ಸಿನಿಮಾ ಬಹಿಷ್ಕರಿಸುವುದು ಸ್ವಲ್ಪ ಜಾಸ್ತಿ ಆಗಲಿಲ್ಲವೇ? ಕಮಲ್​ ಹಾಸನ್​ ಪರ ನಟಿ ರಮ್ಯಾ ಟ್ವೀಟ್​! ಕನ್ನಡಿಗರು ಗರಂ | Kamal Haasan

Kamal Haasan: 'ಕನ್ನಡ ಹುಟ್ಟಿದ್ದು ತಮಿಳಿನಿಂದ' ಎಂದು ಹೇಳುವ ಮೂಲಕ ಇದೀಗ ನಟ ಕಮಲ್​ ಹಾಸನ್ ಕನ್ನಡಿಗರ ಕೆಂಗಣ್ಣಿಗೆ ಗುರಿಯಾಗಿರುವುದು ಎಲ್ಲರಿಗೂ ಗೊತ್ತೇ ಇದೆ. ಇದನ್ನು ತೀಕ್ಷ್ಣವಾಗಿ ಖಂಡಿಸಿರುವ ಕನ್ನಡಿಗರು ಜಾಲತಾಣ ಸೇರಿದಂತೆ ಪ್ರತಿಭಟನೆ ಮೂಲಕ ವ್ಯಾಪಕ​ ಆಕ್ರೋಶ ಹೊರಹಾಕಿದ್ದಾರೆ. ಅಲ್ಲದೆ, ಕ್ಷಮೆ ಕೋರುವಂತೆ ಕೂಡ ಆಗ್ರಹಿಸಿದ್ದಾರೆ. ಆದರೆ, ಕಮಲ್​ ಹಾಸನ್​ ಮಾತ್ರ ನಾನು ಕ್ಷಮೆ ಕೇಳುವುದಿಲ್ಲ ಎನ್ನುವ ಮೂಲಕ ಉದ್ಧಟತನ ಪ್ರದರ್ಶಿಸಿರುವುದು ಸದ್ಯ ಕನ್ನಡಿಗರ ಕಿಚ್ಚನ್ನು ಮತ್ತಷ್ಟು ಹೆಚ್ಚಿಸಿದೆ.

ಇದನ್ನೂ ಓದಿ: ಹುಡ್ಕೋ ನಿವಾಸಿಗಳ ಸಂಘಕ್ಕೆ ಪ್ರಕಾಶ್ ಅಧ್ಯಕ್ಷ: ಉಪಾಧ್ಯಕ್ಷರಾಗಿ ಕುಮಾರಯ್ಯ ಅವಿರೋಧ ಆಯ್ಕೆ

ತನ್ನ ಹೇಳಿಕೆಯನ್ನು ಸಮರ್ಥಿಸಿಕೊಂಡಿರುವ ಕಮಲ್​ ಹಾಸನ್​, 'ನಾನು ಕ್ಷಮೆ ಕೋರುವುದಿಲ್ಲ. ನಾನು ಪ್ರೀತಿಯಿಂದಲೇ ಹೇಳಿರುವುದು' ಎಂದಿರುವುದು ಹಲವರ ಆಕ್ರೋಶಕ್ಕೆ ಕಾರಣವಾಗಿದೆ. ಒಂದೆಡೆ ಕಮಲ್ ಹೇಳಿಕೆ ಕಿಡಿ ಹಚ್ಚಿದರೆ, ಮತ್ತೊಂದೆಡೆ, ಜಾಲತಾಣದಲ್ಲಿ ಕನ್ನಡ ನಟಿ ರಮ್ಯ ಹಾಕಿರುವ ಪೋಸ್ಟ್​ ಕನ್ನಡಿಗರ ಕೆಂಗಣ್ಣಿಗೆ ಗುರಿಯಾಗಿದೆ. ಕಮಲ್​ ಅವರ ಸಿನಿಮಾಗೆ ನಿಷೇಧ ಹೇರುವ ಆಗ್ರಹದ ಬಗ್ಗೆ ಟ್ವೀಟ್​ ಮಾಡಿ ಪ್ರತಿಕ್ರಿಯಿಸಿರುವ ರಮ್ಯ, 'ಅವರು ಅನುಚಿತವಾಗಿ ಮಾತನಾಡಿರುವುದು ಸತ್ಯ. ಆದ್ರೆ, ಅವರ ಸಿನಿಮಾವನ್ನು ಬಹಿಷ್ಕರಿಸುವುದು ಸ್ವಲ್ಪ ಜಾಸ್ತಿ ಆಗಲಿಲ್ಲವೇ? ಒಂದು ಸಣ್ಣ ಕ್ಷಮೆ ಕೊಡಬಹುದಲ್ಲವೇ' ಎಂದು ಹೇಳಿದ್ದಾರೆ.

