ನೆಟ್ಟಿಗರ ಕಣ್ಣಿಗೆ ಬಿತ್ತು ಆ ಬದಲಾವಣೆ! ಸಮಂತಾ ಬದುಕಿನಲ್ಲಿ ಸಿಹಿಸುದ್ದಿ; ತಾಯಿ ಆಗಲಿದ್ದಾರಾ ಸೌತ್​ ಬ್ಯೂಟಿ? Samantha Pregnancy

ಸಿನಿಮಾ: ಸದ್ಯ ಸೌತ್​ ಬ್ಯುಟಿ ಸಮಂತಾ ಇದೇ ವಾರ ಬಿಡುಗಡೆಯಾಗಿರುವ ಮಾ ಇಂಟಿ ಬಂಗಾರಂ ಸಿನಿಮಾದ ಯಶಸ್ಸಿನಲ್ಲಿ ಬ್ಯುಸಿ ಆಗಿದ್ದಾರೆ. ಜೂನ್  19 ರಂದು ತೆರೆಕಂಡಿರುವ ಈ ಸಿನಿಮಾ ಶುಭಾರಂಭವನ್ನು ಮಾಡಿದೆ. ಆದರೆ ಇತ್ತೀಚೆಗೆ ಸಮಂತಾಳ ದೇಹದಲ್ಲಿ ಸ್ವಲ್ಪ ಮಟ್ಟಿಗಿನ ಬದಲಾವಣೆ ಕಂಡುಬಂದಿದ್ದು, ಸಮಂತಾ ಗರ್ಭವತಿ (Samantha Pregnancy) ಆಗಿದ್ದಾರೆ ಎಂಬ ಟಾಕ್​ ಸಿನಿರಂಗದಲ್ಲಿ ಜೋರಾಗಿ ಕೇಳಿಬರುತ್ತಿದೆ.

ಕೆಲ ದಿನಗಳ ಹಿಂದೆ ಸಮಂತಾ ರುತ್​ ಪ್ರಭು ಮತ್ತು ಆಕೆಯ ಪತಿ ರಾಜ್​ ನಿಧಿಮೋರು ತಮ್ಮ ಸಂಗಡಿಗರೊಂದಿಗೆ ಕೇಕ್​ ಕತ್ತರಿಸುವ ಒಂದು ವಿಡಿಯೋವನ್ನು ಸೋಷಿಯಲ್​ ಮೀಡಿಯಾನಲ್ಲಿ ಹಂಚಿಕೊಂಡಿದ್ದರು.

ಸಮಂತಾ ಗರ್ಭವತಿ ಆಗಿದ್ದಾರೆ ಎಂಬ ವದಂತಿ ಹಬ್ಬುತ್ತಿದ್ದಂತೆ ಸ್ಯಾಮ್​ ಅಭಿಮಾನಿಗಳ ಮನದಲ್ಲಿ ಹಬ್ಬದ ವಾತಾವರಣ ನಿರ್ಮಾಣವಾಗಿದೆ ಎಂದರೆ ತಪ್ಪಾಗದು. ಅಂತೂ ನಮ್ಮ ಲೇಡಿ ಸೂಪರ್​ ಸ್ಟಾರ್​ ತಾಯಿ ಆಗಲಿದ್ದಾಳೆ ಎಂದು ಒಬ್ಬ ಅಭಿಮಾನಿ ಕಮೆಂಟ್​ ಮಾಡಿದರೆ, ವಿಡಿಯೋ ನೋಡಿದರೆ ಗೊತ್ತಾಗುತ್ತೆ ಸಮಂತಾ ಪಕ್ಕಾ ಗರ್ಭಧರಿಸಿದ್ದಾಳೆ ಎಂದು ಇನ್ನೊಬ್ಬರು ಹೇಳಿದ್ದಾರೆ.

2017 ರಲ್ಲಿ ಸಮಂತಾ ತೆಲುಗು ನಟ ನಾಗ ಚೈತನ್ಯ ಅವರನ್ನು ಪ್ರೀತಿಸಿ ಗೋವಾದಲ್ಲಿ ಅದ್ಧೂರಿಯಾಗಿ ಮದುವೆಯಾಗಿದ್ದರು. ಈ ಜೋಡಿಯನ್ನು ಅಭಿಮಾನಿಗಳು ಪ್ರೀತಿಯಿಂದ ಚೈ-ಸ್ಯಾಮ್ ಎಂದು ಕರೆಯುತ್ತಿದ್ದರು. ಆದರೆ, ನಾಲ್ಕು ವರ್ಷಗಳ ವೈವಾಹಿಕ ಜೀವನದ ನಂತರ, ಕೆಲವು ವೈಯಕ್ತಿಕ ಭಿನ್ನಾಭಿಪ್ರಾಯಗಳಿಂದಾಗಿ 2021ರ ಅಕ್ಟೋಬರ್‌ನಲ್ಲಿ ಈ ದಂಪತಿಗಳು ಪರಸ್ಪರ ಒಪ್ಪಿಗೆಯಿಂದ ವಿಚ್ಛೇದನ ಪಡೆದರು. 

ನಂತರ ಡಿಸೆಂಬರ್​ 1, 2025 ರಂದು ಸಮಂತಾ ನಿರ್ದೇಶಕ ಹಾಗೂ ನಿರ್ಮಾಪಕ ರಾಜ್​ ನಿಧಿಮೋರು ಜೊತೆ ಬದುಕಿನ ಎರಡನೇ ಇನ್ನಿಂಗ್ಸ್​ ಆರಂಭಿಸಿದರು. ಇವರಿಬ್ಬರು ದಿ ಫ್ಯಾಮಿಲಿ ಮ್ಯಾನ್​ ವೆಬ್​ ಸೀರಿಸ್​ ಸಮಯದಲ್ಲಿ ಪರಿಚಯವಾಗಿ ನಂತರ ಈ ಸ್ನೇಹ ಪ್ರೀತಿಗೆ ತಿರುಗಿತ್ತು ಎಂದು ಹೇಳಲಾಗುತ್ತದೆ, (ಏಜನ್ಸೀಸ್​).