ಐದು ಕೋಟಿ ಸಂಭಾವನೆ ಕೊಡ್ತೀನಿ ಅಂದ್ರೂ, 'ನೋ ವೇ ಚಾನ್ಸೇ ಇಲ್ಲ' ಎಂದರಂತೆ ...

ಟಾಲಿವುಡ್​ನ ಮೋಸ್ಟ್​ ವಾಂಟೆಡ್​ ವ್ಯಕ್ತಿಗಳಲ್ಲಿ ನಿರ್ದೇಶಕ ಅನಿಲ್​ ರಾವಿಪುಡಿ ಸಹ ಒಬ್ಬರು. ಸಂಭಾಷಣೆಕಾರರಾಗಿ ಬಂದ ಅವರು, ಈಗ ತೆಲುಗಿನ ಬಹಳ ಜನಪ್ರಿಯ ನಿರ್ದೇಶಕರಾಗಿದ್ದಾರೆ.

ಅದರಲ್ಲೂ ಮಹೇಶ್​ ಬಾಬು ಅಭಿನಯದ 'ಸರಿಲೇರು ನೀಕೆವ್ವರು' ಚಿತ್ರ ಹಿಟ್​ ಆಗಿದ್ದೇ ಆಗಿದ್ದು, ಅನಿಲ್​ಗೆ ತೆಲುಗು ಚಿತ್ರರಂಗದಲ್ಲಿ ಡಿಮ್ಯಾಂಡ್​ ಜಾಸ್ತಿಯಾಗುತ್ತಿದೆ. ಅದರಲ್ಲೂ ಅಲ್ಲಿನ ಜನಪ್ರಿಯ ನಿರ್ಮಾಪಕರೇ, ತಮ್ಮ ಬ್ಯಾನರ್​ಗೊಂದು ಚಿತ್ರ ಮಾಡಿಕೊಡಿ ಎಂದು ಕೇಳುತ್ತಿದ್ದಾರಂತೆ.

ಇದನ್ನೂ ಓದಿ: PHOTOS: ಸ್ಯಾಂಡಲ್​ವುಡ್​ಗೆ ಹ್ಯಾಟ್ರಿಕ್​ ಹೀರೋ ಸಾರಥ್ಯ; ಶಿವಣ್ಣನಿಗೆ ಶುಭ ಕೋರಿದ ಮಾಜಿ ಕ್ರಿಕೆಟಿಗ ವೆಂಕಟೇಶ್​ ಪ್ರಸಾದ್​

ಈ ಪೈಕಿ ತೆಲುಗಿನ ಜನಪ್ರಿಯ ನಿರ್ಮಾಪಕ ಮತ್ತು ನಟ ಅಲ್ಲು ಅರ್ಜುನ್​ ಅವರ ತಂದೆ ಅಲ್ಲು ಅರವಿಂದ್​ ಅವರು ಕೊಟ್ಟ ಆಫರ್​ನ್ನು ಅನಿಲ್​ ರಾವಿಪುಡಿ ನಿರಾಕರಿಸಿದ್ದಾರೆ ಎಂದು ಹೇಳಲಾಗುತ್ತಿದೆ. ಅಲ್ಲು ಅರವಿಂದ್​ ಅವರು ಆಹಾ ಎಂಬ ಓವರ್ ದಿ ಟಾಪ್​ (ಓಟಿಟಿ) ನಡೆಸುತ್ತಿರುವುದು ಎಲ್ಲರಿಗೂ ಗೊತ್ತೇ ಇದೆ.

ಈ ಓಟಿಟಿಗೆ ಒಂದು ವೆಬ್​ ಸೀರೀಸ್​ ಮಾಡಿಕೊಡಿ ಎಂದು ಅನಿಲ್​ಗೆ ಅಲ್ಲು ಅರವಿಂದ್​ ಕೇಳಿದ್ದಾರೆ. ಅಷ್ಟೇ ಅಲ್ಲ, ವೆಬ್​ ಸೀರೀಸ್​ ನಿರ್ದೇಶಿಸಿಕೊಡುವುದಕ್ಕೆ ಐದು ಕೋಟಿ ಆಫರ್​ ಸಹ ಕೊಟ್ಟಿದ್ದಾರೆ. ಆದರೆ, ಅನಿಲ್​ ಮಾತ್ರ 'ನೋ ವೇ ಚಾನ್ಸೇ ಇಲ್ಲ' ಎಂದು ಹೇಳಿ ಹೊರನಡೆದಿದ್ದಾರೆ.

ಇದನ್ನೂ ಓದಿ: ಇಂಡಿಪೆಂಡೆನ್ಸ್​ ಡೇ ಪ್ರಯುಕ್ತ ‘ಶಿವಾಜಿ ಸುರತ್ಕಲ್​’

ವೆಬ್​ ಸೀರೀಸ್​ ನಿರ್ದೇಶಿಸುವುದಕ್ಕೆ ಅಷ್ಟೊಂದು ಹಣ ಕೊಡುತ್ತಿದ್ದರೂ, ಅನಿಲ್​ ಯಾಕೆ ನಿರಾಕರಿಸಿದರು ಎಂಬ ಪ್ರಶ್ನೆ ಎಲ್ಲರಲ್ಲೂ ಸಹಜವಾಗಿಯೇ ಇದ್ದೇ ಇರುತ್ತದೆ. ಈ ಕುರಿತು ನಿಖರವಾದ ಉತ್ತರ ಅನಿಲ್​ ಕಡೆಯಿಂದ ಸಿಗದಿದ್ದರೂ, ಅನಿಲ್​ ಯಾಕೆ ನಿರಾಕರಿಸಿರಬಹುದು ಎಂಬ ಥಿಯರಿಗಳು ಓಡಾಡುತ್ತಿವೆ.

ಪ್ರಮುಖವಾಗಿ ದೊಡ್ಡ ದೊಡ್ಡ ಸ್ಟಾರ್​​ಗಳ ಜತೆಗೆ ಚಿತ್ರ ಮಾಡುವುದಕ್ಕೆ ಸಿಗುತ್ತಿರುವ ಅವಕಾಶಗಳನ್ನು ಬಿಟ್ಟು, ವೆಬ್​ ಸೀರೀಸ್​ ಯಾಕೆ ಬೇಕು ಎಂಬ ಕಾರಣಕ್ಕೆ ಬೇಡ ಎಂದರಿಬಹುದು ಎಂದು ಹೇಳಲಾಗುತ್ತಿದೆ. ಇನ್ನು ಅನಿಲ್​ ತಮ್ಮ ಮುಂದಿನ ಚಿತ್ರಕ್ಕೆ ಸಂಭಾವನೆಯಾಗಿ 10 ಕೋಟಿ ನಿರೀಕ್ಷಿಸುತ್ತಿರುವುದರಿಂದ, ಐದು ಕೋಟಿ ಕಡಿಮೆಯಾಯಿತು ಎಂಬ ಕಾರಣಕ್ಕೆ ಬಿಟ್ಟಿದ್ದಾರಂತೆ. ಕಾರಣ ಏನೇ ಇರಲಿ, ಐದು ಕೋಟಿ ಸಂಭಾವನೆಯನ್ನು ಅನಿಲ್​ ಬಿಟ್ಟಿದ್ದು ಹಲವರು ಹಬ್ಬೇರಿಸುವಂತಾಗಿದೆ.

https://www.vijayavani.net/sushants-fans-put-up-billboard-in-california-demanding-justice/