ಬೆಂಗಳೂರು: ಕನ್ನಡದ ಪ್ರಖ್ಯಾತ ರಿಯಾಲಿಟಿ ಶೋ ಬಿಗ್ಬಾಸ್ ಸೀಸನ್ 10ಕ್ಕೆ ಇನ್ನು ಕೆಲವೇ ಕ್ಷಣಗಳಲ್ಲಿ ತೆರೆ ಬೀಳಲಿದೆ. ವಿನ್ನರ್ ಯಾರು ಎಂಬುದು ಇನ್ನೇನು ಖಚಿತವಾಗಲಿದೆ ಸದ್ಯಕ್ಕೆ ಮನೆಯೊಳಗೆ ಸಂಗೀತಾ, ವಿನಯ್, ಕಾರ್ತಿಕ್, ಪ್ರತಾಪ್ ಹಾಗೂ ವರ್ತೂರು ಸಂತೋಷ್ ಇದಾರೆ. ತುಕಾಲಿ ಸಂತೋಷ್ ನಿನ್ನೆಯಷ್ಟೇ ಮನೆಯಿಂದ ಹೊರಬಂದಿದ್ದಾರೆ. ಇದೀಗ ವರ್ತೂರು ಸಂತೋಷ್ ಕೂಡ ಹೊರಬಂದಿದ್ದಾರೆ ಎನ್ನಲಾಗುತ್ತಿದೆ.
ವಿಜೇತರು ಯಾರಾಗಲಿದ್ದಾರೆ ಎಂಬ ಕುತೂಹಲದ ನಡುವೆ ಕೆಲವೊಂದಿಷ್ಟು ಸುದ್ದಿಗಳು ಕೂಡ ಹರಿದಾಡುತ್ತಿವೆ. ಸಂಗೀತಾ ಶೃಂಗೇರಿ ಅವರು ಟ್ರೋಫಿಯನ್ನು ಮುಡಿಗೇರಿಸಿಕೊಂಡಿದ್ದಾರೆ ಎಂಬ ಸುದ್ದಿ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡಿತ್ತು. ಇದರ ಬೆನ್ನಲ್ಲೇ ಕಾರ್ತಿಕ್ ಮಹೇಶ್ ಹೆಸರು ಕೇಳಿಬರುತ್ತಿದೆ. ಫಿನಾಲೆ ಶೂಟಿಂಗ್ ಮುಂಚಿತವಾಗಿಯೇ ಮುಗಿಯುವುದರಿಂದ ಕೆಲವೊಮ್ಮೆ ವಿಜೇತರ ಹೆಸರು ಮೊದಲೇ ಟಿವಿ ಪರದೆಯಲ್ಲಿ ಘೋಷಣೆಯಾಗುವ ಮುನ್ನ ಮೊದಲೇ ಸೋರಿಕೆಯಾಗಿಬಿಡುತ್ತದೆ. ಈ ಹಿಂದೆಯೂ ಇಂಥಹದ್ದೊಂದು ಕ್ಷಣ ಜರುಗಿದೆ.
