ಸಪ್ತ ಸಚಿವರ ವಸತಿ ಸಮುಚ್ಚಯದಲ್ಲಿ ಶನಿವಾರ ಕರೆದ ಸುದ್ದಿಗೋಷ್ಠಿಯನ್ನು ಉದ್ದೇಶಿಸಿ ಮಾತನಾಡಿದ ರವಿ, ಮೋದಿ ವ್ಯಾಕ್ಸಿನ್ ಎಂದು ಹೀಗೆಳೆದರು. ವಿಜ್ಞಾನಿಗಳ ಬಗ್ಗೆ ಅಪನಂಬಿಕೆ ಸೃಷ್ಟಿಸಿದರು. ವೈದ್ಯರು ಸೇರಿದಂತೆ ಮುಂಚೂಣಿ ಸೇನಾನಿಗಳ ಆರೋಗ್ಯದ ಹಿತದೃಷ್ಟಿಯಿಂದ ಮೊದಲ ಆದ್ಯತೆ ನೀಡಿದರೆ ಮೋದಿ ಮೊದಲು ಲಸಿಕೆ ಚುಚ್ಚಿಸಿಕೊಳ್ಳಲಿ ಎಂದು ನಂಬಿಕೆ ಇಲ್ಲವೆಂಬ ರೀತಿಯಲ್ಲಿ ವರ್ತಿಸಿದರು. ನಂತರ ಸದ್ದಿಲ್ಲದೆ ಹೋಗಿ ಕದ್ದುಮುಚ್ಚಿ ಲಸಿಕೆ ಹಾಕಿಸಿಕೊಂಡರು. ಕಳೆದ 50 ವರ್ಷಗಳಲ್ಲಿ ಒಂದು ಲಸಿಕೆ ಹೊರ ಬರಲಿಲ್ಲ. ಆದರೆ, ಮೋದಿ ಅವರು ಒಂದು ವರ್ಷದಲ್ಲಿ ಎರಡು ಕರೊನಾ ಲಸಿಕೆ ನಿರೋಧಕ ಸಂಶೋದನೆ, ಉತ್ಪಾದನೆಗೆ ಒತ್ತಾಸೆಯಾಗಿ ನಿಂತರು ಎಂದು ಹೇಳಿದರು.
