ಅಮಿತಾಬ್​ನನ್ನೂ ಬಿಡದ ನೆಟ್ಟಿಗರು: ಅಪಹಾಸ್ಯ ಮಾಡಿದವರಿಗೆ ತಾಳ್ಮೆಯ ಉತ್ತರ ನೀಡಿದ ಬಿಗ್​​ ಬಿ

ಮುಂಬೈ: ಬಾಲಿವುಡ್​ನಲ್ಲಿ ಬಿಗ್​ ಬಿ ಎಂದೇ ಖ್ಯಾತಿಯಾಗಿರುವ ಅಮಿತಾಬ್​ ಬಚ್ಚನ್​ ಲಕ್ಷಾಂತರ ಅಭಿಮಾನಿಗಳನ್ನು ಹೊಂದಿದ್ದಾರೆ. ಅಲ್ಲದೇ ನಿಜಜೀವನದಲ್ಲೂ ನಾಯಕರಾಗಿರುವ ಇವರು ಹಲವರಿಗೆ ಪ್ರೇರಣೆಯೂ ಆಗಿದ್ದಾರೆ.

ಇಂತಹ ಮಹಾನ್​ ನಟನನ್ನೂ ಕೂಡ ಸಾಮಾಜಿಕ ಜಾಲತಾಣದಲ್ಲಿ ಅಪಹಾಸ್ಯ ಮಾಡಲಾಗಿದೆ. ಇದಕ್ಕೆ ಕಾರಣ ಅಮಿತಾಬ್​ ಬಚ್ಚನ್​ ತಮ್ಮ ಫೇಸ್​ಬುಕ್​ ಪೇಜ್​ನಲ್ಲಿ ಮಾಡಿದ ಒಂದು ಪೋಸ್ಟ್​.

ಅಭಿಮಾನಿಗಳಿಗೆ ಗುಡ್​ ಮಾರ್ನಿಂಗ್​ ಎಂದು ಹೇಳಿದ್ದೇ ಇಷ್ಟೆಲ್ಲಾ ಅವಾಂತರಕ್ಕೆ ಕಾರಣವಾಗಿದೆ. ಹೀಗೆಂದು ಬೆಳಗ್ಗೆ 1.45ರ ಸುಮಾರಿಗೆ ಈ ಪೋಸ್ಟ್​ಅನ್ನು ಬಿಗ್​ ಹಾಕಿಕೊಂಡಿದ್ದರು. ಕೆಲವರು ಒಳ್ಳೆಯ ಕಾಮೆಂಟ್ಸ್​ ನೀಡಿದರೆ, ಮತ್ತೆ ಕೆಲವರು ಗುಡ್​ಮಾರ್ನಿಂಗ್​ ಅಂತ ಹೇಳೋದು ಯಾವಾಗ ಮುದುಕ, ನೀನು ಕುಡಿದಿದ್ದೀಯಾ, ಗುಡ್​ ಮಾರ್ನಿಂಗ್​ ಎಂದು ಹೇಳುವುದು ಮದ್ಯಾಹ್ನನಾ ಎಂದು ಅಪಹಾಸ್ಯ ಮಾಡಿದ್ದಾರೆ.

ಇದಕ್ಕೆ ಕೋಪಗೊಳ್ಳದೇ ಪ್ರತಿಕ್ರಿಯಿಸಿದ ಅಮಿತಾಬ್​, ದೇವರು ನಿಮಗೆ ಧೀರ್ಘಾಯುಷ್ಯ ನೀಡಲಿ, ಆದರೆ ನಿಮ್ಮ ವೃದ್ಧಾಪ್ಯದಲ್ಲಿ ಯಾರೂ ನಿಮ್ಮನ್ನು ಅವಮಾನಿಸದಿರುವಂತೆ ನಾನು ಪ್ರಾರ್ಥಿಸುತ್ತೇನೆ ಎಂದು ತಾಳ್ಮೆಯಾಗಿಯೇ ಹೇಳಿದ್ದಾರೆ.

ಆದರೆ ಅಮಿತಾಬ್​ ಅವರನ್ನು ಈ ರೀತಿ ಕರೆದ ವ್ಯಕ್ತಿಯನ್ನು ಅವರ ಅಭಿಮಾನಿಗಳು ತರಾಟೆಗೆ ತೆಗೆದುಕೊಂಡಿದ್ದಾರೆ. ಇದಕ್ಕೂ ಪ್ರತಿಕ್ರಿಯಿಸಿರುವ ಅಮಿತಾಬ್​, ಹೋಗಲಿ ಬಿಡಿ ಅವರು ನಿಜ ಹೇಳುತ್ತಿದ್ದಾರೆ. ನಾನು ರಾತ್ರಿಯಿಡೀ ಕೆಲಸ ಮಾಡಿ ತಡವಾಗಿ ಎದ್ದೇನೆ ಎಂದು ಅಭಿಮಾನಿಗಳನ್ನು ಸಂತೈಸಿದ್ದಾರೆ. (ಏಜೆನ್ಸೀಸ್​)

https://www.vijayavani.net/gyanvapi-mosque-case-seal-area-where-shivling-found-orders-varanasi-court/