8ನೇ ತರಗತಿ ಓದಿದವರು ಇಲ್ಲಿ ಡಾಕ್ಟರ್ಸ್​! ವೈದ್ಯಲೋಕದಲ್ಲೊಂದು ಅತಂಕಕಾರಿ ಪ್ರಕರಣ ಬೆಳಕಿಗೆ | Medical

ಗುಜರಾತ್​: ಇಲ್ಲಿನ ಸೂರತ್​ನಲ್ಲಿ 8ನೇ ತರಗತಿ ಓದಿದವರಿಗೂ ವೈದ್ಯ(medical) ಪದವಿ ಪ್ರಮಾಣಪತ್ರಗಳನ್ನು ನೀಡುವಂತ ಅತಂಕಕಾರಿ ಪ್ರಕರಣವೊಂದು ಇತ್ತೀಚಿಗೆ ಬೆಳಕಿಗೆ ಬಂದಿದೆ.

ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಮಾಸ್ಟರ್​ ಮೈಂಡ್​ ಡಾ.ರಮೇಶ್ ಗುಜರಾತಿ ಎಂಬುವವರು ​ಸೇರಿದಂತೆ 14 ಜನರ ಗ್ಯಾಂಗ್​ ಅನ್ನು ಕಂದಾಯ ಇಲಾಖೆ ಸಹಯೋಗದೊಂದಿಗೆ ಸೂರತ್​ ಪೊಲೀಸರು ಬಂಧಿಸಿದ್ದಾರೆ. ​

ಪ್ರಕರಣದ ಹಿನ್ನೆಲೆ..

ಈ ಗ್ಯಾಂಗ್​ ಕಾಲ್ಪನಿಕವಾಗಿ ''ಬೋರ್ಡ್​ ಆಫ್​ ಎಲೆಕ್ಟ್ರೋ ಹೋಮಿಯೋಪತಿಕ್​ ಮೆಡಿಸಿನ್​(BEHM) ಗುಜರಾತ್​'' ಅನ್ನು ಸ್ಥಾಪಿಸಿದ್ದಾರೆ. 1200 ಕ್ಕೂ ಅಧಿಕ ನಕಲಿ ಪ್ರಮಾಣಪತ್ರಗಳನ್ನು ನೀಡಿದೆ ಎಂದು ಹೇಳಲಾಗಿದೆ. ಅಲ್ಲದೆ, ಈ ಪ್ರಮಾಣ ಪತ್ರಗಳು ಸರ್ಕಾರಿ ಅಧಿನದಲ್ಲಿರುವ ಕಾಲೇಜುಗಳಿಗೆ ಸಂಬಂಧಿಸಿದೆ ಎಂದು ನಂಬಿಸಲಾಗಿತ್ತು. ಇದರ ಮೂಲಕ ಪ್ರತಿ ನಕಲಿ ವೈದ್ಯ ಪದವಿ ಪ್ರಮಾಣಪತ್ರಕ್ಕೆ ಬರೊಬ್ಬರಿ 70 ಸಾವಿರ ರೂ. ನಿಗದಿ ಮಾಡಿದ್ದರು ಎಂದು ವರದಿಗಳು ಉಲ್ಲೇಖಿಸಿದ್ದಾರೆ.

ಇದನ್ನೂ ಓದಿ: 16 ಲಕ್ಷ ರೂ. ಖರ್ಚು ಮಾಡಿ ಮತ್ತೆ ವರ್ಜಿನ್​ ಆಗಲು ಮುಂದಾದ ಯುವತಿ: ಕಾರಣ ಕೇಳಿದ್ರೆ ಹುಬ್ಬೇರಿಸ್ತೀರಾ! Virgin

ಅಲೋಪತಿ, ಹೋಮಿಯೋಪತಿ ಮತ್ತು ವೈದ್ಯಕೀಯ ಅಭ್ಯಾಸದ ಪದವಿ ಪ್ರಮಾಣ ಪತ್ರಗಳು ಎಂದು ನಂಬಿಸಿದ್ದಾರೆ. ಅಲ್ಲದೆ, ನಗದು ಹಣ ಪಾವತಿಸಿದ 15 ದಿನಗಳಲ್ಲೆ ಪದವಿ ಕಾರ್ಡ್​ ಕೈ ಸೇರುತ್ತದೆ. ಜತೆಗೆ ಪ್ರತಿ ವರ್ಷಕ್ಕೊಮ್ಮೆ ಪ್ರಮಾಣ ಪತ್ರಗಳನ್ನು ನವೀಕರಸಬೇಕಾಗುತ್ತದೆ ಇದಕ್ಕೆ 5 ಸಾವಿರದಿಂದ 15 ಸಾವಿರ ಪಾವತಿಸಿಬೇಕಾಗುತ್ತದೆ ಎಂಬ ನಿಯಮಗಳನ್ನು ಮಾಡಿದ್ದರು ಎಂದು ಹೇಳಲಾಗಿದೆ. ಇನ್ನೂ ಪ್ರಕರಣದಲ್ಲಿ 8ನೇ ತರಗತಿ ಓದಿ ಶಾಲೆ ಬಿಟ್ಟವರಿಗೂ ಪ್ರಮಾಣಪತ್ರ ನೀಡಿದ್ದಾರೆ ಎಂದು ತನಿಖೆ ವೇಳೆ ಗೊತ್ತಾಗಿದೆ.

ನಕಲಿ ವೈದ್ಯರು ವಂಚನೆ ಪ್ರಮಾಣಪತ್ರಗಳ ಮೂಲಕ ಕ್ಲಿನಿಕ್​ಗಳು ನಡೆಸುತ್ತಿರುವ ಪ್ರಕರಣಗಳು ಹೊರ ಬಂದ ನಂತರ ಈ ಹಗರಣ ಬೆಳಕಿಗೆ ಬಂದಿದೆ.(ಏಜೆನ್ಸೀಸ್​).

https://www.vijayavani.net/rape-of-7-month-old-child-accused-arrested

https://www.vijayavani.net/10-people-killed-over-12-seriously-injured-in-separate-road-accidents