ಬಿಡುಗಡೆಯಾದ ಒಂದೇ ದಿನದಲ್ಲಿ ಪೈರಸಿಯಾದ 'ಮಿರ್ಜಾಪುರ್​ - 2'

ಮುಂಬೈ: ಅತ್ಯಂತ ಜನಪ್ರಿಯ ವೆಬ್​ಸೀರೀಸ್​ ಎಂಬ ಹೆಗ್ಗಳಿಕೆಗೆ ಪಾತ್ರವಾದ 'ಮಿರ್ಜಾಪುರ್​'ನ ಎರಡನೆಯ ಸೀಸನ್​ ಶುಕ್ರವಾರವಷ್ಟೇ (ಅ. 23) ಬಿಡುಗಡೆಯಾಗಿದೆ. ಬಿಡುಗಡೆಯಾದ ಒಂದೇ ದಿನದಲ್ಲಿ ಈ ವೆಬ್​ಸೀರೀಸ್​ನ ಪೈರಸಿ ಸಹ ಆಗಿದೆ.

ಇದನ್ನೂ ಓದಿ: ‘ಯುವರತ್ನ’ ಮೋಷನ್​ ಪೋಸ್ಟರ್​ ಬಿಡುಗಡೆ; ಇದು ಅಭಿಮಾನಿಗಳ ಉಡುಗೊರೆ

ಅಮೇಜಾನ್​ ಪ್ರೈಮ್​ನ ಅತ್ಯಂತ ಜನಪ್ರಿಯ ವೆಬ್​ಸೀರೀಸ್​ ಎಂದರೆ ಅದು 'ಮಿರ್ಜಾಪುರ್​'. ಎರಡು ವರ್ಷಗಳ ಹಿಂದೆ ಬಿಡುಗಡೆಯಾದ ಪಂಕಜ್​ ತ್ರಿಪಾಠಿ ಅಭಿನಯದ ಈ ಸರಣಿ ಸಾಕಷ್ಟು ಜನಪ್ರಿಯವಾಗಿದ್ದಷ್ಟೇ ಅಲ್ಲ, ಇದನ್ನು ಮುಂದವರೆಸಬೇಕು ಎಂಬ ಬೇಡಿಕೆ ಪ್ರೇಕ್ಷಕರಿಂದ ಕೇಳಿ ಬಂತು.

ಜನ ಕೇಳುತ್ತಿದ್ದ ಹಿನ್ನೆಲೆಯಲ್ಲಿ, ಎರಡನೆಯ ಸೀಸನ್​ನ ಚಿತ್ರೀಕರಣ ಕಳೆದ ವರ್ಷವೇ ಶುರುವಾಗಿ, ಲಾಕ್​ಡೌನ್​ಗೂ ಮುನ್ನವೇ ಮುಗಿದಿತ್ತು. ಲಾಕ್​ಡೌನ್​ ಸಂದರ್ಭದಲ್ಲಿ ಈ ಸರಣಿಯ ಪೋಸ್ಟ್​ ಪ್ರೊಡಕ್ಷನ್​ ಕೆಲಸಗಳೆಲ್ಲಾ ಮುಗಿಸಿದ ತಂಡ, ನಿನ್ನೆಯಷ್ಟೇ ಅಮೇಜಾನ್​ ಪ್ರೈಮ್​ನಲ್ಲಿ ಬಿಡುಗಡೆ ಮಾಡಿದೆ.

ಬಿಡುಗಡೆಯಾದ ಸ್ವಲ್ಪ ಹೊತ್ತಿನಲ್ಲೇ ಟಾರೆಂಟ್​, ತಮಿಳ್​ರಾಕರ್ಸ್​ ಮುಂತಾದ ಕಡೆ ಲಭ್ಯವಿದೆ. ಅಷ್ಟೇ ಅಲ್ಲ, ಟೆಲಿಗ್ರಾಮ್​ನಲ್ಲಿ ಸಹ 'ಮಿರ್ಜಾಪುರ್​'ನ ಎರಡನೆಯ ಸೀಸನ್​ನ ಎರಡು ಕಂತುಗಳು ಲೀಕ್​ ಆಗಿದೆ ಎಂದು ಹೇಳಲಾಗುತ್ತಿದೆ.

ಇದನ್ನೂ ಓದಿ: ವಿಜಯ್​ ಚಿತ್ರಕ್ಕೆ ಗುಡ್​ಬೈ ಹೇಳಿದ್ರಾ ಮುರುಗದಾಸ್​?

'ಮಿರ್ಜಾಪುರ್​'ನ ಎರಡನೆಯ ಸೀಸನ್​ನಲ್ಲಿ ಪಂಕಜ್​ ತ್ರಿಪಾಠಿ ಜತೆಗೆ ಅಲಿ ಫಜಲ್​, ಶ್ವೇತಾ ತ್ರಿಪಾಠಿ, ವಿಜಯ್​ ವರ್ಮ, ದಿವ್ಯೆಯಂದು ಶರ್ಮ, ರಸಿಕಾ ದುಗ್ಗಲ್​, ಕುಲಭೂಷಣ್​ ಖರಬಂದಾ ಮುಂತಾದವರು ನಟಿಸಿದ್ದಾರೆ.

https://www.vijayavani.net/title-of-komals-new-film-to-be-unveiled-on-october-26th/