ಲಾಭದ ಯೋಜನೆಗಳ ಅವಶ್ಯಕತೆ ಇದೆ. ವ್ಯಾಪಾರದ ಪಾಲುದಾರರು, ನೆರೆಮನೆಯವರು, ಗಂಡ, ಹೆಂಡತಿ, ಮಕ್ಕಳು, ತಂದೆ, ತಾಯಿಯೊಂದಿಗೆ, ಸ್ವಲ್ಪ ಬೆರೆಯುವಿಕೆ ಇರಬೇಕು. ಇದನ್ನು ತುಂಬಿ ತುಳುಕುತ್ತಿರುವ ಪ್ರೇಮಪ್ರಸಂಗವೆಂದು ಯೋಚಿಸಿದರೆ ಇನ್ನೂ ಊಹಾಲೋಕದಲ್ಲಿ ಇದ್ದೀರಿ ಎಂದಾಯಿತು. ಆಗ ನಿಮ್ಮ ಹೆಂಡತಿ ನಿಮ್ಮನ್ನು ಭೂಮಿಗೆ ಇಳಿಸಬೇಕು. ಪ್ರೇಮಪ್ರಸಂಗ ಪರವಾಗಿಲ್ಲ, ಆದರೆ ಅದು ಸಂಬಂಧಗಳ ವಿಷಯಕ್ಕೆ ಬಂದಾಗ, ಅಲ್ಲಿ ವ್ಯವಹಾರ ಇರುತ್ತದೆ. ನೀವದನ್ನು ಸ್ವೀಕರಿಸದಿದ್ದರೆ, ಸಂಕಟಕ್ಕೆ ಒಳಗಾಗುವಿರಿ. ಅದನ್ನು ಸ್ವೀಕರಿಸಿದರೆ, ಆ ಸಂಬಂಧವನ್ನು ಹೇಗೆ ಸುಲಲಿತವಾಗಿ ನಡೆಸಬೇಕೆಂದು ಕಲಿತುಕೊಳ್ಳುವಿರಿ. ‘ನಾನು ನಿನಗೆ ಎಷ್ಟೊಂದು ಕೊಟ್ಟೆ- ನನಗೆ ನೀನೇನು ಕೊಡುತ್ತಿದ್ದೀಯ’ ಎಂದು ಹೇಳಿದರೆ, ಅದು ಅಸಹ್ಯವಾಗಿರುತ್ತದೆ. ಅದನ್ನು ಸುಗಮವಾಗಿ ನಡೆಸಲು, ಒಂದು ಮಾರ್ಗ ಇದೆ. ನೀವು ಏನನ್ನು ಕೊಡುವಿರೋ ಅದು ಯಾರಿಗೂ ತಿಳಿಯದಂತೆ ಕೊಡುವುದು.
