ಬೆಂಗಳೂರು: ಬಿಡುಗಡೆಗೆ ಸಜ್ಜಾಗಿರುವ ಹಾಸ್ಟೆಲ್ ಹುಡುಗರು ಬೇಕಾಗಿದ್ದಾರೆ ಚಿತ್ರತಂಡಕ್ಕೆ ಶಾಕ್ ಒಂದು ಎದುರಾಗಿದೆ. ಆ ಶಾಕ್ ಕೊಟ್ಟವರು ಬೇರೆ ಯಾರು ಅಲ್ಲ, ಸ್ಯಾಂಡಲ್ವುಡ್ ಕ್ವೀನ್ ರಮ್ಯಾ. ಹಾಸ್ಟೆಲ್ ಹುಡುಗರ ವಿರುದ್ಧ ತಿರುಗಿ ಬಿದ್ದಿರುವ ಮೋಹಕ ತಾರೆ, 1 ಕೋಟಿ ರೂ. ಪರಿಹಾರಕ್ಕೆ ಒತ್ತಾಯ ಮಾಡಿದ್ದಾರೆ.
ಕೆಲ ದಿನಗಳ ಹಿಂದೆಯೇ ಚಿತ್ರದ ಟ್ರೈಲರ್ ಬಿಡುಗಡೆಯಾಗಿ ಭಾರೀ ಮೆಚ್ಚುಗೆ ಗಳಿಸಿದೆ. ಟ್ರೈಲರ್ನಲ್ಲಿ ರಮ್ಯಾ ಅವರನ್ನು ಕಂಡು ಅಭಿಮಾನಿಗಳು ತುಂಬಾ ಖುಷಿ ವ್ಯಕ್ತಪಡಿಸಿದ್ದರು. ಆದರೆ, ಇದು ರಮ್ಯಾ ಅವರಿಗೆ ಆಘಾತವಾಗಿದೆ. ಏಕೆಂದರೆ, ಅವರ ಅನುಮತಿ ಇಲ್ಲದೆ ಟ್ರೈಲರ್ನಲ್ಲಿ ಅವರ ದೃಶ್ಯಗಳನ್ನು ಬಳಸಲಾಗಿದೆಯಂತೆ. ಈ ಹಿನ್ನೆಲೆ ಇದೀಗ ಚಿತ್ರತಂಡದ ವಿರುದ್ಧ ರಮ್ಯಾ ಕಾನೂನು ಸಮರ ಸಾರಿದ್ದಾರೆ.
ರಮ್ಯಾ ತಾಕೀತು
ಗುಲ್ಮರ್ ಫಿಲ್ಮ್ಸ್, ಝೀ ಎಂಟರ್ಟೈನ್ಮೆಂಟ್, ನಿರ್ಮಾಪಕ ವರುಣ್ ಗೌಡ, ನಿರ್ದೇಶಕ ನಿತಿನ್ ಕೃಷ್ಣ ಮೂರ್ತಿ ಹಾಗೂ ಕ್ಯಾಮೆರಾ ಮೆನ್ ಅರಂವಿದ್ ಕಶ್ಯಪ ವಿರುದ್ಧ ರಮ್ಯಾ ದೂರು ದಾಖಲಿಸಿದ್ದಾರೆ. ಅನುಮತಿ ಇಲ್ಲದೆ ನನ್ನ ದೃಶ್ಯಗಳನ್ನು ಬಳಸಿರುವ ಹಿನ್ನೆಲೆಯಲ್ಲಿ ತಮಗೆ ಆಗಿರುವ ನಷ್ಟವನ್ನು ತುಂಬಿಕೊಡಬೇಕು ಎಂದು ರಮ್ಯಾ ಪಟ್ಟು ಹಿಡಿದಿದ್ದಾರೆ. ಎಲ್ಲ ಕಡೆಗಳಿಂದ ತಮ್ಮ ದೃಶ್ಯ, ಫೋಟೋ ಸೇರಿದಂತೆ ಇನ್ನಿತರ ಕಂಟೆಂಟ್ಗಳನ್ನು ಕೂಡಲೇ ತೆಗೆಯುವಂತೆ ರಮ್ಯಾ ತಾಕೀತು ಮಾಡಿದ್ದಾರೆ. ಈಗಾಗಲೇ ಬಳಸಿಕೊಂಡಿರುವುದಕ್ಕೆ 1 ಕೋಟಿ ರೂಪಾಯಿ ಪರಿಹಾರ ನೀಡಬೇಕು ಎಂದು ಕೂಡ ಅವರು ನೋಟೀಸ್ನಲ್ಲಿ ಒತ್ತಾಯಿಸಿದ್ದಾರೆ.
