ರೂಮಾಂಚನ!: ಮತ್ತದೇ ಮುದ ಕ್ಲಬ್​ಹೌಸ್​ನಲ್ಲಿ...

ಸಭಾಂಗಣಗಳಲ್ಲಿ ಪುಸ್ತಕ, ಚಿತ್ರಮಂದಿರಗಳಲ್ಲಿ ಸಿನಿಮಾ ಬಿಡುಗಡೆ ಆಗುತ್ತಿಲ್ಲ, ಹೊರಾಂಗಣಗಳಲ್ಲಿ ನಡೆಯುವ ಸಭೆ-ಸಮಾರಂಭಗಳು ಯಾವುವೂ ನಡೆಯುತ್ತಿಲ್ಲ. ಹೆಚ್ಚೂಕಡಿಮೆ ಒಂದೂವರೆ ವರ್ಷದಿಂದ ಇರುವ ಇಂಥದ್ದೊಂದು ಪರಿಸ್ಥಿತಿ ಈಗ ಸ್ವಲ್ಪ ಸಡಿಲಗೊಂಡಿದ್ದರೂ ಹಿಂದಿನಂತೆ ಜನರು ನಿರಾಳವಾಗಿ ಒಂದೆಡೆ ಸೇರುತ್ತಿಲ್ಲ. ಪರಿಣಾಮವಾಗಿ ಸಾಹಿತಿಗಳು, ಕಲಾವಿದರು ತಮ್ಮ ಅಭಿಮಾನಿಗಳು-ಅನುಯಾಯಿಗಳಿಂದ ಸಂಪರ್ಕ ಕಳೆದುಕೊಂಡಂತಾಗಿದೆ. ಅವರಿಗೆಲ್ಲ ಆ ಸಂಪರ್ಕವನ್ನು ಮರಳಿ ಕೊಡುವಂಥ ಕೆಲಸವನ್ನು ಇದೀಗ ‘ಕ್ಲಬ್​ಹೌಸ್’ ಮಾಡುತ್ತಿದೆ.

| ರವಿಕಾಂತ ಕುಂದಾಪುರ

ಹೊರಗಡೆ ಎಲ್ಲಿಗೆ ಹೋದರೂ ಮಾಸ್ಕ್ ಹಾಕಿಕೊಂಡಿರಬೇಕು, ಯಾರನ್ನೇ ಭೇಟಿಯಾದರೂ ಅಂತರ ಕಾಪಾಡಿಕೊಳ್ಳಬೇಕು. ಹೋದಲ್ಲೆಲ್ಲ ಸ್ಯಾನಿಟೈಸರ್ ಹಾಕಿಕೊಳ್ಳಬೇಕು, ಥರ್ಮಲ್ ಚೆಕಪ್​ಗೆ ಕೈಯೊಡ್ಡಬೇಕು. ಇಷ್ಟೆಲ್ಲ ಮುಂಜಾಗ್ರತೆ ವಹಿಸಿ ಹೊರಗೆ ಹೋಗಿ ಬಂದರೂ ಮನೆಗೆ ಬಂದ ತಕ್ಷಣ ಬಟ್ಟೆಯನ್ನು ಒಗೆಯಲು ಹಾಕಿ, ಸ್ನಾನ ಮಾಡಿದರಷ್ಟೇ ನಿರಾಳತೆ. ಇಲ್ಲದಿದ್ದರೆ ಮನಸಲ್ಲಿ ಒಂದು ಅಳುಕು. ಇದೇ ಕಾರಣಕ್ಕೆ ಎಷ್ಟೋ ಜನ ಹೊರಗೆ ಹೋಗುವುದನ್ನೇ ಬಿಟ್ಟಿದ್ದಾರೆ. ಹೀಗಿದ್ರೂ ಇಲ್ಲೊಂದು ‘ರೂಮ್​ನಲ್ಲಿ ಮಾತ್ರ ನೂರಾರು ಮಂದಿ ಯಾವುದೇ ಅಳುಕಿಲ್ಲದೆ, ಮಾಸ್ಕ್- ಸ್ಯಾನಿಟೈಸರ್, ವೈಯಕ್ತಿಕ ಅಂತರದ ಗೋಜಿಲ್ಲದೆ ನಿರಾತಂಕವಾಗಿ ಸೇರಿ ಮಾತನಾಡುತ್ತಾರೆ!

