ಈ ಘಟನೆ ಗುರುವಾರ ಸಂಜೆ ನಡೆದಿದ್ದು, ಆಸ್ಪತ್ರೆಗೆ ದಾಖಲಾದ ವೈದ್ಯಾಧಿಕಾರಿ ಹೆಸರು ಅನಿಲ್ ಕುಮಾರ್ ಎಂಬ ಅಂಶ ಬೆಳಕಿಗೆ ಬಂದಿದೆ. ಅವರು ಸಂಜೆ ವಿಪರೀತ ನೀರಡಿಕೆಯಾದ ಕಾರಣ ಅಲ್ಲಿದ್ದ ನೌಕರರ ಬಳಿ ನೀರು ತಂದುಕೊಡುವಂತೆ ಕೇಳಿದ್ದಾರೆ. ಅವರು ತಂದುಕೊಟ್ಟ ನೀರನ್ನು ಇವರು ಕಣ್ಮುಚ್ಚಿ ಕುಡಿದುಬಿಟ್ಟಿದ್ದಾರೆ. ಅದು ಗಂಟಲು ಪ್ರವೇಶಿಸುತ್ತಲೇ ಅಸಹಜವೆನಿಸುವ ರುಚಿ ಕಂಡು ಬೆಚ್ಚಿಬಿದ್ದು ಗಮನಿಸಿದರೆ ಫಾರ್ಮಾಲಿನ್ ಮಿಶ್ರಿತ ನೀರೆಂಬುದು ಮನದಟ್ಟಾಗಿದೆ. ಕೂಡಲೇ ಖಾಸಗಿ ಆಸ್ಪತ್ರೆಗೆ ಚಿಕಿತ್ಸೆಗಾಗಿ ಅವರು ದಾಖಲಾಗಿದ್ದಾರೆ. ಈ ಸುದ್ದಿ ಗೊತ್ತಾಗುತ್ತಿದ್ದಂತೆ ಜಿಲ್ಲಾಧಿಕಾರಿ ಗಂಧಂ ಚಂದ್ರುಡು, ಸ್ಥಳೀಯ ಶಾಸಕ ಎ ವೆಂಕಟರಾಮಿ ರೆಡ್ಡಿ ಮತ್ತು ಇತರೆ ಅಧಿಕಾರಿಗಳು ಖಾಸಗಿ ಆಸ್ಪತ್ರೆಗೆ ಧಾವಿಸಿದ್ದರು.
