ಆನಂದ್​ ನೀನು ನನ್ನ ಕುಟುಂಬದವನು ನನ್ನನ್ಯಾಕೆ ಇಕ್ಕಟ್ಟಿಗೆ ಸಿಲುಕಿಸುತ್ತೀಯಾ? ಕೊನೆಗೂ ನಿಜ ಒಪ್ಪಿಕೊಂಡ್ರಾ ರಶ್ಮಿಕಾ?

ಹೈದರಾಬಾದ್​: ಬೇಬಿ ಚಿತ್ರದ ಮೂಲಕ ಮೆಗಾ ಹಿಟ್​ ಪಡೆದ ನಟ ಆನಂದ್ ದೇವರಕೊಂಡ ಗಮ್​ ಗಮ್ ಗಣೇಶ ಚಿತ್ರದಲ್ಲಿ ನಟಿಸಿದ್ದಾರೆ. ಇದು ಆ್ಯಕ್ಷನ್ ಮತ್ತು ರೊಮ್ಯಾಂಟಿಕ್ ಕಾಮಿಡಿ ಸಿನಿಮಾ. ಈ ಚಿತ್ರಕ್ಕೆ ಪ್ರಗತಿ ಶ್ರೀವಾಸ್ತವ್ ಮತ್ತು ನಯನ್ ಸಾರಿಕಾ ಇಬ್ಬರು ನಾಯಕಿಯರು. ಉದಯ್ ಬೊಮ್ಮಿಶೆಟ್ಟಿ ನಿರ್ದೇಶನದ ಈ ಚಿತ್ರದಲ್ಲಿ ಎಮ್ಯಾನುಯೆಲ್, ವೆನ್ನೆಲ ಕಿಶೋರ್, ರಾಜ್ ಅರ್ಜುನ್ ಮತ್ತು ಸತ್ಯಂ ರಾಜೇಶ್ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.

ಹೈಲೈಫ್ ಎಂಟರ್ಟೈನ್ಮೆಂಟ್ ಬ್ಯಾನರ್ ಅಡಿಯಲ್ಲಿ ಕೇದಾರ್ ಸೆಲಗಂಶೆಟ್ಟಿ ಮತ್ತು ವಂಶಿ ಕರುಮಂಚಿ ಈ ಚಿತ್ರವನ್ನು ನಿರ್ಮಿಸುತ್ತಿದ್ದಾರೆ. ಚೇತನ್ ಭಾರದ್ವಾಜ್ ಸಂಗೀತ ನೀಡಿದ್ದಾರೆ. ಈ ಸಿನಿಮಾ ಮೇ 31ರಂದು ತೆರೆಗೆ ಬರಲಿದ್ದು, ಈ ಸಂದರ್ಭದಲ್ಲಿ ಪ್ರೀ ರಿಲೀಸ್ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿತ್ತು. ನ್ಯಾಷನಲ್ ಕ್ರಶ್ ರಶ್ಮಿಕಾ ಮಂದಣ್ಣ ಅತಿಥಿಯಾಗಿ ಈ ಕಾರ್ಯಕ್ರಮಕ್ಕೆ ಬಂದಿದ್ದರು ಮತ್ತು ಈ ಚಿತ್ರ ಉತ್ತಮ ಯಶಸ್ಸು ಕಾಣಲಿ ಎಂದು ಶುಭ ಹಾರೈಸಿದರು.

ನಟ ಆನಂದ್​ ಅವರ ಸಹೋದರ ಹಾಗೂ ಟಾಲಿವುಡ್​ ಸೂಪರ್​ಸ್ಟಾರ್​ ವಿಜಯ್ ದೇವರಕೊಂಡ ಮತ್ತು ರಶ್ಮಿಕಾ ನಡುವೆ ಲವ್​ ಇದೆ ಎಂಬ ಮಾತುಗಳು ಕೆಲ ವರ್ಷಗಳಿಂದ ಕೇಳಿಬರತ್ತಲೇ ಇದೆ. ಆನಂದ್ ದೇವರಕೊಂಡ ನಟನೆಯ ಬೇಬಿ ಚಿತ್ರದ ಪ್ರೀ ರಿಲೀಸ್ ಕಾರ್ಯಕ್ರಮಕ್ಕೂ ರಶ್ಮಿಕಾ ಬಂದಿದ್ದರು. ಇದೀಗ ಗಮ್​ ಗಮ್​ ಗಣೇಶ ಚಿತ್ರದ ಪ್ರೀ ರಿಲೀಸ್​ ಸಮಾರಂಭದಲ್ಲಿಯೂ ಪಾಲ್ಗೊಂಡಿದ್ದರು. ಈ ಸಂದರ್ಭದಲ್ಲಿ ಆನಂದ್, ರಶ್ಮಿಕಾಗೆ ಕೆಲವು ಪ್ರಶ್ನೆಗಳನ್ನು ಕೇಳಿದ್ದಾರೆ. ಈ ವೇಳೆ ರಶ್ಮಿಕಾ ನೀಡಿದ ತಮಾಷೆ ಉತ್ತರಗಳು ಎಲ್ಲರ ಗಮನ ಸೆಳೆದಿದೆ.

