ವಿಶಾಖಪಟ್ಟಣ: ನಿನ್ನೆ ವೈಜಾಗ್ನಲ್ಲಿ ನಡೆದ ಐಪಿಎಲ್ 13ನೇ ಪಂದ್ಯದಲ್ಲಿ ಸಿಎಸ್ಕೆ ಮತ್ತು ಡೆಲ್ಲಿ ಕ್ಯಾಪಿಟಲ್ಸ್ ತಂಡಗಳು ಭರ್ಜರಿ ಪೈಪೋಟಿ ಕೊಡುವ ಮೂಲಕ ನೋಡುಗರ ಮನ ತಣಿಸಿತು. ಅದರಲ್ಲೂ ಪ್ರತ್ಯೇಕವಾಗಿ ಚೆನ್ನೈ ತಂಡದ ಮಾಜಿ ಕ್ಯಾಪ್ಟನ್ ಮಹೇಂದ್ರ ಸಿಂಗ್ ಧೋನಿ ಅವರ 37 ರನ್ಗಳ ಸ್ಪೋಟಕ ಬ್ಯಾಟಿಂಗ್ ಸ್ಟೇಡಿಯಂನಲ್ಲಿದ್ದ ಅಭಿಮಾನಿಗಳ ದಂಡನ್ನು ಹುಚ್ಚೇದ್ದು ಕುಣಿಯುವಂತೆ ಮಾಡಿತು.
ಡೆಲ್ಲಿ ನೀಡಿದ 192 ರನ್ಗಳನ್ನು ಬೆನ್ನಟ್ಟಿದ ಸಿಎಸ್ಕೆ ಮೊದಲ ಹತ್ತು ಓವರ್ಗಳಲ್ಲೇ 3 ವಿಕೆಟ್ಗಳನ್ನು ಕಳೆದುಕೊಂಡು ಗೆಲುವಿನಿಂದ ಬಹಳ ದೂರ ಉಳಿಯಿತು. ಸಿಎಸ್ಕೆ ಗೆಲುವು ಬಹುತೇಕ ಖಚಿತ ಎಂದು ನಿರ್ಧರಿಸಿದ್ದ ಚೆನ್ನೈ ಅಭಿಮಾನಿ ಬಳಗಕ್ಕೆ ಸಮೀರ್ ರಿಜ್ವಿ ವಿಕೆಟ್ ಹೋದ ಕೂಡಲೇ ಎಲ್ಲಿಲ್ಲದ ಉತ್ಸಾಹ ಹರಿದಾಡ ತೊಡಗಿತು. ಇದಕ್ಕೆ ಕಾರಣ ಎಂಟನೇ ಕ್ರಮಾಂಕದಲ್ಲಿದ್ದ ಧೋನಿ ಬ್ಯಾಟಿಂಗ್ಗೆ ಬಂದದ್ದು.
ಕೇವಲ 16 ಎಸೆತಗಳಲ್ಲಿ 4 ಬೌಂಡ್ರಿ ಮತ್ತು 3 ಸಿಕ್ಸರ್ ಸಿಡಿಸಿದ ಧೋನಿ ಆರ್ಭಟಕ್ಕೆ ಅಭಿಮಾನಿಗಳು ಹುಚ್ಚೆದ್ದು ಕುಣಿದರು. 128 ಡೆಸಿಬಲ್ನಲ್ಲಿ ಕ್ರೀಡಾಂಗಣದ ಪೂರ ಧೋನಿ....ಧೋನಿ ಎಂದು ಕಿರುಚಾಡಿದ ಫ್ಯಾನ್ಸ್ಗಳ ಕೂಗು ನೋಡುಗರಿಗೆ ರೋಮಾಂಚನ ಮೂಡಿಸಿತು. 42ರ ವಯಸ್ಸಿನಲ್ಲೂ ಹೀಗೂ ಆಡಬಹುದು ಎಂದು ಧೋನಿ ತೋರಿಸಿಕೊಟ್ಟಿದ್ದಾರೆ ಎಂದು ಅನೇಕರು ಅಭಿಪ್ರಾಯಿಸಿದರು.
ಇದನ್ನೂ ಓದಿ: ಜೆಡಿಎಸ್ನಲ್ಲಿ ಒಡಕು ಮೂಡಿಸಿದ ಒಪ್ಪಂದ!
ಇನ್ನು ಪಂದ್ಯ ವೀಕ್ಷಿಸಿದ ಆಸ್ಟ್ರೇಲಿಯಾ ತಂಡದ ಮಾಜಿ ಆಟಗಾರರಾದ ಬ್ರೆಟ್ ಲೀ ಮತ್ತು ಶೇನ್ ವ್ಯಾಟ್ಸನ್ ಎಂ.ಎಸ್.ಧೋನಿ ಅವರ ಕ್ಲಾಸಿಕ್ ಬ್ಯಾಟಿಂಗ್ಗೆ ಫಿದಾ ಆಗಿ, ಸಿಎಸ್ಕೆ ಕ್ಯಾಪ್ಟನ್ ರುತುರಾಜ್ ಗಾಯಕ್ವಾಡ್ಗೆ ಮನವಿ ಮಾಡಿದ್ದಾರೆ. ಐಪಿಎಲ್ನ ಮೊದಲೆರೆಡು ಪಂದ್ಯಗಳಲ್ಲಿ ಅಖಾಡಕ್ಕಿಳಿಯದ ಮಾಹಿ ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧದ ಮೂರನೇ ಪಂದ್ಯದಲ್ಲಿ ಕ್ರೀಸ್ಗೆ ಇಳಿದರು.
"ಧೋನಿ ಅವರ ಬ್ಯಾಟಿಂಗ್ ವಿಷಯದಲ್ಲಿ ನಾನು ಇನ್ನೂ ಹೆಚ್ಚಿನದನ್ನು ಬಯಸುತ್ತೇನೆ. ಅವರು ದಿ ಬೆಸ್ಟ್ ಆಗಿದ್ದಾರೆ. ಮಾಸ್ಟರ್ಮೈಂಡ್ ಇಂದಿಗೂ ಚುರುಕಾಗಿ, ಕ್ಲಾಸ್ ಆಟವನ್ನು ತೋರುತ್ತಿದ್ದಾರೆ. ಹೀಗಿದ್ದ ಮೇಲೆ ಅವರಿಂದ ಹೆಚ್ಚಿನ ನಿರೀಕ್ಷೆಯಿದೆ. ದಯವಿಟ್ಟು ಧೋನಿ ಅವರ ಬ್ಯಾಟಿಂಗ್ ಆರ್ಡರ್ ಬದಲಾಯಿಸಿ, 8ನೇ ಕ್ರಮಾಂಕದಲ್ಲಿ ಎಂ.ಎಸ್ ಬರೋದು ಬೇಡ" ಎಂದಿದ್ದಾರೆ,(ಏಜೆನ್ಸೀಸ್).