ಹೊಲದಲ್ಲಿ ಮೈಮರೆತ ಪ್ರೇಮಿಗಳು! ವಿಡಿಯೋ ಚಿತ್ರೀಕರಿಸಿ, ಮರಕ್ಕೆ ಕಟ್ಟಿ ಹಿಂಸಿಸಿದ ಜನ... ಬೆಚ್ಚಿಬೀಳಿಸುತ್ತೆ ಭಯಾನಕ ಘಟನೆ

ಪಾಟ್ನಾ: ಅಪ್ರಾಪ್ತ ಪ್ರೇಮಿಗಳಿಬ್ಬರು ಜೋಳದ ಹೊಲದಲ್ಲಿ ಕುಳಿತು ಸರಸ ಸಲ್ಲಾಪದಲ್ಲಿ ತೊಡಗಿದ್ದರು. ಇದನ್ನ ನೋಡಿದ ಗ್ರಾಮದ ಕೆಲ ವ್ಯಕ್ತಿಗಳು ಪ್ರೇಮಿಗಳ ಸಲ್ಲಾಪದ ದೃಶ್ಯವನ್ನು ದೂರದಲ್ಲಿ ನಿಂತು ಮೊಬೈಲ್​ನಲ್ಲಿ ಸೆರೆ ಹಿಡಿದು ವೈರಲ್​ ಮಾಡಿದ್ದಾರೆ. ಅಷ್ಟೇ ಅಲ್ಲ, ಆ ಪ್ರೇಮಿಗಳಿಬ್ಬರನ್ನೂ ಬಿದಿರಿನ ಬೊಂಬಿಗೆ ಕಟ್ಟಿ ಮನಬಂದಂತೆ ನಿಂದಿಸಿ ಥಳಿಸಿ ಅದನ್ನೂ ಚಿತ್ರೀಕರಿಸಿದ್ದಾರೆ. ದಯವಿಟ್ಟು ನಮ್ಮನ್ನು ಬಿಟ್ಟುಬಿಡಿ, ಅಸಹ್ಯವಾಗಿ ನಿಂದಿಸಬೇಡಿ, ನಾವಿಬ್ಬರೂ ಒಟ್ಟಾಗಿ ಬಾಳುತ್ತೇವೆ ಎಂದು ಕಣ್ಣೀರು ಹಾಕುತ್ತಾ ಕೈ ಮುಗಿದರೂ ಈ ಕ್ರೂರ ಜನರು ಹಿಂಸೆ ಕೊಟ್ಟು ವಿಕೃತಿ ಮೆರೆದಿದ್ದಾರೆ.

ಇಂತಹ ಅಮಾನವೀಯ ಘಟನೆ ಬಿಹಾರದ ಸಮಸ್ತಿಪುರ ಜಿಲ್ಲೆಯ ಕಲ್ಯಾಣಪುರ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಭಾನುವಾರ ಸಂಭವಿಸಿದ್ದು, ತಡವಾಗಿ ಬೆಳಕಿಗೆ ಬಂದಿದೆ. ಮಿರ್ಜಾಪುರ ಗ್ರಾಮದ ಬಾಲಕನೊಬ್ಬ ಮಹಿಳೆಯರ ಮೇಕಪ್​ ಸಾಮಗ್ರಿ ಮಾರಾಟ ಮಾಡಲು ಅಂಜನಾ ಪಂಚಾಯತ್​ ವ್ಯಾಪ್ತಿಗೆ ಬರುತ್ತಿದ್ದ. ಈ ವೇಳೆ ಅಂಜನಾ ಗ್ರಾಮದ ಬಾಲಕಿ ಜತೆ ಸ್ನೇಹ ಬೆಳೆದಿದ್ದು, ಪ್ರೇಮಾಂಕುರವಾಗಿತ್ತು. ಕೆಲ ದಿನಗಳಿಂದ ಪ್ರೇಮಿಗಳಿಬ್ಬರೂ ಊರಾಚೆಯ ಹೊಲದಲ್ಲಿ ರಹಸ್ಯವಾಗಿ ಭೇಟಿಯಾಗುತ್ತಿದ್ದರಂತೆ. ಜೂ.27ರಂದು ಇವರಿಬ್ಬರೂ ಜೋಳದ ಹೊಲದಲ್ಲಿ ಮೈಮರೆತು ಕೂತಿದ್ದರು. ಇದನ್ನು ಕಂಡ ಸ್ಥಳೀಯರು ಖುದ್ದಾಗಿ ಆ ದೃಶ್ಯವನ್ನ ಚಿತ್ರೀಕರಿಸಿ ಸಾಮಾಜಿಕ ಜಾಲತಾಣದಲ್ಲಿ ಹರಿಯಬಿಟ್ಟಿದ್ದಾರೆ. ಇದನ್ನೂ ಓದಿರಿ ಮರ್ಯಾದೆಗೆ ಅಂಜಿ ವಿಜಯಪುರ ಮೂಲದ ಮೂವರು ಗೋವಾದಲ್ಲಿ ಆತ್ಮಹತ್ಯೆ! ಪ್ರಕರಣ ದಿಕ್ಕುತಪ್ಪಿಲು ಪೊಲೀಸರ ಯತ್ನ

ಅಪ್ರಾಪ್ತ ಪ್ರೇಮಿಗಳಿಬ್ಬರ ಸರಸ-ಸಲ್ಲಾಪದ ವಿಡಿಯೋ ನೋಡುತ್ತಿದ್ದಂತೆ ಗ್ರಾಮದ ಜನ ಸ್ಥಳಕ್ಕೆ ದೌಡಾಯಿಸಿದ್ದಾರೆ. ಪ್ರೇಮಿಗಳನ್ನು ಮರಕ್ಕೆ ಕಟ್ಟಿ ಮನಬಂದಂತೆ ಥಳಿಸಿದ್ದಾರೆ. ಪ್ರೇಮಿಗಳು ಮದುವೆ ಆಗುತ್ತೇವೆ ಎಂದರೂ ಆ ಊರಿನವರು ಒಪ್ಪಿಲ್ಲ. ಅವರಿಬ್ಬರೂ ಇನ್ನೂ ಅಪ್ರಾಪ್ತರು. ಅಲ್ಲದೆ, ಬೇರೆ ಬೇರೆ ಜಾತಿಯವರು. ಗ್ರಾಮದಲ್ಲೇ ಹಿರಿಯರ ಸಮ್ಮುಖದಲ್ಲಿ ನ್ಯಾಯಪಂಚಾಯಿತಿ ನಡೆದಿದ್ದು, ಇವರಿಬ್ಬರ ಮದುವೆ ಆಗಬಾರದು ಎಂದು ತೀರ್ಮಾನ ಕೊಡಲಾಗಿದೆ. ಬಾಲಕನಿಗೆ ದಂಡ ವಿಧಿಸಿ ಊರಿಂದ ಆಚೆ ಕಳುಹಿಸಿದ್ದಾರೆ.

https://www.vijayavani.net/a-bmtc-bu-driver-vishwanath-arrest/

https://www.vijayavani.net/a-dowry-case-25-year-old-yuong-woman-life-end-in-davanagere/

https://www.vijayavani.net/a-yadagiri-same-family-6-people-life-is-tragic-end/

https://www.vijayavani.net/a-anekal-attibele-nagaraj-family-case/