ಇದೀಗ ಕಾರ್ತಿಕ್ ಮಹೇಶ್ ಹೆಸರು ಚಾಲ್ತಿಯಲ್ಲಿದ್ದು, ಬಿಗ್ಬಾಸ್ ಟ್ರೋಫಿಯ ಜತೆಗೆ 50 ಲಕ್ಷ ರೂ. ಬಹುಮಾನ ಜಯಿಸಿದ್ದಾರೆ ಎಂದು ಎಲ್ಲೆಡೆ ಸುದ್ದಿ ಹರಿದಾಡ ತೊಡಗಿದೆ. ಸಾಮಾಜಿಕ ಜಾಲತಾಣದಲ್ಲೂ ಕಾರ್ತಿಕ್ ಗೆಲುವು ನ್ಯಾಯಯುತ ಎನ್ನುತ್ತಿದ್ದು, ಎಷ್ಟರಮಟ್ಟಿಗೆ ಈ ಸುದ್ದಿ ಹರಿದಾಡುತ್ತಿದೆ ಅಂದರೆ, ಕಾರ್ತಿಕ್ ಅವರ ಹುಟ್ಟೂರು ಮೈಸೂರಿನಲ್ಲಿಯೂ ಸಂಭ್ರಮ ಮನೆ ಮಾಡಿದೆ. ಕಾರ್ತಿಕ್ ಹೆಸರಿಗೆ ಜೈಕಾರಗಳನ್ನು ಕೂಗುತ್ತಿದ್ದಾರೆ. ಕಾರ್ತಿಕ್ ಅವರ ಮನೆಯಲ್ಲೂ ಸಂಭ್ರಮ ಮನೆ ಮಾಡಿದೆ. ಆದರೆ, ಈ ಸುದ್ದಿ ಎಷ್ಟರ ಮಟ್ಟಿಗೆ ನಿಜ ಎಂಬುದು ಇನ್ನೂ ಕೆಲವೇ ಕ್ಷಣಗಳಲ್ಲಿ ಗೊತ್ತಾಗಲಿದೆ.
ಕಾರ್ತಿಕ್ ಗೆದ್ದಿರುವ ಸಾಧ್ಯತೆಯೂ ಇದೆ. ಏಕೆಂದರೆ, ಅವರಿಗೆ ಅಷ್ಟೊಂದು ಫಾಲೋವರ್ಸ್ ಇದ್ದಾರೆ. ಬಿಗ್ಬಾಸ್ನಲ್ಲಿ ಅವರ ಆಟ ಎಲ್ಲರ ಮನಸ್ಸನ್ನು ಗೆದ್ದಿದೆ. ಅಭಿಮಾನಿಗಳ ಬಳಗವೇ ಸೃಷ್ಟಿಯಾಗಿದ್ದು, ಈ ಹಿಂದೆ ಟ್ವಿಟರ್ನಲ್ಲಿ #DESERVINGWINNERKARTHIK ಎಂದು ಟ್ರೆಂಡ್ ಕೂಡ ಆಗಿತ್ತು. ಹೀಗಾಗಿ ಕಾರ್ತಿಕ್ ಗೆಲುವನ್ನು ತಳ್ಳಿಹಾಕುವಂತಿಲ್ಲ. ಆದರೆ, ಏನೇ ಸುದ್ದಿ ಹರಿದಾಡಿದರೂ ಅಂತಿಮವಾಗಿ ಟಿವಿ ಪರದೆಯಲ್ಲಿ ನಿರೂಪಕ ಕಿಚ್ಚ ಸುದೀಪ್ ಘೋಷಣೆ ಮಾಡುವವರೆಗೂ ಎಲ್ಲವೂ ವದಂತಿಯಾಗೇ ಇರಲಿದೆ. ಕಿಚ್ಚನ ಬಾಯಿಂದ ಹೆಸರು ಬಂದ ಬಳಿಕವೇ ಬಿಗ್ಬಾಸ್ ಸಿಸನ್ 10ರ ಕಿರೀಟ ಯಾರಾ ಪಾಲಾಗಿದೆ ಎಂಬುದು ಖಚಿತವಾಗಲಿದೆ. ಈ ಕುತೂಹಲಕ್ಕೇ ಇನ್ನು ಕೆಲವೇ ಗಂಟೆಗಳು ಬಾಕಿ ಇದೆ.
