ಮೆಗಾಸ್ಟಾರ್​​ ಚಿರಂಜೀವಿ ಭೇಟಿಯಾದ ‘ಸ್ಟೈಲಿಶ್​ ಸ್ಟಾರ್’​ ದಂಪತಿ; ಕಾರಣ ಹೀಗಿದೆ.. | Allu Arjun

ಹೈದರಾಬಾದ್​​: ಟಾಲಿವುಡ್​ ಐಕಾನ್ ಸ್ಟಾರ್ ಅಲ್ಲು ಅರ್ಜುನ್(Allu Arjun) ಹೈದರಾಬಾದ್‌ನ ಚಂಚಲಗುಡ ಜೈಲಿನಿಂದ ಬಿಡುಗಡೆಯಾಗಿದ್ದಾರೆ. ಶನಿವಾರ(ಡಿಸೆಂಬರ್​​ 14) ಮುಂಜಾನೆ ಜೈಲಿನಿಂದ ರಿಲೀಸ್​​ ಆದ ಬಳಿಕ ಮೊದಲು ಗೀತಾ ಆರ್ಟ್ಸ್ ಕಚೇರಿಗೆ ತಲುಪಿ ನಂತರ ಮನೆಗೆ ತಲುಪಿದರು. ಕುಟುಂಬಸ್ಥರು ಸಂತಸದಿಂದ ಅಲ್ಲು ಅರ್ಜುನ್​​ ಅವರನ್ನು ಬರಮಾಡಿಕೊಂಡಿದ್ದು ಗೊತ್ತೆ ಇದೆ.

ಇದನ್ನು ಓದಿ: ‘ಫತೇಹ್'’ ಬಾಕ್ಸ್ ಆಫೀಸ್ ಕಲೆಕ್ಷನ್ ನನ್ನದಲ್ಲ.. ಅವರದ್ದು; ನಟ ಸೋನು ಸೂದ್​​​​ ಹೀಗೆಳಿದ್ದೇಕೆ? | Sonu Sood

ಅಲ್ಲು ಅರ್ಜುನ್​​ ಬಂಧನದ ವಿಷಯ ತಿಳಿಯುತ್ತಿದ್ದಂತೆ ವಿಶ್ವಂಭರ ಸಿನಿಮಾದ ಶೂಟಿಂಗ್​​​ನಲ್ಲಿದ್ದ ಮೆಗಾ ಸ್ಟಾರ್​ ಚಿರಂಜೀವಿ ಚಿತ್ರೀಕರಣವನ್ನು ಅರ್ಧದಲ್ಲೇ ಬಿಟ್ಟು ಚಿಕ್ಕಡಪಲ್ಲಿ ಪೊಲೀಸ್ ಠಾಣೆಗೆ ಹೋಗಿದ್ದರು. ಆದರೆ ನೆಚ್ಚಿನ ನಟನನ್ನು ನೋಡಲು ಜನರು ಜಮಾಯಿಸುತ್ತಾರೆ ಇದರಿಂದ ಟ್ರಾಫಿಕ್ ಸಮಸ್ಯೆ ಉಂಟಾಗುತ್ತದೆ. ಆದ್ದರಿಂದ ಪೊಲೀಸ್​ ಠಾಣೆ ಬಳಿಗೆ ಬರದಂತೆ ಪೊಲೀಸರು ಚಿರಂಜೀವಿ ಅವರಿಗೆ ಮನವಿ ಮಾಡಿದ್ದರು. ವಾಸ್ತವತೆಯನ್ನು ಅರಿತ ಮೆಗಾಸ್ಟಾರ್​​​​​ ಪೊಲೀಸ್​ ಠಾಣೆ ಬಳಿ ಹೋಗದೆ ಸ್ಟೈಲಿಶ್​​ ಸ್ಟಾರ್​​ ಅಲ್ಲು ಅರ್ಜುನ್​​​​​ ಅವರ ಮನೆಗೆ ಹೋಗಿದ್ದರು. ಚಿರಂಜೀವಿ ಜತೆಗೆ ಅವರ ಪತ್ನಿ ಸುರೇಖಾ ಕೂಡ ಬಂದಿದ್ದರು.

