ವ್ಯಕ್ತಿಯ ಕಣ್ಣಿನಲ್ಲಿ ಪತ್ತೆಯಾಯ್ತು ಜೀವಂತ ಹುಳು: ಈ ಒಂದು ಆಹಾರ ತಿನ್ನುವಾಗ ಎಚ್ಚರ ಅಂದ್ರು ವೈದ್ಯರು! Doctors advise

Doctors advise : ಮೂವತ್ತೈದು ವರ್ಷದ ವ್ಯಕ್ತಿಯ ಕಣ್ಣಿನಲ್ಲಿ ಜೀವಂತ ಹುಳು ಪತ್ತೆಯಾಗಿರುವ ಆಘಾತಕಾರಿ ಘಟನೆ ಮಧ್ಯಪ್ರದೇಶದಲ್ಲಿ ನಡೆದಿದೆ. ಆ ವ್ಯಕ್ತಿಗೆ ಕೆಲವು ದಿನಗಳಿಂದ ತೀವ್ರ ಕಣ್ಣಿನ ಸಮಸ್ಯೆ ಇತ್ತು. ಕೆಣ್ಣು ಕೆಂಪಗೆ ಮತ್ತು ನೋವಿನಿಂದ ಕೂಡಿತ್ತು. ಈ ಹಿನ್ನೆಲೆಯಲ್ಲಿ ಆತ ವೈದ್ಯರನ್ನು ಭೇಟಿ ಮಾಡಿದಾಗ ಆತಂಕಕಾರಿ ಮಾಹಿತಿ ಹೊರಬಿದ್ದಿದೆ.

ಆರಂಭದಲ್ಲಿ ವೈದ್ಯರು ನೀಡಿದ ಔಷಧಿಗಳನ್ನು ತೆಗೆದುಕೊಂಡರು ಕೂಡ ಕಣ್ಣಿನ ಸಮಸ್ಯೆ ಮಾತ್ರ ಸುಧಾರಣೆ ಆಗಲಿಲ್ಲ. ಅಲ್ಲದೆ, ಅವರ ದೃಷ್ಟಿ ಕ್ಷೀಣಿಸಲು ಪ್ರಾರಂಭವಾಯ್ತು. ಇನ್ನು ತಡಮಾಡಿದರೇ ಸರಿಯಲ್ಲ ಅಂತ ಏಮ್ಸ್​ಗೆ ಹೋದರು. ಅಲ್ಲಿ ವಿವರವಾದ ಪರೀಕ್ಷೆ ನಡೆಸಿದಾಗ, ಕಣ್ಣಿನೊಳಗೆ ಗಾಜಿನ ಜೆಲ್​ ರೂಪದಲ್ಲಿ ಒಂದು ಇಂಚು ಉದ್ದದ ಜೀವಂತ ಹುಳು ಕಂಡುಬಂದಿದೆ.

ಇದು ಅಪರೂಪದಲ್ಲೇ ಅಪರೂಪದ ಘಟನೆ ಎಂದು ಏಮ್ಸ್​ ವೈದ್ಯರು ಹೇಳಿದ್ದಾರೆ. ಹುಳು ತೆಗೆಯುವುದೇನೂ ಅಷ್ಟು ಸುಲಭದ ಕೆಲಸವಾಗಿರಲಿಲ್ಲ. ಬಹಳ ಕಷ್ಟಕರವಾದ ಆಪರೇಷನ್​ ಬಳಿಕ ಜೀವಂತ ಹುಳುವನ್ನು ತೆಗೆದುಹಾಕಲಾಯಿತು. ಈ ಪರಾವಲಂಬಿ ಹುಳು ಯುವಕನ ಕಣ್ಣನ್ನು ಹೇಗೆ ಪ್ರವೇಶಿಸಿತು ಎಂಬುದು ಅಚ್ಚರಿಯ ಸಂಗತಿಯಾಗಿದೆ. ಇದಕ್ಕೆ ವೈದ್ಯರು ಕೂಡ ಉತ್ತರವನ್ನು ನೀಡಿದ್ದಾರೆ.

ಇದನ್ನೂ ಓದಿ: ಕನ್ನಡ, ತಮಿಳು… 5 ಭಾಷೆಯಲ್ಲಿಯೂ ಪರಿಣಿತರು ಈ ಶಾಲೆಯ ಮಕ್ಕಳು! ಹಳ್ಳಿ ಶಾಲಾ ಮಕ್ಕಳಿಗೆ ಶಿಕ್ಷಕರೇ ಸ್ನೇಹಿತರು | Languages

ಸರಿಯಾಗಿ ಬೇಯಿಸದ ಅಂದರೆ ಅರ್ಧಂಬರ್ಧ ಬೇಯಿಸಿದ ಮಾಂಸವನ್ನು ತಿಂದಾಗ ಇಂತಹ ಹುಳುಗಳು ದೇಹವನ್ನು ಸೇರುತ್ತವೆ. ಅಲ್ಲದೆ, ಇತರ ವಸ್ತುಗಳ ಮೂಲಕವೂ ಕೆಲವೊಮ್ಮೆ ದೇಹವನ್ನು ಪ್ರವೇಶಿಸುತ್ತದೆ. ಈ ಹುಳುಗಳು ಒಮ್ಮೆ ದೇಹವನ್ನು ಪ್ರವೇಶಿಸಿದ ನಂತರ, ಅದು ಚರ್ಮ, ಕಣ್ಣುಗಳು ಮತ್ತು ಮೆದುಳು ಸೇರಿದಂತೆ ದೇಹದ ವಿವಿಧ ಭಾಗಗಳಿಗೆ ಚಲಿಸುತ್ತದೆ.

ಈ ಹುಳಗಳು ಅನೇಕ ಆರೋಗ್ಯ ಸಮಸ್ಯೆಗಳನ್ನು ಉಂಟುಮಾಡಬಹುದು. ಹೀಗಾಗಿ ಸರಿಯಾಗಿ ಬೇಯಿಸದೇ ಮಾಂಸವನ್ನು ತಿನ್ನದಂತೆ ವೈದ್ಯರು ಸಲಹೆ ನೀಡಿದ್ದಾರೆ. ಯಾವುದೇ ಆಹಾರವನ್ನಾಗಲಿ ಅದನ್ನು ಚೆನ್ನಾಗಿ ತೊಳೆದು, ಸರಿಯಾಗಿ ಬೇಯಿಸಿ ತಿನ್ನಬೇಕು. ಇಲ್ಲವಾದಲ್ಲಿ ಗಂಭೀರ ಆರೋಗ್ಯ ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ. (ಏಜೆನ್ಸೀಸ್​)

https://www.vijayavani.net/suspicious-death-of-a-married-woman-a-4-year-old-childs-drawing-is-a-mystery

https://www.vijayavani.net/tapir-the-miraculous-return-of-a-creature-that-went-extinct-100-years-ago