ಗೂಗಲ್ ಪ್ರಕಾರ ಸಂಗೀತಾ
ಹೌದು, ಬಿಗ್ಬಾಸ್ ಸೀಸನ್ 10ರ ಟ್ರೋಫಿ ಸಂಗೀತಾ ಶೃಂಗೇರಿ ಮುಡಿಗೇರಲಿದೆಯಂತೆ. ಈ ಮಾತನ್ನು ಸಾರ್ವಜನಿಕರಾಗಲಿ ಅಥವಾ ಎಲಿಮಿನೇಟ್ ಆಗಿ ಮನೆಯಿಂದ ಹೊರಬಂದಿರುವ ಸ್ಪರ್ಧಿಗಳಾಗಲಿ ಹೇಳುತ್ತಿಲ್ಲ. ಸ್ವತಃ ಗೂಗಲ್ನಲ್ಲಿ ಸಂಗೀತಾ ಹೆಸರು ಕೇಳಿಬರುತ್ತಿದೆ. ಅದು ಹೇಗೆ ಅನ್ನೋ ನಿಮ್ಮ ಪ್ರಶ್ನೆಗೆ ಉತ್ತರ ಇಲ್ಲಿದೆ. ನೀವು ಗೂಗಲ್ಗೆ ಹೋಗಿ bigg boss kannada season 10 winner ಎಂದು ಸರ್ಚ್ ಮಾಡಿದರೆ ಮೊದಲು ಬರುವುದು ಸಂಗೀತಾ ಶೃಂಗೇರಿ ಹೆಸರು.
2024 ಜನವರಿ 27ರಂತೆ ಬಿಗ್ ಬಾಸ್ ಕನ್ನಡ ಸೀಸನ್ 10 ರ ಗ್ರ್ಯಾಂಡ್ ಫಿನಾಲೆಯಲ್ಲಿ ಸಂಗೀತಾ ಶೃಂಗೇರಿ ಗೆಲ್ಲುವ ನಿರೀಕ್ಷೆಯಿದೆ ಎಂದು ಗೂಗಲ್ ಸರ್ಚ್ನಲ್ಲಿ ತೋರುತ್ತಿದೆ. ವಿಜೇತ ಸ್ಪರ್ಧಿ 50 ಲಕ್ಷ ರೂ. ನಗದು ಮತ್ತು ಒಂದು ಕಾರು ಹಾಗೂ ಟ್ರೋಫಿಯನ್ನು ಬಹುಮಾನವಾಗಿ ಪಡೆಯಲಿದ್ದಾರೆ ಎಂದು ಗೂಗಲ್ ಸರ್ಚ್ನಲ್ಲಿ ಉಲ್ಲೇಖಿಸಲಾಗಿದೆ. ಆದರೆ, ಇದು ಎಷ್ಟರ ಮಟ್ಟಿಗೆ ನಿಜ ಎಂಬುದು ಕೆಲವೇ ಗಂಟೆಗಳಲ್ಲಿ ತಿಳಿಯಲಿದೆ.
ನೋ ಸ್ಮೋಕಿಂಗ್ ಜಾಹೀರಾತು ಬಾಲಕಿ ಈಗ ಹೇಗಿದ್ದಾಳೆ ನೋಡಿ? ಬೋಲ್ಡ್ ಅವತಾರಕ್ಕೆ ಫಿದಾ ಆಗೋದು ಗ್ಯಾರಂಟಿ
ಹಾವು-ಮುಂಗುಸಿ ಸದಾ ಕಿತ್ತಾಡುವುದೇಕೆ? ಇಲ್ಲಿದೆ ನೋಡಿ ತಜ್ಞರು ತಿಳಿಸಿದ ಅಸಲಿ ಕಾರಣ…
ಡ್ರೈವಿಂಗ್ ಮಾಡುತ್ತಲೇ ನಿದ್ರೆಗೆ ಜಾರಿದ ಚಾಲಕ: ಕ್ಷಣಾರ್ಧದಲ್ಲೇ ಹಾರಿ ಹೋಯ್ತು 6 ಮಂದಿಯ ಪ್ರಾಣ ಪಕ್ಷಿ
ಫ್ರೀ ಬಸ್ ಪ್ರಯಾಣ: ತೆಲಂಗಾಣದಲ್ಲಿ 45 ದಿನದಲ್ಲಿ 12 ಕೋಟಿ ಮಹಿಳೆಯರು ಸಂಚಾರ!