ವರದಕ್ಷಿಣೆಗೆ ಉತ್ತೇಜನ ನೀಡಿದರೇ ಅಕ್ಷಯ್ ಕುಮಾರ್? ನಟನಿಗೆ ನೆಟ್ಟಿಗರ ತರಾಟೆ

ಮುಂಬಯಿ: ಬಾಲಿವುಡ್​ ಸದಾ ಒಂದಿಲ್ಲೊಂದು ವಿವಾದದಿಂದ ಸುದ್ದಿಯಲ್ಲಿರುತ್ತದೆ. ಇದಕ್ಕೆ ಬಾಲಿವುಡ್​​ ನಟರೇನೂ ಕಮ್ಮಿ ಇಲ್ಲ. ಇದೀಗ ನಟ ಅಕ್ಷಯ್​​ ಕುಮಾರ್​​ ನಟಿಸಿದ ಜಾಹೀರಾತು ಕಾಂಟ್ರವರ್ಸಿ ಸೃಷ್ಟಿಸಿದೆ.

ಇದರಲ್ಲಿ ಅಕ್ಷಯ್​ ಕುಮಾರ್ ​​ರಸ್ತೆ ಸುರಕ್ಷತೆಯ ಕುರಿತಾದ ಜಾಹೀರಾತಿನಲ್ಲಿ ಕಪ್ಪುಹಣದ ಮೂಲಕ ವರದಕ್ಷಿಣೆಗೆ ಬೆಂಬಲ ನೀಡುವ ದೃಶ್ಯ ಕಂಡುಬರುತ್ತದೆ. ಶಿವಸೇನೆ ನಾಯಕಿ ಪ್ರಿಯಾಂಕಾ ಚತುರ್ವೇದಿ ಮತ್ತು ಟಿಎಂಸಿಯ ರಾಷ್ಟ್ರೀಯ ವಕ್ತಾರ ಸಾಕೇತ್​ ಗೋಖಲೆ ಈ ಜಾಹೀರಾತಿನ ವೀಡಿಯೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಅಪ್ಲೋಡ್​ ಮಾಡಿ ಟೀಕಿಸಿದ್ದಾರೆ.

ಕೇಂದ್ರ ಸಚಿವ ನಿತಿನ್​​ ಗಡ್ಕರಿ ಆರು ಬ್ಯಾಗ್​ಗಳನ್ನು ಒಳಗೊಂಡಿರುವ ಟ್ರಾವೆಲಿಂಗ್​​ ಕಾರನ್ನು ಪ್ರಚಾರ ಮಾಡುವ ಭರದಲ್ಲಿ ಈ ಜಾಹೀರಾತಿನ ವಿಡಿಯೋ ತುಣುಕನ್ನು ತಮ್ಮ ಟ್ವೀಟರ್​​ ಖಾತೆಯಲ್ಲಿ ಅಪ್ ಲೋಡ್ ಮಾಡಿದ್ದಾರೆ.

ಇದರ ಕುರಿತು ಪ್ರಿಯಾಂಕ ಟ್ವಿಟ್​ ಮಾಡಿದ್ದರು. "ಇದು ನಿಜಕ್ಕೂ ಒಂದು ಸಮಸ್ಯಾತ್ಮಕ ಜಾಹೀರಾತು. ಈ ರೀತಿಯ ಕ್ರಿಯಾಶೀಲತೆಯನ್ನು ತರುವವರು ಯಾರು? ಸರ್ಕಾರವೇನಾದರೂ ಕಾರಿನ ಸುರಕ್ಷಿತೆಯ ಕುರಿತಾಗಿ ಜಾಹೀರಾತು ತರಲು ಹಣ ಕೊಡುತ್ತಿದೆಯಾ? ಅಥವಾ ಈ ರೀತಿ ದುಷ್ಟ ಮತ್ತು ಕ್ರೂರ ಪದ್ಧತಿಯಾದ ವರದಕ್ಷಿಣೆಯನ್ನು ಬೆಂಬಲಿಸಿ ಪ್ರಚಾರ ಮಾಡುತ್ತಿದೆಯಾ?" ಎಂದು ತಮ್ಮ ಟ್ವೀಟ್ ನಲ್ಲಿ ಪ್ರಶ್ನಿಸಿದ್ದರು. ಸಾಮಾಜಿಕ ಜಾಲತಾಣದಲ್ಲಿ ಇದು ಈಗ ಭಾರೀ ಚರ್ಚೆಯ ವಿಷಯವಾಗಿದೆ. (ಏಜೆನ್ಸೀಸ್)

https://www.vijayavani.net/failure-love-story-in-ramanagara/

https://www.vijayavani.net/a-woman-missing-case-cow-police/

https://www.vijayavani.net/failure-love-story-in-ramanagara/