ಕ್ಯಾಪ್ಟನ್ ಆಗಿ ಹಾರ್ದಿಕ್​ ಯಶಸ್ಸಿನ ಹಿಂದೆ ಇವರ ಪಾತ್ರ ಹೆಚ್ಚಿತ್ತು! ಶಾಕಿಂಗ್ ಸಂಗತಿ ತೆರದಿಟ್ಟ ಅಜಿತ್ ಅಗರ್ಕರ್​

ನವದೆಹಲಿ: ಮುಂಬರುವ ಶ್ರೀಲಂಕಾ ವಿರುದ್ಧದ ವೈಟ್ ಬಾಲ್​ ಪಂದ್ಯಗಳಿಗೆ ಟೀಮ್ ಇಂಡಿಯಾ ಸನ್ನದ್ಧಗೊಂಡಿದ್ದು, ಹಲವು ಮಹತ್ವದ ಬದಲಾವಣೆಗಳೊಂದಿಗೆ ಬಿಸಿಸಿಐ ಮುಂದೆ ಬಂದಿದೆ. ಏಕದಿನ ಪಂದ್ಯಗಳಿಗೆ ಟಿ20 ವಿಶ್ವಕಪ್ ವಿಜೇತ ಕ್ಯಾಪ್ಟನ್ ರೋಹಿತ್ ಶರ್ಮ ಎಂದಿನಂತೆ ಇಲ್ಲಿಯೂ ನಾಯಕತ್ವ ವಹಿಸಿಕೊಂಡಿದ್ದರೆ, ಟಿ20 ಮ್ಯಾಚ್​ಗಳಿಗೆ ಸೂರ್ಯಕುಮಾರ್ ಯಾದವ್ ಕ್ಯಾಪ್ಟನ್ ಆಗಿ ತಂಡವನ್ನು ಮುನ್ನಡೆಸಲು ಸಿದ್ಧರಾಗಿದ್ದಾರೆ. ಎರಡು ಫಾರ್ಮೆಟ್​ನಲ್ಲಿಯೂ ಭಾರತ ತಂಡಕ್ಕೆ ಶುಭಮನ್ ಗಿಲ್ ಉಪನಾಯಕನಾಗಿ ಕಣಕ್ಕಿಳಿಯಲಿರುವುದು ವಿಶೇಷ.

ಇದನ್ನೂ ಓದಿ: ಶಿರೂರಿನಲ್ಲಿ ಗುಡ್ಡ ಕುಸಿತ: ಸ್ಥಳಕ್ಕೆ ಭೇಟಿ ನೀಡಿ, ರಕ್ಷಣಾ ಕಾರ್ಯದ ಪರಿಶೀಲನೆ ನಡೆಸಿದೆ ಸಿಎಂ

ಟಿ20 ವಿಶ್ವಕಪ್​ನಲ್ಲಿ ರೋಹಿತ್ ಶರ್ಮ ಕ್ಯಾಪ್ಟನ್​ ಆಗಿದ್ದ ವೇಳೆ ಉಪನಾಯಕರಾಗಿ ತಂಡದಲ್ಲಿದ್ದ ಹಾರ್ದಿಕ್ ಪಾಂಡ್ಯ ಮೇಲೆ ಭಾರೀ ನಿರೀಕ್ಷೆಗಳು ಮೂಡಿದ್ದವು. ಶ್ರೀಲಂಕಾ ವಿರುದ್ಧದ ಟೂರ್ನಿಯಲ್ಲಿ ಟಿ20 ಪಂದ್ಯಗಳಿಗೆ ಪಾಂಡ್ಯ ಕ್ಯಾಪ್ಟನ್​ಶಿಪ್ ಪಡೆಯಲಿದ್ದಾರೆ ಎಂದೇ ಹೇಳಲಾಗಿತ್ತು. ಆದ್ರೆ, ಬಿಸಿಸಿಐ ಈ ಎಲ್ಲಾ ನಿರೀಕ್ಷೆಗಳನ್ನು ಇದೀಗ ತಲೆಕೆಳಗಾಗಿಸಿದೆ. ನಾಯಕ ಹಾಗೂ ಉಪನಾಯಕನ ಸ್ಥಾನದಿಂದ ಹಾರ್ದಿಕ್​ರನ್ನು ಕೈಬಿಟ್ಟಿರುವ ಬಿಸಿಸಿಐ, 'ಸ್ಕೈ'ರನ್ನು ನೂತನ ಕ್ಯಾಪ್ಟನ್ ಆಗಿ ಆಯ್ಕೆ ಮಾಡಿರುವುದು ಅನೇಕರಲ್ಲಿ ಸಂತಸ ಮೂಡಿಸಿದ್ದೇ ಆದರೂ ಹಾರ್ದಿಕ್​ ಫ್ಯಾನ್ಸ್​ಗೆ ಮಾತ್ರ ನಿರಾಸೆ ಉಂಟಾಗಿದೆ.

