ಅಕ್ಷರಶಃ ಕಾಲಿಗೆ ಚಕ್ರ ಕಟ್ಟಿಕೊಂಡವರಂತೆ ಓಡಾಡುತ್ತಿದ್ದವರು ಮಲಯಾಳಂನ ಖ್ಯಾತ ನಟ ಮಮ್ಮೂಟ್ಟಿ. ವರ್ಷಕ್ಕೆ ಮೂರ್ನಾಲ್ಕು ಸಿನಿಮಾಗಳಲ್ಲಿ ನಟಿಸುತ್ತಾ, ಆ ಸೆಟ್ನಿಂದ ಈ ಸೆಟ್ಗೆ ಓಡಾಡುತ್ತಾ ಸಕ್ರಿಯವಾಗಿದ್ದ ಅವರಿಗೆ, ಲಾಕ್ಡೌನ್ ಅದೆಷ್ಟು ಪೆಟ್ಟು ಕೊಟ್ಟಿದೆ ಎಂದರೆ ಅವರು ಮನೆಯಲ್ಲಿ ಕೂತುಕೂತು ಸುಸ್ತಾಗಿದ್ದಾರೆ.
ಇದನ್ನೂ ಓದಿ: ಪೃಥ್ವಿ ಹುಟ್ಟುಹಬ್ಬಕ್ಕೆ ‘ಶುಗರ್ಲೆಸ್’ ಗಿಫ್ಟ್ …
ಇತ್ತೀಚೆಗಷ್ಟೇ ಅವರ ಮಗ ದುಲ್ಕರ್ ಸಲ್ಮಾನ್ ಒಂದು ಸಂದರ್ಶನದಲ್ಲಿ ಹೇಳಿಕೊಂಡಿದ್ದರು. ಅಪ್ಪ, ಕಳೆದ 150 ದಿನಗಳಿಂದ ಮನೆಯಿಂದ ಹೊರಬರದೆ ಹೊಸ ದಾಖಲೆ ಬರೆದಿದ್ದಾರೆ ಎಂದು ಹೇಳಿಕೊಂಡಿದ್ದರು. 'ಲಾಕ್ಡೌನ್ ಘೋಷಣೆಯಾದಾಗ, ಮನೆಯಲ್ಲೇ ಎಷ್ಟು ದಿನ ಇರೋಕೆ ಸಾಧ್ಯ ಅನ್ನೋದನ್ನ ನೋಡಬೇಕು ಅಂತ ಅಂದುಕೊಂಡಿದ್ದರು. ಅದರಂತೆ ಅವರು ಕಳೆದ 150 ದಿನಗಳಿಂದ ಮನೆಯಿಂದ ಹೊರಬಂದಿಲ್ಲ' ಎಂದು ದುಲ್ಕರ್ ಹೇಳಿದ್ದರು.
ಮಮ್ಮೂಟ್ಟಿ ಅವರೇನೋ ಮನೆಯಲ್ಲೇ ಇದ್ದಾರೆ. ಆದರೆ, ಮನೆಯಲ್ಲೇ ಏನು ಮಾಡುತ್ತಿದ್ದಾರೆ ಎಂಬ ಪ್ರಶ್ನೆ ಬರುವುದು ಸಹಜ. ಅದಕ್ಕೆ ಮಮ್ಮೂಟ್ಟಿ ಅವರು ಕೊನೆಗೂ ಉತ್ತರ ಕೊಟ್ಟಿದ್ದಾರೆ. ತಮ್ಮ ವರ್ಕೌಟ್ನ ಚಿತ್ರಗಳನ್ನು ಅವರು ಸೋಷಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿಕೊಂಡಿದ್ದಾರೆ.
ಫೋಟೋಗಳನ್ನು ಹಂಚಿಕೊಳ್ಳುವುದರ ಜತೆಗೆ ಅವರು ತಮಾಷೆಯಾಗಿ ಬರೆದುಕೊಕಂಡಿದ್ದಾರೆ. 'ವರ್ಕ್ ಅಟ್ ಹೋಮ್, ವರ್ಕ್ ಫ್ರಮ್ ಹೋಮ್, ಹೋಮ್ ವರ್ಕ್, ನೋ ಆದರ್ ವರ್ಕ್, ಸೋ ವರ್ಕ್ಔಟ್' ಎಂದು ಬರೆದುಕೊಂಡಿದ್ದಾರೆ. ಮನೆಯಲ್ಲಿ ಮಾಡುವುದಕ್ಕೆ ಬೇರೇನು ಕೆಲಸವಿಲ್ಲದೆ ಇರುವುದರಿಂದ ವರ್ಕೌಟ್ ಮಾಡುತ್ತಿರುವುದಾಗಿ ಅವರು ಹೇಳಿದ್ದಾರೆ.
ಇದನ್ನೂ ಓದಿ: ಗುಂಜನ್ ಜತೆ ನಾನೂ ಏರ್ಫೋರ್ಸ್ನಲ್ಲಿದ್ದೆ, ನನ್ನನ್ಯಾಕೆ ತೋರಿಸಿಲ್ಲ; ಚಿತ್ರತಂಡದ ವಿರುದ್ಧ ಶ್ರೀವಿದ್ಯಾ ಆರೋಪ
ವರ್ಕೌಟ್ ಮಾಡುವುದರ ಜತೆಗೆ, ತಮ್ಮ ಮೆಚ್ಚಿನ ಹಾಬಿಯಾಗಿರುವ ಫೋಟೋಗ್ರಫಿಯಲ್ಲೂ ಅವರು ತೊಡಗಿಸಿಕೊಂಡಿದ್ದು, ಮನೆಯ ಸುತ್ತಮುತ್ತಲ ಫೋಟೋಗಳನ್ನು ಆಗಾಗ ಕ್ಲಿಕ್ ಮಾಡುತ್ತಲೇ ಇರುವುದಾಗಿ ಹೇಳಿಕೊಂಡಿದ್ದಾರೆ.