ಅದರಂತೆ ತನ್ನ ಸ್ನೇಹಿತ ಧೀರಜ್ಗೆ 1 ಲಕ್ಷ ರೂ.ಗೆ ಸುಪಾರಿ ಕೊಟ್ಟು ಮಗುವನ್ನು ಅಪಹರಿಸುವಂತೆ ಸೂಚಿಸಿದ್ದ. ಧೀರಜ್ ತನ್ನ ಸಹಚರನ ಜತೆಗೆ ಪೂರ್ವ ದೆಹಲಿಯ ಶಾಕಾರ್ಪುರ್ ಬಡಾವಣೆಯಲ್ಲಿರುವ ತರುಣ್ ಮನೆಗೆ ಮಂಗಳವಾರ ಸಂಜೆ 4 ಗಂಟೆಗೆ ಬಂದಿದ್ದ. ತಾನು ಬೈಕ್ನಲ್ಲಿ ಕುಳಿತು, ಕುಡಿವ ನೀರು ಕೇಳುವ ನೆಪದಲ್ಲಿ ತರುಣ್ ಮನೆಯೊಳಗೆ ಕಳುಹಿಸಿದ್ದ. ಸಂಚಿನಂತೆ ಧೀರಜ್ ಸಹಚರ ಮಗುವನ್ನು ಎತ್ತಿಕೊಂಡು ಬಂದಿದ್ದ. ಬೈಕ್ ಹತ್ತಬೇಕೆನ್ನುವಷ್ಟರಲ್ಲಿ ಮನೆಯಿಂದ ಓಡೋಡಿ ಬಂದ ತರುಣ್ ಪತ್ನಿ ಮಗುವನ್ನು ಬಲವಾಗಿ ಹಿಡಿದುಕೊಂಡು ಎಳೆದಾಡಿ ಆತನಿಂದ ಬಿಡಿಸಿಕೊಂಡಿದ್ದಳು. ಸಹಚರ ಮಗುವನ್ನು ಬಿಟ್ಟು ಓಡಲು ಮುಂದಾಗುತ್ತಿದ್ದಂತೆ ಬೈಕ್ನ ಹಿಂಬದಿಗೆ ಒದ್ದು, ಬೈಕ್ ಸವಾರನನ್ನು ಬೀಳಿಸಿದ್ದಳು.