ಇದನ್ನೂ ಓದಿ: ಬೇಬಿ ಪೌಡರ್ನಿಂದ ಕ್ಯಾನ್ಸರ್: ಕಂಪನಿಗೆ ಬರೋಬ್ಬರಿ $18.8 ಮಿಲಿಯನ್ ದಂಡ ವಿಧಿಸಿದ ನ್ಯಾಯಾಧೀಶರು!
ಪ್ರೋಮೋಗೆ ಮಾತ್ರ ಬಳಕೆ
ಹಾಸ್ಟೆಲ್ ಹುಡುಗರು ಬೇಕಾಗಿದ್ದಾರೆ ಸಿನಿಮಾದಲ್ಲಿ ತಮ್ಮ ದೃಶ್ಯಗಳನ್ನು ತೆಗೆಯುವಂತೆ ರಮ್ಯಾ ಪಟ್ಟು ಹಿಡಿದಿದ್ದಾರೆ. ಕೇವಲ ಪ್ರೋಮೋದಲ್ಲಿ ಮಾತ್ರ ಬಳಸುವುದಾಗಿ ಹೇಳಿದ್ದರು. ಆದರೆ, ಈಗ ಸಿನಿಮಾದಲ್ಲೂ ನನ್ನ ದೃಶ್ಯಗಳನ್ನು ಬಳಿಸಿದ್ದಾರೆ ಎಂದು ರಮ್ಯಾ ಆರೋಪ ಮಾಡಿದ್ದು, ಸಿನಿಮಾದಲ್ಲಿರುವ ತಮ್ಮ ದೃಶ್ಯವನ್ನು ತೆಗೆಯುವಂತೆ ಕೋರಿ ಕೋರ್ಟ್ ಮೊರೆ ಹೋಗಿದ್ದಾರೆ.
ದೃಶ್ಯಗಳನ್ನು ತೆಗೆಯದಿದ್ದಲ್ಲಿ 1 ಕೋಟಿ ರೂ. ಮಾನನಷ್ಟ ಕಟ್ಟಿಕೊಡಬೇಕೆಂದು ರಮ್ಯಾ ದೂರು ದಾಖಲಿಸಿದ್ದಾರೆ. ಇದು ಈಗ ಚಿತ್ರತಂಡಕ್ಕೆ ತಲೆ ನೋವಾಗಿ ಪರಿಣಮಿಸುವ ಸಾಧ್ಯತೆ ಇದೆ. (ದಿಗ್ವಿಜಯ ನ್ಯೂಸ್)
ಪ್ರೇಯಸಿನಾ ಅಥವಾ ಪಾಕ್ ಏಜೆಂಟಾ? ವಿಚಾರಣೆ ವೇಳೆ ಅನುಮಾನ ಮೂಡಿಸಿದ ಸೀಮಾ ನಡೆ
ಬಿಲದಲ್ಲಿ ಇದ್ದ ದುಷ್ಟ ಶಕ್ತಿಗಳಿಗೆ ಹೊಸ ಸರ್ಕಾರದಿಂದ ಪ್ರೇರಣೆ ಸಿಕ್ಕಿರಬಹುದು: ಆರಗ ಜ್ಞಾನೇಂದ್ರ