ಆಕರ್ಷಣೆಗೆ ಮಿತಿಯಿರಲಿ: ಮನೋಲ್ಲಾಸ

ಮಗಳ ಭವಿಷ್ಯ ಹಾಳು ಮಾಡಲಾಗದೆ ರಾಜನ ವಿರುದ್ಧ ಮಾತನಾಡಲೂ ಆಗದೆ ಇಕ್ಕಟ್ಟಿನ ಪರಿಸ್ಥಿತಿಯಲ್ಲಿ ಸಿಕ್ಕಿಹಾಕಿಕೊಂಡ. ಆದರೆ, ಬುದ್ಧಿವಂತನಾದ ಆ ಮಂತ್ರಿಯು ಯೋಚನೆ ಮಾಡಿ, ರಾಜನಿಗೆ ಒಂದು ದಿನ ತನ್ನ ಮನೆಗೆ ಭೋಜನಕ್ಕೆ ಆಮಂತ್ರಿಸಿದ. ಊಟಕ್ಕೆ ಬಗೆ ಬಗೆಯ ಪದಾರ್ಥಗಳನ್ನು ತಯಾರಿಸುವುದರ ಜತೆಗೆ ಒಂದು ಅಗಲವಾದ ತಟ್ಟೆಯಲ್ಲಿ ವಿವಿಧ ಪ್ರಕಾರದ ನಿಂಬೆ ಹಣ್ಣುಗಳನ್ನು ಬೇರೆ ಬೇರೆ ಆಕಾರಗಳಲ್ಲಿ ಕೊಯ್ದು ಹೋಳು ಮಾಡಿ ರಾಜನ ಮುಂದೆ ಇಟ್ಟ. ನಿಂಬೆಯ ವಾಸನೆ ರಾಜನ ಬಾಯಲ್ಲಿ ನೀರೂರಿಸಿತು. ಅದರಲ್ಲಿಯ ಒಂದು ಹೋಳು ತೆಗೆದುಕೊಳ್ಳುತ್ತಾ ರಾಜ, ‘ಇವುಗಳನ್ನು ಇಷ್ಟೇಕೆ ವಿಧ ವಿಧವಾಗಿ ಇಟ್ಟಿರುವಿರಿ? ಒಂದೇ ತೆರನಾಗಿ ಹೆಚ್ಚಿ ಇಡಬಹುದಲ್ಲ? ಎಂದು ಕೇಳಿದಾದ ಮಂತ್ರಿಯು, ‘ರಾಜನ್ ಇದನ್ನೇ ನಿಮಗೆ ತಿಳಿಸಲೆಂದು ನಾನು ಹೀಗೆ ಮಾಡಿದೆ. ಇವು ಹೊರಗಿನಿಂದ ಬೇರೆ ಆಕಾರಗಳಲ್ಲಿ ಇದ್ದರೂ ಇವೆಲ್ಲವುಗಳ ಒಳಗಿರುವ ರಸ ಒಂದೇ ಆಗಿದೆಯಲ್ಲವೇ? ಮನುಷ್ಯನ ಬಯಕೆಗಳು ನೂರಾರು ಇದ್ದರೂ ತೃಷೆ ಒಂದೇ ಅಲ್ಲವೇ?’ ಎಂದ. ರಾಜನಿಗೆ ತನ್ನ ತಪ್ಪಿನ ಅರಿವಾಗಿ ದುಷ್ಕೃತ್ಯ ನಿಲ್ಲಿಸಿಬಿಟ್ಟ. ಮಂತ್ರಿಯೂ ಸಮಸ್ಯೆಯಿಂದ ಪಾರಾದ. ಪ್ರಜೆಗಳೂ ನಿರಾಳರಾದರು.

ಜೀವನಕ್ಕೆ ಬೇಕಾದ ಅವಶ್ಯಕತೆಗಳೆಲ್ಲ ಸಿಕ್ಕಿದರೂ ಜಗತ್ತಿನಲ್ಲಿಯ ನೂರಾರು ಆಕರ್ಷಣೆಯ ವಸ್ತುಗಳು ಸೆಳೆಯುತ್ತವೆ. ಅದನ್ನೇ ಮಾಯಾ ಪ್ರಪಂಚ ಎಂದು ಕರೆದಿದ್ದಾರೆ. ಅವುಗಳೆಡೆ ಮೋಹಿತನಾಗಿ ವಿಚಾರ ಮಾಡದೇ ದುಡುಕಿ ಮಾಡಿದ ಕರ್ಮದ ಪರಿಣಾಮದಿಂದ ಒದಗಬಹುದಾದ ಆಪತ್ತು, ಹಾನಿ ಇವು ನಮ್ಮನ್ನು ಅಧಃಪತನಕ್ಕೆ ತಳ್ಳುತ್ತವೆ. ಭಗವದ್ಗೀತೆಯಲ್ಲಿ ‘ಅಹಂಕಾರಂ ಬಲಂ ದರ್ಪಮ್ ಕಾಮಂ ಕ್ರೋಧಂ ಪರಿಗ್ರಹಮ್ ವಿಮುಚ್ಯ ನಿರ್ಮಮಃ ಶಾಂತೋ ಬ್ರಹ್ಮ ಭೂಯಾಯ ಕಲ್ಪತೇ ಅಹಂಕಾರ’ ಎಂದು ಹೇಳಲಾಗಿದೆ. ಬಲ , ದರ್ಪ , ಕಾಮ , ಕ್ರೋಧ, ಅತಿಯಾಗಿ ಸಂಗ್ರಹಿಸಬೇಕೆಂಬ ಬುದ್ಧಿಯನ್ನು ತ್ಯಜಿಸಿ ಧ್ಯಾನಯೋಗವನ್ನು ಆಶ್ರಯಿಸಿದ ಶಾಂತಿಯುಕ್ತ ಮನುಷ್ಯನು ಯಾವಾಗಲೂ ಸಂತಸದಿಂದಿರುತ್ತಾನೆ ಎಂಬುದು ಇದರರ್ಥ.

(ಲೇಖಕರು ಹವ್ಯಾಸಿ ಬರಹಗಾರರು)

https://www.vijayavani.net/right-to-sleep-you-can-file-case-against-anyone-for-not-letting-you-to-sleep

https://www.vijayavani.net/ai-powered-sex-robots-will-eliminate-need-for-human-partner-in-bed-ex-google-exec