ಬೆಂಗಳೂರು: ಕನ್ನಡದ ಜನಪ್ರಿಯ ರಿಯಾಲಿಟಿ ಶೋ ಬಿಗ್ಬಾಸ್ ಇತ್ತೀಚಿಗೆ ಮುಕ್ತಾಯಗೊಂಡಿದ್ದು, ಹಿಂದಿನ ಸೀಸನ್ಗಳಿಗೆ ಹೋಲಿಸಿದರೆ ಈ ಆವೃತ್ತಿಯು ಪ್ರೇಕ್ಷಕರಿಂದ ಹೆಚ್ಚು ಪ್ರಶಂಸೆಗೆ ಒಳಪಟ್ಟಿದ್ದು, ಉತ್ತಮ ಟಿಆರ್ಪಿ ಪಡೆದುಕೊಳ್ಳುವಲ್ಲಿ ಯಶಸ್ವಿಯಾಗಿದೆ. ವಾರಾಂತ್ಯದಲ್ಲಿ ಕಿಚ್ಚ ಸುದೀಙ್ ನಡೆಸಿ ಕೊಡುವ ಪಂಚಾಯಿತಿ ಎಪಿಸೋಡ್ ಕೂಡ 9+ ಟಿಆರ್ಪಿ ಪಡೆದ ಉದಾಹರಣೆ ಇದೆ.
ಇದೀಗ ಕೇಳಿಬಂದಿರುವ ಮಾಹಿತಿ ಪ್ರಕಾರ ಫಿನಾಲೆ ವಾರಕ್ಕೂ ಮುನ್ನ ಕಿಚ್ಚ ಸುದೀಪ್ ಕಡೆಯದಾಗಿ ನಡೆಸಿಕೊಟ್ಟ ಪಂಚಾಯ್ತಿಯ ಟಿಆರ್ಪಿ ಹೊರ ಬಿದ್ದಿದೆ. ಈ ವೇಳೆಯೂ ಭರ್ಜರಿ ಟಿಆರ್ಪಿ ಪಡೆದೇ ಬಿಗ್ಬಾಸ್ ಕೊನೆಗೊಂಡಿದೆ.
ಕಿಚ್ಚ ಸುದೀಪ್ ನಡೆಸಿಕೊಟ್ಟ ಕೊನೆಯ ಪಂಚಾಯಿತಿ ಎಪಿಸೋಡ್ಗೆ ಪ್ರೇಕ್ಷಕರಿಂದ ಭರ್ಜರಿ ರೆಸ್ಪಾನ್ಸ್ ಪಡೆದಿದ್ದು, ಶನಿವಾರದ ಎಪಿಸೋಡ್ಗೆ 8.8 ರೇಟಿಂಗ್ ಹಾಗೂ ಭಾನುವಾರ ಎಪಿಸೋಡ್ಗೆ 8.7 ರೇಟಿಂಗ್ ಸಿಕ್ಕಿದೆ. ಫಿನಾಲೆ ವಾರಗಳಲ್ಲಿ ಬಿಗ್ ಬಾಸ್ 7.4 ರೇಟಿಂಗ್ ಪಡೆದಿದೆ. ಈ ಮೂಲಕ ಒಳ್ಳೆಯ ರೀತಿಯಲ್ಲಿ ಬಿಗ್ಬಾಸ್ ಕೊನೆಗೊಂಡಿದೆ. ಫಿನಾಲೆ ವಾರದ ಟಿಆರ್ಪಿ ಮುಂದಿನ ವಾರ ಹೊರಬೀಳಲಿದ್ದು, ಕಾದು ನೋಡಬೇಕಿದೆ.