ಸುಶಾಂತ್ ಸಿಂಗ್ ಆತ್ಮಹತ್ಯೆಗೆ ಶರಣಾಗಿ ಮೂರು ವಾರಗಳಾಗುತ್ತ ಬಂತು. ಆ ಮೂರು ವಾರಗಳಲ್ಲಿ ಬಾಲಿವುಡ್ನಲ್ಲಿ ಭಾರೀ ಬದಲಾವಣೆಗಳೇ ಆಗಿವೆ. ಇದೀಗ ಅದೆಲ್ಲದರ ನಡುವೆ ಸುಶಾಂತ್ ನಟನೆಯ ಕೊನೇ ಸಿನಿಮಾ ದಿಲ್ ಬೇಚಾರಾದ ಬಿಡುಗಡೆಗೆ ದಿನಾಂಕ ನಿಗದಿಯಾಗಿದೆ.
ಹೌದು, ಮುಖೇಶ್ ಛಾಬ್ರಾ ನಿರ್ದೇಶನದಲ್ಲಿ ದಿಲ್ ಬೇಚಾರ ಸಿನಿಮಾ ಸಿದ್ಧವಾಗಿದ್ದು, ಸಂಜನಾ ಸಿಂಘ್ವಿ ಮೊದಲ ಬಾರಿ ನಾಯಕಿಯಾಗಿ ಬಾಲಿವುಡ್ಗೆ ಪದಾರ್ಪಣೆ ಮಾಡಿದ್ದಾರೆ. ಈ ಚಿತ್ರ ಸ್ಟಾರ್ ಡಿಸ್ನಿ ಹಾಟ್ಸ್ಟಾರ್ನಲ್ಲಿ ಜುಲೈ 7ಕ್ಕೆ ರಿಲೀಸ್ ಆಗಲಿದೆ ಎಂದು ಎಂದು ನಿರ್ದೇಶಕರು ಚಿತ್ರದ ಪೋಸ್ಟರ್ ಹಂಚಿಕೊಳ್ಳುವ ಮೂಲಕ ಮಾಹಿತಿ ನೀಡಿದ್ದಾರೆ.
ನಿರ್ದೇಶಕರು ಪೋಸ್ಟರ್ ಹಂಚಿಕೊಂಡಿದ್ದೇ ತಡ, ಸಿನಿಮಾ ಬಗ್ಗೆ ವ್ಯಾಪಕ ಕುತೂಹಲ ಸೃಷ್ಟಿಯಾಗಿದ್ದು, ನೊಡುವ ಕಾತರವನ್ನು ವ್ಯಕ್ತಪಡಿಸಿದ್ದಾರೆ. ಅಂದಹಾಗೆ, ಈ ಚಿತ್ರದ ಟ್ರೇಲರ್ ಸೋಮವಾರ ಬಿಡುಗಡೆಯಾಗಲಿದೆ. ಜಾನ್ ಗ್ರೀನ್ ಬರೆದ ದಿ ಫಾಲ್ಟ್ ಇನ್ ಅವರ್ ಸ್ಟಾರ್ಸ್ ಕಾದಂಬರಿಯಿಂದ ಪ್ರೇರಿತಗೊಂಡು ಈ ಸಿನಿಮಾ ಮಾಡಿದ್ದಾರೆ ನಿರ್ದೇಶಕ ಮುಖೇಶ್. (ಏಜೆನ್ಸೀಸ್)