ಲಖನೌ: ಇತ್ತೀಚೆಗೆ 30 ಇಂಚು ಎತ್ತರದ ವ್ಯಕ್ತಿಯೊಬ್ಬ ತನಗೆ ಮದುವೆಯಾಗಲು ಹುಡುಗಿ ಹುಡುಕಿಕೊಡಿ ಎಂದು ಪೊಲೀಸ್ ಠಾಣೆಯ ಮೆಟ್ಟಿಲೇರಿರುವ ವಿಚಾರ ನಿಮಗೆಲ್ಲ ತಿಳಿದಿದೆ. ಆ ವ್ಯಕ್ತಿಗೆ ಸಲ್ಮಾನ್ ಖಾನ್ ಭೇಟಿ ಮಾಡಲು ಅವಕಾಶ ಸಿಕ್ಕಿದ್ದು, ಅದಾದ ಮೇಲೆ ಹುಡುಗಿಯರ ಲಿಸ್ಟೇ ಅವನೆದುರಿಗೆ ಬಂದಿದ್ದು ಎಲ್ಲವೂ ವೈರಲ್ ವಿಚಾರಗಳೇ. ಇದೀಗ ಆ ವ್ಯಕ್ತಿಗೆ ಎಂಗೇಜ್ಮೆಂಟ್ ಕೂಡ ಆಗಿದೆಯಂತೆ.
ಉತ್ತರ ಪ್ರದೇಶದ ಶಾಮ್ಲಿ ಜಿಲ್ಲೆಯ ಕೈರಾನಾದ ಅಜೀಮ್ ಮಂಸೂರಿ ಹುಡುಗಿಗಾಗಿ ಒದ್ದಾಡಿದ್ದ ವ್ಯಕ್ತಿ. ಕೇವಲ 30 ಇಂಚು ಎತ್ತರ ಇದ್ದ ಕಾರಣ ಆತನಿಗೆ ಹುಡುಗಿಯೇ ಸಿಕ್ಕಿರಲಿಲ್ಲವಂತೆ. ಮನೆಯವರೂ ಮದುವೆ ಬಗ್ಗೆ ತಲೆ ಕೆಡಿಸಿಕೊಳ್ಳುತ್ತಿಲ್ಲ ಎಂದು ಆತ ಪೊಲೀಸ್ ಠಾಣೆಗೆ ತೆರಳಿ, ಪೊಲೀಸರ ಬಳಿ ಸಹಾಯ ಕೇಳಿದ್ದ. ನೀವಾದರೂ ನನಗೆ ಹುಡುಗಿಯನ್ನು ಹುಡುಕಿ ಕೊಡಿ ಎಂದು ಮನವಿ ಮಾಡಿದ್ದ. ಇದೀಗ ಆತನಿಗೆ ಬುಶಾರಾ ಜತೆ ಎಂಗೇಜ್ಮೆಂಟ್ ಆಗಿದೆ.
ಬುಶಾರಾ ಮೂರು ಅಡಿಯಷ್ಟು ಎತ್ತರವಿದ್ದಾರಂತೆ. ಪ್ರಥಮ ವರ್ಷದ ಬಿಕಾಂ ಪದವಿ ವಿದ್ಯಾಭ್ಯಾಸ ಮಾಡುತ್ತಿರುವ ಬುಶಾರೊಂದಿಗೆ ಅಜೀಂ ಮಾರ್ಚ್ 31ರಂದು ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ. ಬುಶಾರಿಗೆ ಇನ್ನೊಬ್ಬ ಸಹೋದರಿಯಿದ್ದು, ಅವರಿಗಾಗಿ ವರನನ್ನು ಹುಡುಕಲಾಗುತ್ತಿದೆ. ಅವಳಿಗೂ ವರ ಸಿಕ್ಕ ಮೇಲೆ ಮುಂದಿನ ವರ್ಷ ಇಬ್ಬರಿಗೂ ಒಟ್ಟಿಗೆ ಮದುವೆ ಮಾಡಲಾಗುತ್ತದೆಯಂತೆ. (ಏಜೆನ್ಸೀಸ್)
ಮಗನ ಜತೆ ಮಗಳ ಮದುವೆ! ಕಳೆದು ಹೋಗಿದ್ದ ಮಗಳನ್ನೇ ಸೊಸೆಯಾಗಿ ತಂದುಕೊಂಡ ತಾಯಿ!
ಚೈಲ್ಡ್ ಕೇರ್ ಸೆಂಟರ್ನಲ್ಲೇ ಮಕ್ಕಳಿಗೆ ಲೈಂಗಿಕ ಕಿರುಕುಳ! ರಹಸ್ಯ ಕಾರ್ಯಾಚರಣೆಯಲ್ಲಿ ಸಿಕ್ಕಿಬಿದ್ದ ಮುಖ್ಯಸ್ಥ!