ಉತ್ತರ: ನ್ಯಾಯಾಲಯದಲ್ಲಿ ನಿಮ್ಮ ತಂದೆ ಆಸ್ತಿಯನ್ನು ಮಾರಾಟ ಮಾಡಬಾರದೆನ್ನುವ ತಡೆ ಆಜ್ಞೆ ಇರುವಾಗ , ನಿಮ್ಮ ತಂದೆ ಮಾರಾಟ ಮಾಡುವುದು ತಪ್ಪಾಗುತ್ತದೆ. ಅದಕ್ಕೆ ಕೆಲವೊಮ್ಮೆ ಶಿಕ್ಷೆಯನ್ನೂ ಅನುಭವಿಸಬೇಕಾಗುತ್ತದೆ. ಹೀಗಾಗಿ ನಿಮ್ಮ ಈಗ ಆಸ್ತಿಯನ್ನು ಮಾರಾಟ ಮಾಡುವುದರಲ್ಲಿ ಅರ್ಥವಿಲ್ಲ. ನ್ಯಾಯಾಲಯದಲ್ಲಿ ಪ್ರಕರಣ ಬಾಕಿ ಇರುವಾಗ ಆಸ್ತಿಗಳನ್ನು ಮಾರುವುದನ್ನು ಮತ್ತು ಕೊಳ್ಳುವುದನ್ನು ತಪ್ಪಿಸಿದರೆ ಒಳ್ಳೆಯದು. ಆದರೆ, ಪ್ರಕರಣ ಬಾಕಿ ಇರುವಾಗ ಆಸ್ತಿ ಮಾರಾಟ ಮಾಡಲೇ ಬಾರದು ಎಂದು ಕಾನೂನಿನಲ್ಲಿ ಇಲ್ಲ. ತಡೆ ಆಜ್ಞೆ ಇಲ್ಲದೇ ಹೋದರೆ ಮಾರಲೂ ಬಹುದು. ಆದರೆ , ಪ್ರಕರಣ ಬಾಕಿ ಇರುವಾಗ ಯಾವುದಾದರೂ ಆಸ್ತಿಯನ್ನು ಕೊಂಡುಕೊಂಡರೆ, ಪ್ರಕರಣದಲ್ಲಿ ಆಗುವ ತೀರ್ಪಿಗೆ ಕ್ರಯದ ಸಿಂಧುತ್ವ ಒಳಪಟ್ಟಿರುತ್ತದೆ. ಟ್ರಾನ್ಸ್ಪರ್ ಆಫ್ ಪ್ರಾಪರ್ಟಿ ಕಾಯ್ದೆಯ ಸೆಕ್ಷನ್ 52 ಈ ಬಗ್ಗೆ ತಿಳಿಸುತ್ತದೆ.