ಬಿಡುಗಡೆ ಬಳಿಕ ಮನೆಯಲ್ಲಿ ಶನಿವಾರ ಟಾಲಿವುಡ್ ಸೆಲೆಬ್ರಿಟಿಗಳು ಮತ್ತು ರಾಜಕೀಯ ನಾಯಕರ ಭೇಟಿಯಲ್ಲಿ ಅಲ್ಲು ಅರ್ಜುನ್​​ ನಿರತರಾಗಿದ್ದರು. ಆ ವೇಳೆ ಚಿರಂಜೀವಿ ಪತ್ನಿ ಸುರೇಖಾ ಅವರು ಅಲ್ಲು ಅರ್ಜುನ್ ಜತೆ ಮಾತನಾಡಿ ಧೈರ್ಯ ಹೇಳಿದ್ದರು. ಶನಿವಾರ ಬಿಸಿಯಿದ್ದ ಕಾರಣ ಅಲ್ಲು ಅರ್ಜುನ್​​​ ಭಾನುವಾರ( ಡಿಸೆಂಬರ್​ 15) ಮೆಗಾಸ್ಟಾರ್​ ಚಿರಂಜೀವಿ ಅವರನ್ನು ಭೇಟಿಯಾದರು.

ಅಲ್ಲು ಅರ್ಜುನ್ ಸ್ವತಃ ತಾವೇ ಕಾರು ಚಲಾಯಿಸಿಕೊಂಡು ಕುಟುಂಬ ಸಮೇತರಾಗಿ ಚಿರಂಜೀವಿ ಮನೆಗೆ ತೆರಳಿದ್ದಾರೆ. ಚಿರು ನಿವಾಸದಲ್ಲಿ ಅಲ್ಲು ಅರ್ಜುನ್ ಸುಮಾರು ಒಂದು ಗಂಟೆ ಕಾಲ ಕಳೆದು ವಿವಿಧ ವಿಷಯಗಳ ಬಗ್ಗೆ ಮಾತನಾಡಿದ್ದಾರೆ. ಸದ್ಯ ಈ ಇಬ್ಬರ ಭೇಟಿಯ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ. ಇಷ್ಟು ದಿನ ಮೆಗಾ ಮತ್ತು ಅಲ್ಲು ನಡುವಿನ ಫೈಟ್​ ಕೊನೆಗೊಂಡಿದೆ ಎಂದು ಅಭಿಮಾನಿಗಳು ಖುಷ್​ ಆಗಿದ್ದಾರೆ.

ಡಿಸೆಂಬರ್ 4 ರಂದು ಹೈದರಾಬಾದ್‌ನ ಸಂಧ್ಯಾ ಥಿಯೇಟರ್‌ನಲ್ಲಿ ‘ಪುಷ್ಪ 2’ ವಿಶೇಷ ಪ್ರದರ್ಶನದ ವೇಳೆ ಕಾಲ್ತುಳಿತದಿಂದ ಮಹಿಳೆಯೊಬ್ಬರು ಪ್ರಾಣ ಕಳೆದುಕೊಂಡರು. ಈ ಪ್ರಕರಣದಲ್ಲಿ ನಟ ಅಲ್ಲು ಅರ್ಜುನ್ ಅವರನ್ನು ಬಂಧಿಸಲಾಗಿತ್ತು. ಬಳಿಕ ಹೈದರಾಬಾದ್ ನ್ಯಾಯಾಲಯವು ನಟ ಅಲ್ಲು ಅರ್ಜುನ್ ಅವರಿಗೆ 14 ದಿನಗಳ ನ್ಯಾಯಾಂಗ ಬಂಧನದ ಆದೇಶವನ್ನು ನೀಡಿತ್ತು. ಆದರೆ ಅದೇ ದಿನ ಸಂಜೆ ಹೈಕೋರ್ಟ್​​​ 50,000 ರೂಪಾಯಿಗಳ ವೈಯಕ್ತಿಕ ಬಾಂಡ್ ಮೇಲೆ ಅಲ್ಲು ಅರ್ಜುನ್​​​ ಅವರಿಗೆ ಮಧ್ಯಂತರ ಜಾಮೀನು ನೀಡಿತು. (ಏಜೆನ್ಸೀಸ್​​​)

https://www.vijayavani.net/allu-arjuns-first-statement-on-release-from-jail