ಮುಂಬೈ: ಬಾಲಿವುಡ್ನ ಸಿನಿಮಾಗಳು ಜನರ ಮನಸ್ಸನ್ನು ತಲುಪುವಲ್ಲಿ ಯಶಸ್ವಿಯಾಗುತ್ತಿಲ್ಲ. ಬಿಗ್ ಬಜೆಟ್ ಸಿನಿಮಾ ಶಮ್ಶೀರ, ಲಾಲ್ ಸಿಂಗ್ ಛಡ್ಡಾ ಮತ್ತು ಹಲವಾರು ಬಾಲಿವುಡ್ ತಾರೆಯರ ಸಿನಿಮಾಗಳು ಬಾಕ್ಸ್ ಆಫೀಸ್ನಲ್ಲಿ ಸದ್ದು ಮಾಡುತ್ತಿಲ್ಲ. ಇದಕ್ಕೆ ಕಾರಣ, ಕರೊನಾ ನಂತರದ ದಿನಗಳಲ್ಲಿ ಜನ ಥಿಯೇಟರ್ಗಳತ್ತ ಬರುತ್ತಿಲ್ಲ. ಇದಲ್ಲದೇ ಬಾಲಿವುಡ್ನ ಈ ಸ್ಥಿತಿಗೆ ದಕ್ಷಿಣ ಭಾರತದ ಸಿನಿಮಾಗಳ ಜನಪ್ರಿಯತೆ ಇನ್ನೊಂದು ಕಾರಣ ಎಂಬುದು ಹಲವರ ಅಭಿಪ್ರಾಯ. ಆದರೆ ನಟ ಅಕ್ಷಯ್ ಕುಮಾರ್ ಇವೆರಡನ್ನೂ ಒಪ್ಪುವುದಿಲ್ಲ. ಅಕ್ಷಯ್ ಕುಮಾರ್ ಹೇಳುವುದೇನೆಂದರೆ, ಕೆಲವು ಬದಲಾವಣೆಗಳನ್ನು ಮಾಡುವ ಮೂಲಕ ಬಾಲಿವುಡ್ ಅನ್ನು ಪುನಃ ಯಶಸ್ಸಿನ ಕಡೆ ಕರೆದೊಯ್ಯಬಹುದು.
