ಕಂಗನಾ ಬಿಲ್ಡಿಂಗ್​ ರಿಪೇರಿ ಮಾಡಿಸೋಕೆ ಅಂಬಾನಿಗಳು 200 ಕೋಟಿ ಕೊಡ್ತಾರಾ?

ಮುಂಬೈ: ಅಕ್ರಮ ನಿರ್ಮಾಣ ಎಂಬ ಕಾರಣಕ್ಕೆ ಕಂಗನಾ ರಣಾವತ್​ ಅವರ ಕಚೇರಿಯನ್ನು ಬುಧವಾರಷ್ಟೇ ಬೃಹನ್​​ ಮುಂಬೈ ಮಹಾನಗರ ಪಾಲಿಕೆ ಅಧಿಕಾರಿಗಳು ಭಾಗಶಃ ಒಡೆದು ಹಾಕಿರುವುದು ಗೊತ್ತೇ ಇದೆ. ಹೀಗೆ ಅರ್ಧಂಬರ್ಧ ಒಡೆದುಹಾಕಲಾಗಿರುವ ಈ ಬಿಲ್ಡಿಂಗ್​ ರಿಪೇರಿ ಮಾಡಿಸದಿರಲು ಕಂಗನಾ ನಿರ್ಧರಿಸಿದ್ದಾರೆ ಎಂದು ಈಗಾಗಲೇ ಸುದ್ದಿಯಾಗಿದೆ.

ಇದನ್ನೂ ಓದಿ: ನಿಮಗಾಗಿ ಸೇಫ್ಟಿ ಪ್ಯಾಡ್​ ಖರೀದಿಸಬಹುದಾದ ಹುಡುಗನನ್ನು ಪಡೆಯಿರಿ, ಕಾಂಡೋಮ್​ ಕೊಳ್ಳುವವನಲ್ಲ..!

ಹೊಸ ವಿಷಯವೇನೆಂದರೆ, ಅದೇ ಜಾಗದಲ್ಲಿ ಸುಸಜ್ಜಿತ ಸ್ಟುಡಿಯೋ ಕಟ್ಟುವುದಕ್ಕೆ ಅಂಬಾನಿಗಳು, ಕಂಗನಾಗೆ 200 ಕೋಟಿ ಕೊಡುವುದಕ್ಕೆ ತಯಾರಾಗಿದ್ದಾರೆ ಎಂಬ ಸುದ್ದಿಯೊಂದು ಬಾಲಿವುಡ್​ನಲ್ಲಿ ಶುಕ್ರವಾರ ವಿಪರೀತವಾಗಿ ಕೇಳಿ ಬಂದಿದೆ.

ಇಷ್ಟಕ್ಕೂ ಅಂಬಾನಿಗಳು ಯಾಕೆ ಕಂಗನಾ ರಣಾವತ್​ ಅವರಿಗೆ ಸಹಾಯ ಮಾಡುವುದಕ್ಕೆ ಮುಂದೆ ಬಂದಿದ್ದಾರೆ ಎಂಬ ಪ್ರಶ್ನೆ ಬರುವುದು ಸಹಜವೇ. ಈ ಕುರಿತು ತನಿಖೆ ನಡೆಸಿರುವ ಇಂಡಿಯಾ ಟುಡೇ ಆಂಟಿ ಫೇಕ್​ ನ್ಯೂಸ್​ ವಾರ್​ ರೂಮ್​ (ಎಎಫ್​ಡ್ಬ್ಲ್ಯುಎ) ಇದೊಂದು ಸುಳ್ಳುಸುದ್ದಿ ಎಂದು ಸ್ಪಷ್ಟಪಡಿಸಿದೆ.

ಈ ಕುರಿತು ರಿಲಯನ್ಸ್​ ಇಂಡಸ್ಟ್ರೀಸ್​ ಜತೆಗೆ ಮಾತನಾಡಿರುವ ಎಎಫ್​ಡ್ಬ್ಲ್ಯುಎ, ಇದೊಂದು ಫೇಕ್​ ನ್ಯೂಸ್​ ಎಂದು ಪತ್ತೆ ಮಾಡಿದ್ದು, ರಿಲಯನ್ಸ್​ ಇಂಡಸ್ಟ್ರೀಸ್​ ಸಹ ಇದೊಂದು ಸುಳ್ಳು ಸುದ್ದಿ ಎಂದು ಸ್ಪಷ್ಟಪಡಿಸಿದೆ. ಹಾಗಾಗಿ ಕಂಗನಾ ಅವರ ಬಿಲ್ಡಿಂಗ್​ ರಿಪೇರಿ ಮಾಡಿಸೋಕೆ ಅಂಬಾನಿಗಳು 200 ಕೋಟಿ ಕೊಡುತ್ತಾರೆ ಎಂಬುದು ಫೇಕ್​ ನ್ಯೂಸ್​ ಎಂಬುದು ಗೊತ್ತಿರಲಿ.

ಇದನ್ನೂ ಓದಿ: ‘ಬಾಹುಬಲಿ’ ದಾಖಲೆಯನ್ನು ಮುರಿಯತ್ತಾ ‘ಆದಿಪುರುಷ್​’?

ಇನ್ನು ತಮ್ಮ ಕಟ್ಟಡವನ್ನು ಒಡೆದು ಹಾಕಿರುವುದರ ಕುರಿತು ಸಿಟ್ಟಾಗಿರುವ ಕಂಗನಾ, 'ಆಫೀಸ್​ ನವೀಕರಣ ಮಾಡಿಸುವುದಕ್ಕೆ ನನ್ನ ಬಳಿ ಹಣ ಇಲ್ಲ. ಅರ್ಧಂಬರ್ಧ ಒಡೆದು ಹಾಕಲಾಗಿರುವ ಆಫೀಸ್​ನಲ್ಲೇ ನಾನು ಕೆಲಸ ಮುಂದುವರೆಸುತ್ತೇನೆ. ದುಷ್ಟಶಕ್ತಿಗಳ ವಿರುದ್ಧ ಒಬ್ಬ ಮಹಿಳೆ ಸಿಡಿದೇಳಬಲ್ಲಳು ಎಂದು ಸಾಂಕೇತಿಕವಾಗಿ ಹೇಳುವುದಕ್ಕೆ ಆ ಕಟ್ಟಡವನ್ನು ನವೀಕರಿಸದಿರಲು ನಿರ್ಧರಿಸಿದ್ದೇನೆ' ಎಂದು ಕಂಗನಾ ಹೇಳಿಕೊಂಡಿದ್ದಾರೆ.

https://www.vijayavani.net/vishnu-sena-plants-500-saplings/