ಇನ್ನು ಭಾರತ ತಂಡಕ್ಕೆ ಯಾರನ್ನು ಆಡಿಸಬೇಕು? ಯಾರನ್ನು ಕೈಬಿಡಬೇಕು ಎಂಬುದನ್ನು ಆಯ್ಕೆ ಮಾಡುವ ಸಮಿತಿ ಹಲವು ಲೆಕ್ಕಾಚಾರಗಳನ್ನು ಮಾಡಿಕೊಂಡಿದೆ. 2026ರ ಟಿ20 ವಿಶ್ವಕಪ್​ ಟೂರ್ನಿಯನ್ನು ಗಮನದಲ್ಲಿಟ್ಟುಕೊಂಡು ನಾಯಕತ್ವ ಬದಲಾವಣೆಯನ್ನು ಮುನ್ನಲೆಗೆ ತಂದಿರುವುದು ಇಲ್ಲಿ ಗಮನಾರ್ಹ. ವರದಿಗಳ ಪ್ರಕಾರ, ಮುಖ್ಯ ಆಯ್ಕೆಗಾರರಾದ ಟೀಮ್ ಇಂಡಿಯಾದ ಮಾಜಿ ಹಿರಿಯ ಕ್ರಿಕೆಟಿಗ ಅಜಿತ್ ಅಗರ್ಕರ್​ ಮತ್ತು ನೂತನ ಹೆಡ್ ಕೋಚ್ ಗೌತಮ್ ಗಂಭೀರ್ ಅವರು ಹಾರ್ದಿಕ್​ಗಿಂತ ಸೂರ್ಯರನ್ನು ಹೆಚ್ಚು ನಂಬಿದ್ದಾರೆ ಎಂಬುದು ಮೇಲ್ನೋಟಕ್ಕೆ ಕಂಡುಬಂದಿದೆ.

ಇದನ್ನೂ ಓದಿ: ಬಾಗೂರು ನವಿಲೆ ದಂಡೆ ಮೇಲೆ ಸೂಗಡು ಠಿಕಾಣಿ; ತುಮಕೂರು ನಾಲೆಗೆ ನೀರು ಹರಿಸಲು ಪಟ್ಟು

ಆದಾಗ್ಯೂ, ಹಾರ್ದಿಕ್ ಉತ್ತಮ ನಾಯಕ ಎಂಬುದನ್ನು ಅಜಿತ್ ಅಗರ್ಕರ್​ ಸಂಪೂರ್ಣವಾಗಿ ಒಪ್ಪಿಲ್ಲ. ಎರಡು ವರ್ಷಗಳ ಕಾಲ ಗುಜರಾತ್ ಟೈಟನ್ಸ್​ನಲ್ಲಿದ್ದ ಪಾಂಡ್ಯ ಕೋಚ್ ಆಗಿದ್ದ ಆಶೀಶ್ ನೆಹ್ರಾರ ಸಹಾಯದಿಂದ ಕ್ಯಾಪ್ಟನ್ ಆಗಿ ಯಶಸ್ವಿಯಾಗಿದ್ದಾರೆ. ಅವರ ಯಶಸ್ಸಿನ ಹಿಂದೆ ಇರುವುದು ಆಶಿಶ್​ ಎಂದು ಅಭಿಪ್ರಾಯಿಸಿದ್ದಾರೆ. ಈ ಕಾರಣದಿಂದ ಹಾರ್ದಿಕ್​ಗೆ ಫುಲ್​ ಮಾರ್ಕ್ಸ್​ ಕೊಡುವಲ್ಲಿ ಅಜಿತ್ ಒಂದು ಹೆಜ್ಜೆ ಹಿಂದೆ ಸರಿದಿದ್ದಾರೆ ಎಂದು ವರದಿ ಉಲ್ಲೇಖಿಸಿದೆ,(ಏಜೆನ್ಸೀಸ್).

https://www.vijayavani.net/harbhajan-slams-pakistan-journalist