ಸಿನಿ ತಾರೆಯರು ತಮ್ಮ ಸೋಶಿಯಲ್ ಮೀಡಿಯಾ ಖಾತೆಗಳಲ್ಲಿ ಸಖತ್ ಸಕ್ರಿಯವಾಗಿರುತ್ತಾರೆ. ಆದರೆ, ಅವರು ಎಷ್ಟೇ ಎಚ್ಚರಿಕೆಯಿಂದ ಇದ್ದರೂ ಯಾವುದೋ ಒಂದು ವಿಚಾರಕ್ಕೆ ಟೀಕಿಗಳನ್ನು ಅನುಭವಿಸುವುದರ ಜತೆಗೆ ಹಿಗ್ಗಾಮುಗ್ಗಾ ಟ್ರೋಲ್ ಕೂಡ ಆಗುತ್ತಾರೆ. ಸದ್ಯ, ಬಾಲಿವುಡ್ನ ಖ್ಯಾತ ನಟಿಯಾದ ತಿಲೋತಮಾ ಶೋಮೆ ಶೇರ್ ಮಾಡಿಕೊಂಡ ಒಂದು ಫೋಟೋಗೆ ಅವರು ಸಿಕ್ಕಾಪಟ್ಟೆ ಟ್ರೋಲ್ ಆಗಿದ್ದಾರೆ. ಇಲ್ಲಿ ಬೇಸರದ ವಿಷಯವೆನೆಂದರೆ ನಟಿಯನ್ನು ಅವರ ಅಭಿಮಾನಿಗಳು ಸಹ ಈ ಫೋಟೋ ಕಂಡು ನಾನಾ ರೀತಿಯ ಕಾಮೆಂಟ್ಗಳನ್ನು ಮಾಡಿದ್ದಾರೆ.
ಹಾಗಾದರೆ, ಯಾವುದು ಆ ಫೋಟೋ ಅಂತೀರಾ?.. ನಟಿ ತಿಲೋತಮಾ ಶೋಮೆ ಅವರು ‘ಮಾನ್ಸೂನ್ ವೆಡ್ಡಿಂಗ್’, ‘ಇಂಗ್ಲಿಷ್ ಮೀಡಿಯಮ್’ ಎಂಬಂತೆ ಹಲವು ಹಿಂದಿ ಚಿತ್ರಗಳಲ್ಲಿ ಅಭಿನಯಿಸಿದ್ದು, ಬಹಳಷ್ಟು ಖ್ಯಾತಿ ಗಳಿಸಿದ್ದಾರೆ. ಜತೆಗೆ, ಇವರು ಬರೋಬ್ಬರಿ 5 ಭಾಷೆಗಳಲ್ಲಿ ಅಂದರೆ ಇಂಗ್ಲಿಷ್, ಹಿಂದಿ, ಬೆಂಗಾಲಿ, ನೇಪಾಳಿ, ಪಂಜಾಬಿ ಭಾಷೆಗಳಲ್ಲಿ ನಟಿಸಿ, ತೆರೆ ಮೇಲೆ ಸಿಕ್ಕಾಪಟ್ಟೆ ಮಿಂಚಿದ್ದಾರೆ. ಇನ್ಸ್ಟಾಗ್ರಾಂನಲ್ಲಿ ಅವರು 92 ಸಾವಿರ ಅನುಯಾಯಿಗಳನ್ನು ಹೊಂದಿದ್ದಾರೆ. ಹಾಗಾಗಿ, ಅವರು ಹಂಚಿಕೊಂಡ ಫೋಟೋದಲ್ಲಿ ಕಂಕುಳ ಕೂದಲು ಕಾಣಿಸಿರುವುದು ಈಗ ಎಲ್ಲೆಡೆ ಚರ್ಚೆಗೆ ಗ್ರಾಸವಾಗಿದೆ.
ಹೌದು, ತಿಲೋತಮಾ ಅವರು ತಮ್ಮ ನಗುತ್ತಿರುವ ಫೋಟೋ ಒಂದನ್ನು ಹಂಚಿಕೊಂಡಿದ್ದಾರೆ. ಈ ಫೋಟೋದಲ್ಲಿ ಅವರ ಎರಡೂ ಕೈಗಳನ್ನು ತಲೆಯ ಹಿಂಭಾಗದಲ್ಲಿ ಇಟ್ಟುಕೊಂಡಿದ್ದಾರೆ. ಹೀಗಾಗಿ, ಅವರ ಕಂಕುಳದ ಭಾಗಗಳಲ್ಲಿ ಕೂದಲನ್ನು ತೆಗೆಸಿಲ್ಲ ಎಂಬುದು ಕಾಣುತ್ತಿದೆ. ಹಾಗಾಗಿ, ಕೆಲವು ವ್ಯಕ್ತಿಗಳ ದೃಷ್ಟಿ ಇದರ ಮೇಲೆ ನೆಟ್ಟಿದೆ ಎನ್ನಬಹುದು. ನಟಿಯ ಈ ಫೋಟೋ ಕೆಳಗೆ ‘ಕಂಕುಳ ಕೂದಲನ್ನು ತೆಗೆದಿಲ್ಲ, ಅದು ಕೆಟ್ಟದಾಗಿ ಕಾಣುತ್ತಿದೆ’ ಎಂದು ತುಂಬಾ ಜನ ಕಮೆಂಟ್ ಮಾಡಿದ್ದಾರೆ. ಹಾಗೆ ಕಾಮೆಂಟ್ ಮಾಡಿದ ವ್ಯಕ್ತಿಗಳಲ್ಲಿ ಬಹುತೇಕರು ಮಹಿಳೆಯರೇ ಇರುವುದು ಗಮನ ಸೆಳೆಯುತ್ತಿದೆ. ನಟಿಯ ಈ ಫೋಟೋಗೆ 7000ಕ್ಕೂ ಹೆಚ್ಚು ಲೈಕ್ಸ್ ಇದ್ದು, 150ಕ್ಕೂ ಹೆಚ್ಚು ಕಾಮೆಂಟ್ಗಳು ಇದ್ದಾವೆ.