನ್ನು ಆತನಿಗೆ ವಹಿಸಿದ. ನಾಯಕನ ಸಮರ್ಥ ಮೇಲ್ವಿಚಾರಣೆಯಲ್ಲಿ ಕೆಲಸ ಸರಾಗವಾಗಿ ಸಾಗುತ್ತಿತ್ತು. ಒಂದು ದಿನ ಒಬ್ಬ ಕೆಲಸಗಾರ ಬಂದು ‘ನನಗೆ ಇವತ್ತು ರಜೆ ಬೇಕು’ ಎಂದು ಕೇಳಿಕೊಂಡಾಗ, ನಾಯಕ ‘ಅರ್ಧ ದಿನ ಕೆಲಸ ಮಾಡಿ ಹೋಗಬಹುದು’ ಎಂದನು. ಈ ಸೂಚನೆಯಿಂದ ಬೇಸರಗೊಂಡ ಕೆಲಸಗಾರ, ನಾಯಕನನ್ನು ಶಪಿಸುತ್ತಾ ಮನೆಗೆ ಹೋದ. ಅಂದು ಹಗಲು ಕಳೆದು ಕತ್ತಲಾದರೂ ಉಳಿದ ಕೆಲಸಗಾರರು ಮನೆಗೆ ಬರದೇ ಇದ್ದಿದ್ದನ್ನು ನೋಡಿ ಅಚ್ಚರಿಗೊಂಡ. ಮಧ್ಯರಾತ್ರಿ ಮನೆ ಸೇರಿದ ಪಕ್ಕದ ಮನೆಯವರ ಬಳಿ ‘ಏಕೆ ತಡವಾಯಿತು..?’ ಎಂದು ಪ್ರಶ್ನಿಸಿದಾಗ, ‘ನಾಳೆಯಿಂದ ಜೋರು ಮಳೆಯಂತೆ, ಆಗ ಕೆಲಸ ಮಾಡುವುದು ನಮ್ಮ ಜೀವಕ್ಕೆ ಅಪಾಯ ತರಬಹುದೆಂದು ನಮ್ಮ ಮೇಲ್ವಿಚಾರಕರು, ಹೆಚ್ಚಿನ ಸಮಯ ಕೆಲಸ ಮಾಡಿ, ನಾಳೆ ರಜೆ ನೀಡುತ್ತೇನೆ ಎಂದು ವಿನಂತಿಸಿಕೊಂಡರು.
