ನಿದ್ರೆಗೆ ಜಾರಿದ ಬಾಲಕನನ್ನು ಮರೆತು ಕ್ಲಾಸ್​ರೂಮ್​ ಲಾಕ್​ ಮಾಡಿಕೊಂಡು ಹೋದ ಶಿಕ್ಷಕ! ನಂತರ ನಡೆದಿದ್ದಿಷ್ಟು... Teacher

Teacher : ಬಾಲಕನೊಬ್ಬ ತರಗತಿಯಲ್ಲೇ ನಿದ್ರೆಗೆ ಜಾರಿರುವುದನ್ನು ಮರೆತು ಶಾಲಾ ಶಿಕ್ಷಕನೊಬ್ಬ ಕ್ಲಾಸ್​ರೂಮ್​ ಲಾಕ್ ಮಾಡಿಕೊಂಡು ಹೊರಟುಹೋದ ಘಟನೆ ಕಳೆದ ಗುರುವಾರ ಬೆಳಗ್ಗೆ ತೆಲಂಗಾಣದ ನಾಗರ್​ಕರ್ನೂಲ್ ಜಿಲ್ಲೆಯಲ್ಲಿ ನಡೆದಿದ್ದು, ತಡವಾಗಿ ಬೆಳಕಿಗೆ ಬಂದಿದೆ.

ಪ್ರಕರಣದ ವಿವರವನ್ನು ನೋಡುವುದಾದರೆ,ನಾಗರ್​ಕರ್ನೂಲ್ ಜಿಲ್ಲೆಯ ಲಿಂಗಲ ಮಂಡಲದ ಸೈನ್‌ಪೇಟ್ ಸರ್ಕಾರಿ ಶಾಲೆಯಲ್ಲಿ ಸಮಯ ಮುಗಿದಾಗ, ಎಲ್ಲ ವಿದ್ಯಾರ್ಥಿಗಳು ತಮ್ಮ ತಮ್ಮ ಮನೆಗಳಿಗೆ ತೆರಳಿದರು. ಬಳಿಕ ಶಿಕ್ಷಕರು ಕೊಠಡಿಗಳಿಗೆ ಲಾಕ್ ಮಾಡಿ ಅಲ್ಲಿಂದ ಹೊರಟುಹೋದರು.

ಇದನ್ನೂ ಓದಿ: ಇನ್ಮುಂದೆ ಯಾರಿಗೂ ಮೊಬೈಲ್​ ಅಗತ್ಯವಿರಲ್ಲ! ಯಾರೂ ಊಹಿಸಿರದ ಡಿವೈಸ್​ ಶೀಘ್ರದಲ್ಲೇ ನಿಮ್ಮ ಕೈ ಸೇರುತ್ತೆ | Mobile Phones

ಆದರೆ, ಒಂದನೇ ತರಗತಿಯ ವಿದ್ಯಾರ್ಥಿ ಶರತ್ ನಿದ್ರೆಗೆ ಜಾರಿದ್ದರಿಂದ ಕೋಣೆಯಲ್ಲಿಯೇ ಉಳಿದುಕೊಂಡಿದ್ದ. ಮಧ್ಯಾಹ್ನ 3.30ಕ್ಕೆ ಮನೆಗೆ ಬರಬೇಕಿತ್ತು. ಆದರೆ, 4 ಗಂಟೆ ಕಳೆದರೂ ಮಗ ಮನೆಗೆ ಬಾರದಿದ್ದಾಗ, ಆತಂಕಗೊಂಡ ತಂದೆ ಎಲ್ಲರನ್ನು ವಿಚಾರಿಸಿದರು. ಅಲ್ಲದೆ, ಮಲ್ಲೇಶ್ ಶಾಲೆಗೆ ಹೋಗಿ ಮಗನಿಗಾಗಿ ಹುಡುಕಿದರು.

ಮಗನನ್ನು ಹುಡುಕಾಡುತ್ತಾ ಮಲ್ಲೇಶ್​ ಅವರು ತರಗತಿಯ ಕಿಟಕಿಯನ್ನು ತೆರೆದು ನೋಡಿದ್ದಾರೆ. ಈ ವೇಳೆ ಶರತ್ ಒಳಗಡೆ ಮಲಗಿದ್ದ. ತಕ್ಷಣ ಮಲ್ಲೇಶ್​ ಅವರು ಕೊಠಡಿಯ ಬೀಗವನ್ನು ಒಡೆದು ಮಗನನ್ನು ಹೊರಗೆ ಕರೆತಂದರು.

ಶಾಲೆಯನ್ನು ಬಿಡುವಾಗ ಶಿಕ್ಷಕರು ಒಮ್ಮೆ ಶಾಲೆಯನ್ನು ಪರಿಶೀಲಿಸಬೇಕು ಇಲ್ಲವಾದಲ್ಲಿ ಇಂಥಾ ಘಟನೆಗಳು ನಡೆಯುತ್ತವೆ ಎಂದು ಸ್ಥಳೀಯರು ಶಾಲೆಯ ಮುಖ್ಯೋಪಧ್ಯಾಯರಿಗೆ ಸೂಚನೆ ನೀಡಿದ್ದಾರೆ. (ಏಜೆನ್ಸೀಸ್​)

https://www.vijayavani.net/mobile-addiction-is-it-dangerous-to-sleep-with-a-mobile-phone-next-to-you-what-are-the-facts

https://www.vijayavani.net/what-part-of-your-body-do-you-apply-perfume-to-but-stop-now