ಹೈದರಾಬಾದ್: ಅಂತೂ ಇಂತೂ ಆಲಿಯಾ ಭಟ್, ಮುಂಬೈನಿಂದ ಹೈದರಾಬಾದ್ಗೆ ಬಂದಿದ್ದಾರೆ. ‘ಆರ್ಆರ್ಆರ್’ ಚಿತ್ರದಲ್ಲಿ ಅವರು ನಟಿಸುವುದಕ್ಕೆ ಒಪ್ಪಿಕೊಂಡಿದ್ದರಾದರೂ, ಚಿತ್ರೀಕರಣ ಶುರುವಾಗಿ ಎರಡು ತಿಂಗಳಾದರೂ ಆಲಿಯಾ, ಚಿತ್ರದಲ್ಲಿ ನಟಿಸುತ್ತಾರೋ ಇಲ್ಲವೋ ಎಂಬ ಕುತೂಹಲ ಎಲ್ಲರಲ್ಲೂ ಇತ್ತು. ಈಗ, ಹೈದರಾಬಾದ್ಗೆ ಬಂದು ಚಿತ್ರೀಕರಣದಲ್ಲಿ ಭಾಗವಹಿಸುವ ಮೂಲಕ ಎಲ್ಲರಲ್ಲಿದ್ದ ಪ್ರಶ್ನೆಗಳಿಗೂ ಆಲಿಯಾ ಉತ್ತರ ಕೊಟ್ಟಿದ್ದಾರೆ.
ಇದನ್ನೂ ಓದಿ: PHOTOS| ಬಿಕಿನಿ ಬ್ಯೂಟಿ ಯಾರೆಂದು ಗುರುತಿಸುವಿರಾ? ಕನ್ನಡಗರಿಗೂ ಚಿರಪರಿಚಿತ ಈ ಮಾದಕ ನಟಿ!
ಹೈದರಾಬಾದ್ಗೆ ಬಂದು ನಿರ್ದೇಶಕ ರಾಜಮೌಳಿ ಅವರನ್ನು ಭೇಟಿಯಾಗಿದ್ದಷ್ಟೇ ಅಲ್ಲ, ನಟ ಮಹೇಶ್ ಬಾಬು ಅವರನ್ನು ಸಹ ಭೇಟಿ ಮಾಡಿ, ಅವರ ಮಗಳಿಗೆ ಒಂದು ಗಿಫ್ಟ್ ಕೊಟ್ಟು ಬಂದಿದ್ದಾರೆ ಆಲಿಯಾ. ಇಷ್ಟಕ್ಕೂ ಆ ಗಿಫ್ಟ್ ಏನು ಗೊತ್ತಾ? ಒಂದು ಕ್ಯೂಟ್ ಆದಂತಹ ಡ್ರೆಸ್. ಅಷ್ಟೇ ಅಲ್ಲ, ಎಡ್-ಆ-ಮಮ್ಮಾ ಎಂಬ ಬಟ್ಟೆಯ ಬ್ರಾಂಡ್ ಹೊಂದಿರುವ ಆಲಿಯಾ, ಅದರಡಿ ತಯಾರಾದ ಒಂದು ಸುಂದರವಾದ ಡ್ರೆಸ್ನ್ನು ಸಿತಾರಾಗೆ ಉಡುಗೊರೆಯಾಗಿ ನೀಡಿದ್ದಾರೆ ಎನ್ನುವುದು ವಿಶೇಷ.
