ಬೆಂಗಳೂರು: ‘ತುಪ್ಪ ಬೇಕಾ ತುಪ್ಪ..’ ಐಟಂ ಹಾಡಿನಲ್ಲಿ ಮೈಚಳಿ ಬಿಟ್ಟು ಕುಣಿದಿದ್ದ ನಟಿ ರಾಗಿಣಿ ದ್ವಿವೇದಿ, ಇದೀಗ ಮೊದಲ ಬಾರಿ ಆಲ್ಬಂ ಹಾಡಿನಲ್ಲಿಯೂ ಹೆಜ್ಜೆ ಹಾಕಿದ್ದಾರೆ. ಪಕ್ಕಾ ಗ್ಲಾಮರ್ ಅವತಾರದಲ್ಲಿಯೇ ಕಾಣಿಸಿಕೊಂಡು, ಹೊಸ ಪ್ರಯತ್ನ ಮತ್ತು ಪ್ರಯೋಗವನ್ನು ಮಾಡಿದ್ದಾರೆ. ಅಂದಹಾಗೆ, ‘ಭಜರಂಗಿ’ ಮೋಹನ್ ಈ ಹಾಡಿಗೆ ನೃತ್ಯ ನಿರ್ದೇಶನ ಮಾಡಿರುವುದು ಒಂದೆಡೆಯಾದರೆ, ಮುಂಬೈ ಮೂಲದ ರುದ್ರಾಕ್ಷ್ ದ್ವಿವೇದಿ ಕಾಸ್ಟೂಮ್ ವಿನ್ಯಾಸ ಮಾಡಿದ್ದಾರೆ. ವಿಶೇಷ ಏನೆಂದರೆ ರಾಗಿಣಿ ಅವರಿಗೆ ಒಟ್ಟು ನಾಲ್ಕು ಬೇರೆ ಬೇರೆ ಅವತಾರಗಳು ಈ ಹಾಡಿನಲ್ಲಿವೆ. ‘ಇಲ್ಲಿಯವರೆಗೂ ಸಿನಿಮಾ ಮಾಡುತ್ತಲೇ ಬಂದಿದ್ದೇನೆ. ಮುಂದೆಯೂ ಅದೇ ಕೆಲಸ ಇರಲಿದೆ. ಆದರೆ, ಈ ನಡುವೆ ಹೊಸತನದಲ್ಲಿ ಏನಾದರೂ ಮಾಡಬೇಕೆಂದು ಯೋಚಿಸಿದಾಗ ಆಲ್ಬಂ ಹಾಡಿನ ಅವಕಾಶ ಸಿಕ್ಕಿತು. ಅಷ್ಟೇ ಚೆನ್ನಾಗಿ ಹಾಡು ಮೂಡಿಬಂದಿದೆ.
ಸಿನಿಮಾಗಿಂತ ಹೊಸದನ್ನು ಆಲ್ಬಂ ಹಾಡಿನಲ್ಲಿ ಪ್ರಯತ್ನಿಸಬಹುದು. ದೊಡ್ಡಬಳ್ಳಾಪುರ ಬಳಿ ಎರಡು ದಿನಗಳಲ್ಲಿ ಈ ಹಾಡಿನ ಶೂಟಿಂಗ್ ಮಾಡಲಾಗಿದೆ. ಇನ್ನೇನು ಶೀಘ್ರದಲ್ಲಿ ಶೀರ್ಷಿಕೆ ಅನಾವರಣ ಮತ್ತು ಬಿಡುಗಡೆ ದಿನಾಂಕ ಘೋಷಣೆ ಮಾಡಲಿದ್ದೇವೆ. ಕನ್ನಡದಲ್ಲಿ ಮೊದಲು ಬಿಡುಗಡೆ ಆಗಿ ಬಳಿಕ ಕೆಲ ಭಾಷೆಗಳಿಗೆ ಡಬ್ ಆಗಲಿದೆ’ ಎನ್ನುವ ರಾಗಿಣಿ, ‘ವರ್ಷದ ಬಳಿಕ ಮತ್ತೆ ಶೂಟಿಂಗ್ ಸೆಟ್ಗೆ ಆಗಮಿಸಿದ್ದು ಖುಷಿ ನೀಡಿದೆ’ ಎಂದಿದ್ದಾರೆ.ಅಂದಹಾಗೆ, ಈಗಾಗಲೇ ಸಿನಿಮಾ ನಿರ್ವಣದಲ್ಲಿ ನಿರತರಾಗಿರುವ ಟಿ.ಆರ್. ಚಂದ್ರಶೇಖರ್, ಮೊದಲ ಬಾರಿ ಆಲ್ಬಂ ಹಾಡಿಗೆ ಬಂಡವಾಳ ಹೂಡಿದ್ದಾರೆ. ಕ್ರಿಸ್ಟಲ್ ಪಾರ್ಕ್ ಮ್ಯೂಸಿಕ್ ಚಾನೆಲ್ನಲ್ಲಿ ಈ ಹಾಡು ಬಿಡುಗಡೆ ಆಗಲಿದೆ. ವಿ ಮನೋಹರ್ ಸಂಗೀತ, ಪ್ರೀತಮ್ ಛಾಯಾಗ್ರಹಣ, ಚೈತ್ರಾ ಹಾಡಿಗೆ ಧ್ವನಿ ನೀಡಿದ್ದಾರೆ.
ಮಂಸೋರೆ ಮನಸೂರೆಗೊಳಿಸಿದ ಅಖಿಲಾ; ಇಂದು ನಡೆಯಿತು ನಿಶ್ಚಿತಾರ್ಥ, ಮದ್ವೆ ದಿನ ಹಾರಲಿದೆ ತಿರಂಗ!
ಇತ್ತೀಚೆಗೆ ಕೋವಿಡ್ನಿಂದ ಸತ್ತವರಲ್ಲಿ ಶೇ.99.2 ಮಂದಿ ಲಸಿಕೆ ಪಡೆಯದವರೇ!; ಹೀಗಾಗಿದ್ದು ಎಲ್ಲಿ ಗೊತ್ತಾ?