ಹೌದು.. ಮನೆಯೊಳಗೇ ಒಬ್ಬರಿಂದ ಒಬ್ಬರು ದೂರ ಇರಬೇಕಾದ ಪರಿಸ್ಥಿತಿಯಲ್ಲಿ ಒಂದು ‘ರೂಮ್​ನಲ್ಲಿ ನೂರಾರು ಮಂದಿ ನಿರಾಳವಾಗಿ ಸೇರಬಹುದಾದ ಸೌಲಭ್ಯವನ್ನು ‘ಕ್ಲಬ್​ಹೌಸ್’ ಎಂಬ ಆಪ್ ಒದಗಿಸಿದೆ. ಇದೀಗ ಎಷ್ಟರಮಟ್ಟಿಗೆ ಜನಪ್ರಿಯತೆ ಪಡೆದುಕೊಂಡಿದೆ ಎಂದರೆ, ತಡರಾತ್ರಿ ನಿದ್ದೆ ಬರುತ್ತಿಲ್ಲ ಅಥವಾ ತುಂಬಾ ಬೋರಾಗುತ್ತಿದೆ ಅನಿಸಿದಾಗ ಒಮ್ಮೆ ‘ಕ್ಲಬ್​ಹೌಸ್’ ಓಪನ್ ಮಾಡಿ ನೋಡಿದರೆ ಅಲ್ಲಿ ಆಗಲೂ ಬಹಳಷ್ಟು ಮಂದಿ ಮಾತನಾಡುತ್ತಿರುತ್ತಾರೆ. ಆಸಕ್ತಿ ಇದ್ದರೆ ನಾವೂ ಕೈಯೆತ್ತಿ ಮಾತನಾಡಬಹುದು, ಇಲ್ಲವೇ ಅಲ್ಲಿನ ಮಾತುಗಳನ್ನು ಕೇಳುತ್ತ ಹಾಗೆಯೇ ನಿದ್ರೆಗೆ ಜಾರಬಹುದು.

ಮತ್ತದೇ ಮುದ: ಕಳೆದುಕೊಂಡಿದ್ದ ಆ ಮಾತುಕತೆ, ಮೆಚ್ಚುಗೆಯ ಮಾತು, ಅಭಿಮಾನದ ನುಡಿ ಎಲ್ಲವನ್ನೂ ಈ ಕ್ಲಬ್​ಹೌಸ್ ಈಗ ಸ್ವಲ್ಪಮಟ್ಟಿಗೆ ಮರಳಿ ಸಿಗುವಂತೆ ಮಾಡಿದೆ. ಸಾಹಿತಿ, ನಟ, ಕಲಾವಿದ ಅಥವಾ ಉದ್ಯಮಿ ಯಾರೇ ಆಗಿರಲಿ, ಅವರಿಗೆ ತಮ್ಮನ್ನು ಅಭಿಮಾನದಿಂದ ನೋಡುವವರಿಂದ ಒಂದು ಮೆಚ್ಚುಗೆಯ ಮಾತು ನೇರವಾಗಿ ಕೇಳಿಸಿಕೊಳ್ಳುವ ಖುಷಿ ವಿಶೇಷವಾಗಿರುತ್ತದೆ. ಹಾಗೆಯೇ ಒಬ್ಬ ಅಭಿಮಾನಿಗೆ ತನ್ನ ನೆಚ್ಚಿನ ನಟ, ಸಾಹಿತಿ, ಕವಿ, ಗಾಯಕ ಅಥವಾ ತನ್ನ ಪ್ರೀತಿಯ ಇನ್ಯಾರೊಂದಿಗಾದರೂ ನೇರವಾಗಿ ಮಾತನಾಡಲು ಸಿಕ್ಕ ಅವಕಾಶದ ಆನಂದ ಅವರ್ಣನೀಯ. ಕ್ಲಬ್​ಹೌಸ್ ರೂಮ್ಲ್ಲಿ ಸಿಗುವ ಈ ಖುಷಿಯನ್ನು ‘ರೂಮಾಂಚನ’ ಎಂದರೂ ತಪ್ಪಿಲ್ಲ. ಮಾತಿನ ಖುಷಿಯಲ್ಲೇ ಏರಿಳಿವ ಹೃದಯದಬಡಿತ ‘ಕ್ಲಬ್​ಡಬ್’ ಎಂದೆನಿಸಿದರೂ ಆಶ್ಚರ್ಯವೇನಿಲ್ಲ. ಒಟ್ಟಿನಲ್ಲಿ, ಕರೊನಾ- ಲಾಕ್​ಡೌನ್​ನಿಂದಾಗಿ ದೂರವಾಗಿದ್ದ ಪರಸ್ಪರ ಮಾತುಕತೆಯಲ್ಲಿನ ಆ ಮುದ ಈಗ ಕ್ಲಬ್​ಹೌಸ್​ನಿಂದ ಮತ್ತೆ ಸಿಗುವಂತಾಗಿದ್ದೇನೋ ನಿಜ.