ಸಿತಾರಾಗೆ ಆಲಿಯಾ ಹೀಗೆ ಗಿಫ್ಟ್ ಕೊಡುವುದಕ್ಕೂ ಒಂದು ಕಾರಣವಿದೆ. ಮಹೇಶ್ ಬಾಬು ಕುಟುಂಬಕ್ಕೂ, ಆಲಿಯಾಗೂ ಬಹಳ ನಂಟು. ಅಷ್ಟೇ ಅಲ್ಲ, ಮಹೇಶ್ ಬಾಬು ಮಗಳು ಸಿತಾರಾ, ಆಲಿಯಾ ಅವರ ದೊಡ್ಡ ಫ್ಯಾನ್ ಅಂತೆ. ಎರಡು ವರ್ಷಗಳ ಹಿಂದೆ ಮಹೇಶ್ ಬಾಬು ತಮ್ಮ ಕುಟುಂಬದವರ ಜೊತೆಗೆ ವೆಕೇಶನ್ಗೆಂದು ಹೋದಾಗ, ಅಲ್ಲಿ ಆಲಿಯಾ ಭಟ್ ಮತ್ತು ರಣಬೀರ್ ಕಪೂರ್ ಸಿಕ್ಕಿದ್ದರಂತೆ. ಈ ಸಂದರ್ಭದಲ್ಲಿ ಸಿತಾರಾ, ಆಲಿಯಾ ಜೊತೆಗೆ ಫೋಟೋ ತೆಗೆಸಿಕೊಂಡು, ತಾನೆಷ್ಟು ದೊಡ್ಡ ಫ್ಯಾನ್ ಎಂದು ಹೇಳಿಕೊಂಡಿದ್ದಳಂತೆ.
ಈಗ ಅದೇ ಸಲುಗೆಯ ಮೇರೆಗೆ, ಹೈದರಾಬಾದ್ಗೆ ಬಂದಿದ್ದಾಗ, ಮಹೇಶ್ ಬಾಬು ಮತ್ತು ಅವರ ಕುಟುಂಬದವರನ್ನು ಭೇಟಿ ಮಾಡಿದ್ದಾರೆ ಆಲಿಯಾ. ಅಷ್ಟೇ ಅಲ್ಲ, ಇದೇ ಸಂದರ್ಭದಲ್ಲಿ ತಮ್ಮ ಪುಟಾಣಿ ಫ್ಯಾನ್ಗೆ ಉಡುಗೊರೆಯನ್ನು ಕೊಟ್ಟು ಹಾರೈಸಿದ್ದಾರೆ. ತಮ್ಮ ಮೆಚ್ಚಿನ ನಟಿಯಿಂದ ಗಿಫ್ಟ್ ಪಡೆದಿರುವ ಸಿತಾರಾ, ಸೋಷಿಯಲ್ ಮೀಡಿಯಾ ಮೂಲಕ ಆಕೆಗೆ ಧನ್ಯವಾದಗಳನ್ನು ಸಲ್ಲಿಸಿದ್ದಾರೆ.
ಇದನ್ನೂ ಓದಿ: ಕೃತಿಗೆ ಪಾಸಿಟಿವ್ … ಬಾಲಿವುಡ್ನಲ್ಲಿ ಹೆಚ್ಚಾಯ್ತು ಸೋಂಕಿತರ ಸಂಖ್ಯೆ
ಅಂದಹಾಗೆ, ‘ಆರ್ಆರ್ಆರ್’ ಚಿತ್ರದಲ್ಲಿ ರಾಮ್ಚರಣ್ ತೇಜಗೆ ಆಲಿಯಾ ಭಟ್ ಜೋಡಿಯಾಗಿದ್ದು, ಮುಂದಿನ ಒಂದು ತಿಂಗಳ ಕಾಲ ಚಿತ್ರದ ಚಿತ್ರೀಕರಣದಲ್ಲಿ ಭಾಗವಹಿಸಲಿದ್ದಾರೆ. ಚಿತ್ರದ ಕೆಲವು ಪ್ರಮುಖ ಸನ್ನಿವೇಶಗಳಲ್ಲಿ ನಟಿಸಿರುವ ಆಲಿಯಾ, 10 ಜನರ ಸಹಾಯಕರ ತಂಡದೊಂದಿಗೆ ಮುಂಬೈನಿಂದ ಹೈದರಾಬಾದ್ಗೆ ಬಂದಿದ್ದಾರೆ.
ರಾತ್ರಿ ಶೂಟಿಂಗ್ ಮುಗಿಸಿ ಹೋಟೆಲ್ಗೆ ಬಂದ ಖ್ಯಾತ ಕಿರುತೆರೆ ಕಲಾವಿದೆ ಬೆಳಗಾಗುವಷ್ಟರಲ್ಲಿ ಶವವಾಗಿ ಪತ್ತೆ..!