ಉತ್ತರ: ನಿಮ್ಮ ದೊಡ್ಡಪ್ಪ ತನ್ನ ಸ್ವಯಾರ್ಜಿತ ಆಸ್ತಿಯನ್ನು ಯಾರಿಗೆ ಬೇಕಾದರೂ ಹೇಗೆ ಬೇಕಾದರೂ ಪರಭಾರೆ ಮಾಡಬಹುದು. ಅದನ್ನು ಯಾರೂ ಪ್ರಶ್ನೆ ಮಾಡಲು ಕಾನೂನಿನಲ್ಲಿ ಅವಕಾಶ ಇಲ್ಲ. ಸಾಕು ಮಗನಿಗೆ ಆಸ್ತಿಯಲ್ಲಿ ಹಕ್ಕು ಬರುವುದಿಲ್ಲ. ನಿಮ್ಮ ದೊಡ್ಡಪ್ಪನಿಗೆ ನೀವು ಸ್ವಂತ ಮಗ ಅಥವಾ ದತ್ತು ಪುತ್ರ ಆಗಿದ್ದರೆ , ಹಾಗೂ ಅವರು ಬದುಕಿರುವ ಕಾಲದಲ್ಲಿ ತಮ್ಮ ಆಸ್ತಿಯನ್ನು ಯಾರಿಗೂ ಪರಭಾರೆ ಮಾಡದೇ ಇದ್ದಿದ್ದರೆ , ಆಗ ಮಾತ್ರ ಸ್ವಂತ ಮಗ/ದತ್ತು ಪತ್ರನಿಗೆ ಭಾಗ ಬರುತ್ತಿತ್ತು.
ನಿಮ್ಮ ದೊಡ್ಡಪ್ಪ ಅವರ ಎರಡನೇ ಹೆಂಡತಿಗೆ ಯಾವ ರೀತಿ ಆಸ್ತಿ ಮಾಡಿಕೊಟ್ಟಿದ್ದಾರೆ ಎನ್ನುವುದು ನಿಮ್ಮ ಪತ್ರದಿಂದ ತಿಳಿಯುತ್ತಿಲ್ಲ. ಒಂದು ವೇಳೆ ಅವರ ಎರಡನೇ ಹೆಂಡತಿ ಮೋಸ ಮಾಡಿ , ನಿಮ್ಮ ದೊಡ್ಡಪ್ಪನಿಂದ ಆಸ್ತಿಯ ಹಕ್ಕು ಬದಲಾವಣೆ ಪತ್ರ ಮಾಡಿಸಿಕೊಂಡಿದ್ದರೆ ಅದನ್ನು ನಿಮ್ಮ ದೊಡ್ಡಪ್ಪನ ಮೊದಲ ಹೆಂಡತಿ ಪ್ರಶ್ನೆ ಮಾಡಬಹುದು.
ಹಾಗೆಯೇ ಆಕೆ ತನ್ನ ಜೀವನಾಂಶದ ಹಕ್ಕನ್ನೂ ನ್ಯಾಯಾಲಯದ ಮುಂದೆ ನಿವೇದಿಸಿಕೊಳ್ಳಬಹುದು.
ಮೊದಲ ಹೆಂಡತಿ ಬದುಕಿದ್ದಾಗ ಎರಡನೇ ಹೆಂಡತಿಗೆ ಕಾನೂನಿನಲ್ಲಿ ಆಸ್ತಿಯ ಹಕ್ಕು ಬರುವುದಿಲ್ಲ. ಆದರೆ, ಎರಡನೇ ಹೆಂಡತಿಗೆ ನಿಮ್ಮ ದೊಡ್ಡಪ್ಪ ಯಾವ ರೀತಿಯ ಪತ್ರ ಬರೆದುಕೊಟ್ಟಿದ್ದಾರೆ, ಯಾವ ಸ್ಥಿತಿಯಲ್ಲಿ ಇದ್ದಾಗ ಬರೆದುಕೊಟ್ಟಿದ್ದಾರೆ ಎನ್ನುವುದರ ಮೇಲೆ , ಸಂಬಂಧ ಪಟ್ಟ ಪತ್ರಗಳನ್ನು ನೋಡಿ , ನಿಮ್ಮ ದೊಡ್ಡಮ್ಮ ಯಾವರೀತಿಯ ದಾವೆಯನ್ನು ಹಾಕಬೇಕು ಎನ್ನುವುದನ್ನು ವಕೀಲರು ತಿಳಿಸಿಕೊಡುತ್ತಾರೆ.
ಕಾನೂನಿಗೆ ಸಂಬಂಧಿಸಿದ ಇತರ ಪ್ರಶ್ನೋತ್ತರಗಳಿಗಾಗಿ ಈ ಲಿಂಕ್ ಕ್ಲಿಕ್ಕಿಸಿ https://www.vijayavani.net/category/%e0%b2%a8%e0%b3%8d%e0%b2%af%e0%b2%be%e0%b2%af%e0%b2%a6%e0%b3%87%e0%b2%b5%e0%b2%a4%e0%b3%86/