ಏನೂ ಇಲ್ಲದಿರುವುದಕ್ಕಿಂತ...

| ಎಚ್. ಡುಂಡಿರಾಜ್ ಹನಿಗವಿ

ಖಿನ್ನತೆ ದೂರ ಆಗುತ್ತೆ

| ಬಿ. ಸುರೇಶ ನಿರ್ದೇಶಕ-ನಿರ್ಮಾಪಕ

ನೇರ ಮಾತುಕತೆಗೆ ಅವಕಾಶವಾಗಿದೆ...

| ರಿಷಬ್ ಶೆಟ್ಟಿ ನಟ-ನಿರ್ದೇಶಕ

ಕ್ಲಬ್​ಹೌಸನ್ನು ಗಬ್​ಹೌಸ್ ಮಾಡ್ಬೇಡಿ!

| ಎಂ. ಎಸ್. ನರಸಿಂಹಮೂರ್ತಿ ಖ್ಯಾತ ಹಾಸ್ಯ ಲೇಖಕರು

ದುರುಪಯೋಗ ಆಗದಿರಲಿ...

| ಡಿ.ಸಿ.ರಾಜಪ್ಪ ನಿವೃತ್ತ ಡಿಸಿಪಿ

ಜ್ಞಾನ-ಬಾಂಧವ್ಯ ವೃದ್ಧಿ

| ಎಸ್. ಷಡಕ್ಷರಿ ಉದ್ಯಮಿ

ಇದು ಅಡಿಕ್ಷನ್ ಆಗ್ತಿದೆ!

| ನಾಗೇಂದ್ರ ಪ್ರಸಾದ್ ಗೀತರಚನೆಕಾರ

ಆರಂಭದಲ್ಲಿ ಸಾಕಪ್ಪಾ ಸಾಕು ಅನಿಸಿತು...

| ಜಯತೀರ್ಥ ಜಯಣ್ಣ ನಿರ್ದೇಶಕ

ಇದರಲ್ಲಿ ಹೆಲ್ತ್ ವೈಬ್ಸ್ ಕೂಡ ಇದೆ...

| ಡಾ. ಭುಜಂಗ ಶೆಟ್ಟಿ ನಿರ್ದೇಶಕರು, ನಾರಾಯಣ ನೇತ್ರಾಲಯ

https://www.vijayavani.net/article-about-world-emoji-day/

https://www.vijayavani.net/kpsc-appointment-controversy-again-back-to-kat/