ಇತ್ತೀಚೆಗೆ ರಶ್ಮಿಕಾ ಸಾಕು ನಾಯಿಗಳು ಮತ್ತು ಬೆಕ್ಕುಗಳೊಂದಿಗೆ ಇರುವ ಫೋಟೋಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಈ ಬಗ್ಗೆ ಪಶ್ನೆ ಮಾಡಿದಾಗ ತಮ್ಮ ಮುದ್ದಿನ ಮಗು ನಾಯಿ ಆರಾ ಇದು ಎಂದು ಉತ್ತರಿಸಿದರು. ಅಲ್ಲದೆ, ಆರಾ ನನ್ನ ಮೊದಲ ಮಗು ಮತ್ತು ಸ್ಟಾರ್ಮ್​ (ವಿಜಯ್​ ದೇವರಕೊಂಡ ಸಾಕುನಾಯಿ ಹೆಸರು) ನನ್ನ ಎರಡನೇ ಮಗು ಎಂದು ರಶ್ಮಿಕಾ ಉತ್ತರಿಸಿದರು. ಇದಾದ ಬಳಿಕ ತನ್ನ ನೆಚ್ಚಿನ ಪ್ರವಾಸ ತಾಣದ ಬಗ್ಗೆ ಕೇಳಿದಾಗ ನ್ಯಾಷನಲ್ ಕ್ರಶ್ ವಿಯೆಟ್ನಾಂ ಎಂದು ಹೇಳಿದರು. ಅದಾದ ನಂತರ ಆನಂದ್​ ಅವರು ಕೇಳಿದ ಮತ್ತೊಂದು ಕುತೂಹಲಕಾರಿ ಪ್ರಶ್ನೆ ರಶ್ಮಿಕಾರನ್ನು ಗೊಂದಲಕ್ಕೆ ದೂಡಿತು.

ಒಳ್ಳೆ ಸಿನಿಮಾ ಮಾಡಿದ್ದೀರಿ ಅಲ್ಲವೇ ನಿಮ್ಮ ನೆಚ್ಚಿನ ಸಹನಟ ಯಾರು ಎಂದು ಕೇಳಿರು. ಈ ವೇಳೆ ನಸು ನಕ್ಕ ರಶ್ಮಿಕಾ, ತಕ್ಷಣ ಮೈಕ್​ನಲ್ಲಿ ಆನಂದ್ ನೀನು ಕೂಡ ನನ್ನ ಕುಟುಂಬದವು ಈ ರೀತಿ ನನ್ನನ್ನು ಮಾತಿನಲ್ಲಿ ಸಿಲುಕಿಸಬಹುದಾ ಎನ್ನುತ್ತಾರೆ. ಬಳಿಕ ರೌಡಿ ಹುಡುಗ (ವಿಜಯ್ ದೇವರಕೊಂಡ) ಎಂದು ರಶ್ಮಿಕಾ ಹೇಳುತ್ತಾರೆ. ಈ ವೇಳೆ ಅಲ್ಲಿದ್ದವರೆಲ್ಲ ಕೇಕೆ ಹಾಕಿ ಕೂಗಾಡುತ್ತಾರೆ.

ಸದ್ಯ ಆನಂದ್ ದೇವರಕೊಂಡ ಮತ್ತು ರಶ್ಮಿಕಾ ಮಂದಣ್ಣ ನಡುವಿನ ತಮಾಷೆಯ ಕಾಮೆಂಟ್‌ಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿವೆ. ನನ್ನ ಕುಟುಂಬದವನು ಎಂದು ಆನಂದ್​ ದೇವರಕೊಂಡಗೆ ಹೇಳಿದ ಮಾತನ್ನು ಗಮನಿಸಿರುವ ನೆಟ್ಟಿಗರು ಕೊನೆಗೂ ರಶ್ಮಿಕಾ ನಿಜ ಒಪ್ಪಿಕೊಂಡಿದ್ದಾರೆ. ಅವರಿಗೆ ವಿಜಯ್​ ಮೇಲೆ ಲವ್​ ಇದೆ ಎಂದು ಮಾತನಾಡಿಕೊಳ್ಳುತ್ತಿದ್ದಾರೆ. (ಏಜೆನ್ಸೀಸ್​)

https://www.vijayavani.net/rocking-star-yash-sister-in-kirataka-film-recent-picture-goes-viral

https://www.vijayavani.net/actress-namitha-reaction-on-divorce-rumors-what-she-says