ನಾನು ಈವೆಂಟ್ ಮ್ಯಾನೇಜ್ಮೆಂಟ್ ಕಂಪನಿಗಳಿಗಾಗಿ ಟಿ-ಶರ್ಟ್ಗಳನ್ನು ತಯಾರಿಸಿ ಕೊಡುತ್ತೇನೆ. ಕಾರ್ಪೋರೇಟ್ ಕಂಪನಿಗಳಿಂದಲೂ ಕೂಡ ಆರ್ಡರ್ ಬರುತ್ತವೆ. ಹಾಗೇ ಕಳೆದವಾರ ತೂತುಕುಡಿ ಎಂಪಿ ಕನಿಮೋಳಿ ಕಚೇರಿಯಿಂದ ಟಿ-ಶರ್ಟ್ಗೆ ಆರ್ಡರ್ ಬಂತು. ಹಾಗೇ ಅದರ ಮೇಲೆ ಬರೆಸಬೇಕಾದ ಸ್ಲೋಗನ್ ಕೂಡ ನೀಡಿದ್ದರು. ಅದು ' ನಾನು ತಮಿಳು ಮಾತನಾಡುವ ಭಾರತೀಯ' ನನಗೆ ಹಿಂದಿ ಗೊತ್ತಿಲ್ಲ..ಹೋಗು..' (I am a Tamil Pesum Indian' 'Hindi Theriyathu Poda' ) ಎಂಬುದು ಸ್ಲೋಗನ್ ಆಗಿತ್ತು. ನನಗೂ ತುಂಬ ಇಷ್ಟವಾಯಿತು. ಅವರು ಹೇಳಿದಂತೆ ಟಿ-ಶರ್ಟ್ ತಯಾರಿಸಿ, ಅದರ ಮೇಲೆ ಸ್ಲೋಗನ್ನ್ನು ಸುಂದರವಾಗಿ ಮುದ್ರಿಸಿದ್ದೆವು. ಆದರೆ ಅದಾದ ಬಳಿಕ ನನಗೆ ತುಂಬ ಬೆದರಿಕೆ ಕರೆಗಳು ಬರುತ್ತಿವೆ ಎಂದು ಕಾರ್ತಿಕೇಯನ್ ವಿವರಿಸಿದ್ದಾರೆ.
