ಬೆಳ್ಳಂಬೆಳಗ್ಗೆ 62 ಮನೆಗಳ ಮೇಲೆ ದಾಳಿ: ಸುಖ ನಿದ್ದೆಯಲ್ಲಿದ್ದ ರೌಡಿಗಳಿಗೆ ಬಿಸಿ ಮುಟ್ಟಿಸಿದ ಪೊಲೀಸರು

ಬೆಂಗಳೂರು: ರಾಜ್ಯ ರಾಜಧಾನಿ ಬೆಂಗಳೂರಿನಲ್ಲಿ ಶನಿವಾರ ಬೆಳ್ಳಂಬೆಳಗ್ಗೆ ಆಗ್ನೇಯ ವಿಭಾಗದ ಪೊಲೀಸರು ತಮ್ಮ ವ್ಯಾಪ್ತಿಯ 62 ರೌಡಿಗಳ ಮನೆ ಮೇಲೆ ದಾಳಿ ನಡೆಸಿ 18 ರೌಡಿಗಳನ್ನು ವಶಕ್ಕೆ ಪಡೆದಿದ್ದಾರೆ. ರೌಡಿಗಳನ್ನು ಹೆಡೆಮುರಿ ಕಟ್ಟಲು ಪಣತೊಟ್ಟಿರುವ ಪೊಲೀಸರು ಕೆಲ ದಿನಗಳಿಂದ ಕಟ್ಟುನಿಟ್ಟಾಗಿ ಕಾರ್ಯಾಚರಣೆಗೆ ಇಳಿದು ಬಿಸಿ ಮುಟ್ಟಿಸುತ್ತಿದ್ದಾರೆ.

ಶನಿವಾರ ಮುಂಜಾನೆ ಖುದ್ದು ಆಗ್ನೇಯ ವಿಭಾಗ ಡಿಸಿಪಿ ಶ್ರೀನಾಥ್ ಮಹದೇವ್ ಜೋಶಿ, ಮಡಿವಾಳ ಎಸಿಪಿ ಸುದೀರ್ ಹೆಗ್ಡೆ ನೇತೃತ್ವದಲ್ಲಿ 62 ಪುಡಾರಿಗಳ ಮನೆ ಮೇಲೆ ದಾಳಿ ಮಾಡಿ ಇತ್ತೀಚಿನ ಕೃತ್ಯಗಳನ್ನ ಮೆಲುಕು ಹಾಕಿ ಖಡಕ್ ವಾರ್ನಿಂಗ್ ಕೊಡಲಾಯಿತು. ಸಮಾಜಘಾತುಕ ಚಟಿವಟಿಕೆಯಲ್ಲಿ ತೊಡಗಿದ 18 ರೌಡಿಗಳನ್ನು ವಶಕ್ಕೆ ಪಡೆಯಲಾಗಿದೆ.

ವಶಕ್ಕೆ ಪಡೆದ ಪ್ರಮುಖ ರೌಡಿಗಳು:ಸುಜಿತ್ ಅಲಿಯಾಸ್ ಡಾಕ್ಟ್ರಿ, ತೇಜಸ್, ಕಿಶೋರ್ ಅಲಿಯಾಸ್ ಪುಣೆ, ಸುರೇಶ್ ಅಲಿಯಾಸ್ ಮರ್ಡರ್ ಸುರೇಶ್, ಆನಂದ್, ಗೌತಮ್ ಮಣಿಕಂಠ, ಆನಂದ್ ಅಲಿಯಾಸ್ ಬ್ರಿಡ್ಜ್, ಶಿವ ಅಲಿಯಾಸ್ ಹಂದಿ ಶಿವ, ಅಂಬರೀಶ್, ಗೆಜ್ಜಿ ವೆಂಕಟೇಶ್ ಸೇರಿ 18 ಮಂದಿಯನ್ನು ಪೊಲೀಸರು ವಶಕ್ಕೆ ಪಡೆದುಕೊಂಡಿದ್ದಾರೆ.