ಕ್ಷಮೆ ಕೇಳಿ, ಮುಂದೋಗಿ

"ಇಲ್ಲಿ ನಾನು ಕಮಲ್ ಹಾಸನ್​ ಅವರ ಹೇಳಿಕೆಯನ್ನು ಒಪ್ಪುವುದಿಲ್ಲ. ಪ್ರೀತಿಯಲ್ಲಿ ಅಹಂಕಾರ ಇರುವುದಿಲ್ಲ. ಸುಲಭವಾಗಿ ಕ್ಷಮೆ ಕೇಳಬಹುದು. ಒಂದು ಕ್ಷಮೆ ಕೇಳಿ, ಮುಂದೆ ಹೋಗುವುದು ಉತ್ತಮ" ಎಂದು ರಮ್ಯ ಪ್ರತಿಕ್ರಿಯಿಸಿದ್ದಾರೆ. ಸದ್ಯ ರಮ್ಯ ಹಾಕಿರುವ ಪೋಸ್ಟ್​ ಕೆಲವರ ಅಸಮಾಧಾನಕ್ಕೆ ಕಾರಣವಾಗಿದ್ದು, ನಟಿಯ ಹೇಳಿಕೆಯನ್ನು ತಿರಸ್ಕರಿಸಿದ್ದಾರೆ. ಮತ್ತೊಬ್ಬರು ಟ್ವೀಟ್​ ಮಾಡಿ, "ಸೋನು ನಿಗಮ್ ಅವರನ್ನು ಬಹಿಷ್ಕರಿಸುವುದು ಓಕೆ. ಅದೇ ಕಮಲ್ ಹಾಸನ್ ಅವರನ್ನು ಬಹಿಷ್ಕರಿಸಬಾರದು ಏಕೆಂದರೆ ನಾವು ಕಪಟಿಗಳು ಅಲ್ವಾ ರಮ್ಯಾ ಅವರೇ?" ಎಂದು ಪ್ರಶ್ನಿಸಿದ್ದಾರೆ.

ಇದನ್ನೂ ಓದಿ: ತೃತೀಯ ಲಿಂಗಿಗಳಿಂದ ಈ ವಸ್ತುಗಳನ್ನು ತೆಗೆದುಕೊಂಡರೆ ನಿಮ್ಮ ಅದೃಷ್ಟವೇ ಬದಲಾಗುತ್ತದೆಯಂತೆ! Transgender women

ಇದಕ್ಕೆ ಉತ್ತರಿಸಿರುವ ರಮ್ಯ, "ನಾನು ಯಾವುದೇ ನಿಷೇಧ ಅಥವಾ ಬಹಿಷ್ಕಾರವನ್ನು ಬೆಂಬಲಿಸುವುದಿಲ್ಲ. ಅದು ಪ್ರಜಾಪ್ರಭುತ್ವ ವಿರೋಧಿ. ನಾವು ಸದಾ ಉತ್ತಮ ಸಂವಾದದಲ್ಲಿ ತೊಡಗಿಸಿಕೊಳ್ಳಬಹುದು" ಎಂದು ಉತ್ತರಿಸಿದ್ದಾರೆ.

https://www.vijayavani.net/check-out-todays-gold-rates-in-india