ಅದು 2019ರ ಅವಧಿ. ಅಹಮದಾಬಾದ್ನ 19 ವರ್ಷದ ಮಾನಾ ಪಟೇಲ್ ಜೀವನದಲ್ಲಿ ಮರೆಯಲಾಗದ ದಿನ. ಈಜಿನಲ್ಲಿ ಏನೋ ಸಾಧನೆ ಮಾಡಬೇಕು ಎಂದು ಅಂದುಕೊಂಡಿದ್ದ ಈಕೆ ಜಿಮ್ಲ್ಲಿ ಬಿದ್ದು ಹಿಮ್ಮಡಿಗೆ ಪೆಟ್ಟು ಮಾಡಿಕೊಂಡಳು. ಭುಜದ ಗಾಯದಿಂದ ಆಗತಾನೇ ಚೇತರಿಸಿಕೊಂಡಿದ್ದ ಮಾನಾಗೆ ಮತ್ತಷ್ಟು ಆಘಾತವಾಗಿತ್ತು. ಚೇರಿಸಿಕೊಳ್ಳುವಷ್ಟರಲ್ಲಿಯೇ ಬಂದೆರಗಿದ್ದು ಕರೊನಾ. ಓರ್ವ ಈಜುಗಾತಿಗೆ ಇದಕ್ಕಿಂತ ದೊಡ್ಡ ಆಘಾತ ಮತ್ತೊಂದಿಲ್ಲ. ಇದಕ್ಕೆ ಕಾರಣ, ದೀರ್ಘಕಾಲ ಈಜುಕೊಳ ಮುಚ್ಚಿತ್ತು. ತರಬೇತಿಯೂ ಇಲ್ಲದೆ ಮನೆಯಲ್ಲೂ ಇರಲಾಗದೆ ಪರಿತಪಿಸಿದರು ಮಾನಾ. ಆದರೂ ಪಟ್ಟುಬಿಡದೇ ಮನೆಯಲ್ಲೇ ಫಿಟ್ನೆಸ್ಗೆ ಅನುಗುಣವಾಗಿ ತಾಲೀಮು ಆರಂಭಿಸಿದ ಮಾನಾ ಈಗ ಒಲಿಂಪಿಕ್ಸ್ನತ್ತ ಪಯಣ ಬೆಳೆಸಿದ್ದಾರೆ. ಬಿ.ಕಾಂ. ಪದವೀಧರೆ ಮಾನಾ ಕಳೆದ 2 ವರ್ಷದಿಂದ ದ್ರೋಣಾಚಾರ್ಯ ರಾಷ್ಟ್ರೀಯ ತರಬೇತುದಾರ ನಿಹಾರ್ ಅಮೀನ್ ಬಳಿ ತರಬೇತಿ ಪಡೆಯುತ್ತಿದ್ದಾರೆ. ಇತ್ತೀಚೆಗೆ ಸಾರ್ವತ್ರಿಕ ಕೋಟಾ ಅಡಿಯಲ್ಲಿ ಟೋಕಿಯೋ ಒಲಿಂಪಿಕ್ಸ್ಗೆ ಆಯ್ಕೆಯಾದ ಭಾರತದ ಮೂರನೇ ಹಾಗೂ ಮಹಿಳಾ ವಿಭಾಗದ ಮೊದಲ ಈಜುಪಟು ಆಗಿದ್ದಾರೆ. ಯುರೋಪಿಯನ್ ಮೀಟ್ಸ್ನಲ್ಲಿ ಕಳೆದ 3 ತಿಂಗಳಿಂದ ಮಾನಾ ಅವರ ಪ್ರದರ್ಶನ ನೋಡಿದ ಭಾರತದ ಈಜು ಸಂಸ್ಥೆ (ಎಸ್ಎಫ್ಐ), ಅವರ ಹೆಸರನ್ನು ಅಂತಾರಾಷ್ಟ್ರೀಯ ಈಜು ಫೆಡರೇಷನ್ಗೆ (ಫಿನಾ) ಶಿಫಾರಸು ಮಾಡಿತ್ತು. ಅದನ್ನು ಪರಿಗಣಿಸಿರುವ ಫಿನಾ ಇದೇ 2ರಂದು ಮಾನಾ ಅವರನ್ನು ಒಲಿಂಪಿಕ್ಸ್ಗೆ ಆಯ್ಕೆ ಮಾಡಿದೆ. ಮಾನಾ ಅವರು 100 ಮೀಟರ್ಸ್ ಬ್ಯಾಕ್ಸ್ಟ್ರೋಕ್ ಸ್ಪರ್ಧೆಯಲ್ಲಿ ಭಾಗವಹಿಸಲಿದ್ದಾರೆ. 2019ರಲ್ಲಿ ನಡೆದ ಸೀನಿಯರ್ ನ್ಯಾಷನಲ್ ಚಾಂಪಿಯನ್ಶಿಪ್ ಫೈನಲ್ನಲ್ಲಿ ತಪು್ಪ ಆರಂಭದಿಂದಾಗಿ 100 ಮೀಟರ್ ಬ್ಯಾಕ್ಸ್ಟ್ರೋಕ್ನಲ್ಲಿ ಮಾನಾ ಅನರ್ಹಗೊಂಡಿದ್ದರು. ಆದರೂ ಪ್ರಯತ್ನ ಬಿಡದೆ ಇಂದು ಅದೇ 100 ಮೀಟರ್ ಬ್ಯಾಕ್ಸ್ಟ್ರೋಕ್ ವಿಭಾಗದಲ್ಲೇ ಟೋಕಿಯೋ ಒಲಿಂಪಿಕ್ಸ್ಗೆ ಆಯ್ಕೆಯಾಗಿದ್ದಾರೆ.