ಗ್ಯಾರೇಜ್ ಅಡ್ಡೆ: ಆಡುಗೋಡಿ ಠಾಣಾ ವ್ಯಾಪ್ತಿಯ ಲಕ್ಕಸಂದ್ರದ ಮೂರನೇ ಕ್ರಾಸ್​ನಲ್ಲಿರುವ ಕಾರು ಗ್ಯಾರೇಜ್ ಶೆಡ್ ಅ​ನ್ನೇ ರೌಡಿಗಳು ತಮ್ಮ ಅಡ್ಡೆ ಮಾಡಿಕೊಂಡಿದ್ದರು. ಈ ಬಗ್ಗೆ ಮಾಹಿತಿ ಪಡೆದು ದಾಳಿ ನಡೆಸಿದ ಪೊಲೀಸರು ಅಲ್ಲಿಗೂ ದಾಳಿ ನಡೆಸಿ ಪರಿಶೀಲಿಸಿದ್ದಾರೆ. ಇದು ಲಕ್ಕಸಂದ್ರದ ನಿವಾಸಿಯೊಬ್ಬರಿಗೆ ಸೇರಿದ ಗ್ಯಾರೇಜ್ ಆಗಿದ್ದು, ರೌಡಿ ಚಟುವಟಿಕೆಗಳು, ಅಪರಾಧ ಕೃತ್ಯಕ್ಕೆ ಸಂಚು ರೂಪಿಸುವುದು, ಕೃತ್ಯ ಎಸಗಿದ ಬಳಿಕ ತಲೆಮರೆಸಿಕೊಳ್ಳುತ್ತಿದ್ದ ಅಡ್ಡೆಯಾಗಿದೆ ಎಂದು ತಿಳಿದು ಬಂದಿದೆ.

ಸುಳ್ಳು ಹೇಳಿ ಸಿಕ್ಕಿಬಿದ್ದ: ರೌಡಿ ಪ್ರವೀಣ್ ಮನೆ ಮೇಲೆ ದಾಳಿ ನಡೆಸಿ ಇತ್ತೀಚೆಗೆ ಅಪರಾಧ ಕೃತ್ಯವೊಂದರಲ್ಲಿ ಭಾಗಿಯಾಗಿರುವ ಬಗ್ಗೆ ಡಿಸಿಪಿ ವಿಚಾರಿಸಿದಾಗ ತನಗೇನೂ ಗೊತ್ತಿಲ್ಲ ಎಂದು ಸುಳ್ಳು ಹೇಳಿದ್ದ. ಇದೆಲ್ಲಾ ಗಾಂಚಾಲಿ ಬಿಟ್ಬಿಡು ಕರೆಕ್ಟಾಗಿ ನಿಜ ಹೇಳು ಎಂದು ಡಿಸಿಪಿ ವಾರ್ನ್ ಮಾಡಿದಾಗ, ಅದು ರೋಡ್ ಗಲಾಟೆ ಸರ್. ಜತೆಯಲ್ಲಿ ಹೋಗಿದ್ದೆ ಎಂದು ಉತ್ತರಿಸಿದ್ದಾನೆ. ಕೂಡಲೇ ಆತನನ್ನು ವಶಕ್ಕೆ ಪಡೆದು ಠಾಣೆಗೆ ಕರೆದೊಯ್ಯುವಂತೆ ಸೂಚಿಸಿದ್ದಾರೆ.

ಆಡುಗೋಡಿ, ಎಲೆಕ್ಟ್ರಾನಿಕ್ ಸಿಟಿ, ಕೋರಮಂಗಲ, ಸುತ್ತಮುತ್ತಲಿನ ರೌಡಿಗಳ ಮನೆ ಮೇಲೆ ದಾಳಿ ಮಾಡಿದ್ದೇವೆ. ಇತ್ತೀಚೆಗೆ ರೌಡಿ ಚಟುವಟಿಕೆಗಳು ಹೆಚ್ಚಾದ ಹಿನ್ನೆಲೆಯಲ್ಲಿ ದಾಳಿ ನಡೆಸಲಾಗಿದೆ. ಕಳೆದ ಬಾರಿಯೂ ರೌಡಿಗಳ ಮನೆ ಮೇಲೆ ದಾಳಿ ಮಾಡಿ ಎಚ್ಚರಿಕೆ ಕೊಟ್ಟಿದ್ದೆವು.

| ಶ್ರೀನಾಥ್ ಮಹದೇವ್ ಜೋಶಿ ಡಿಸಿಪಿ, ಆಗ್ನೇಯ ವಿಭಾಗ

https://www.vijayavani.net/a-kerala-young-man-was-kidnapped-accusud-arrest-by-hassan-police/

https://www.vijayavani.net/a-sisters-life-is-tragic-end-in-davanagere/

https://www.vijayavani.net/a-white-tapping-traffic-jam-in-kr-market-road-bangalore/

https://www.vijayavani.net/a-dowry-casecomplaint-against-husband-and-father-in-law/