ಅಲಬಾಮಾ: ಎಂಟು ವರ್ಷದ ಬಾಲಕನೊಬ್ಬ ಬಂದೂಕು ತೋರಿಸಿ ಕಾರನ್ನು ಕದ್ದುಕೊಂಡು ಹೋಗಿರುವ ಘಟನೆ ಘಟನೆ ಅಮೇರಿಕಾದ ಅಲಬಾಮಾ ಎಂಬಲ್ಲಿ ನಡೆದಿದೆ.
ಇದನ್ನೂ ಓದಿ: ಜಮೀನು ವಿವಾದ; ತೆಂಗಿನ ತೋಟದಲ್ಲಿ ಮಹಿಳೆಯ ಬಟ್ಟೆ ಹರಿದು ಥಳಿತ
ಘಟನೆಗೆ ಸಂಬಂಧಿಸಿದಂತೆ ಬಾಲಕನನ್ನು ಬಂಧಿಸಲಾಗಿದ್ದು, ಆತನ ಗುರುತನ್ನು ಬಹಿರಂಗಪಡಿಸಿಲ್ಲ. ಬಾಲಕಿನಿಂದ ಕದ್ದ ಕಾರು ಹಾಗೂ ಗನ್ನ್ನು ವಶಪಡಿಸಿಕೊಳ್ಳಲಾಗಿದೆ. ಮಂಗಳವಾರದಂದು ವ್ಯಕ್ತಿಯೊಬ್ಬ ಪೊಲೀಸರಿಗೆ ಕರೆ ಮಾಡಿ ತನ್ನ ಕಾರಿಗೆ ಮತ್ತೊಂದು ಕಾರು ಡಿಕ್ಕಿ ಹೊಡೆದು ಆತ ಹಾಗೇ ಹೋಗಿದ್ದಾನೆ ಎಂದು ಕರೆಮಾಡಿದ್ದಾನೆ, ಕೂಡಲೇ ಜಾಗೃತರಾದ ಪೊಲೀಸರು, ತಂತ್ರಜ್ಞಾನದ ಮೂಲಕ ಕಾರಿನ ಲೊಕೇಶನ್ ಪತ್ತೆ ಹಚ್ಚಿದ್ದು, ಅಲಬಾಮಾದಲ್ಲಿ ಪತ್ತೆಯಾಗಿದೆ.
ಈ ಬಗ್ಗೆ ಮಾಹಿತಿ ಪಡೆದ ಸ್ಥಳೀಯ ಪೊಲೀಸರು, ಕೂಡಲೇ ಕಾರನ್ನು ಬೆನ್ನಟ್ಟಿದ್ದು ಕಾರನ್ನು ನಿಲ್ಲಿಸುವಂತೆ ಮೈಕ್ ಮೂಲಕ ಹೇಳಿದ್ದಾರೆ. ಆದರೆ ಚಾಲಕ ಹಾಗೇ ಕಾರನ್ನು ಚಲಾಯಿಸಿದ್ದು, ಪೊಲೀಸರು ಕೊನೆಗೆ ಕಾರನ್ನು ನಿಲ್ಲಿಸುವಲ್ಲಿ ಸಫಲರಾಗಿದ್ದಾರೆ. ಈ ವೇಳೆ ಚಾಲಕನನ್ನು ಅರೆಸ್ಟ್ ಮಾಡಲು ಬಂದ ಪೊಲೀಸರು 8 ವರ್ಷದ ಬಾಲಕನನ್ನು ಕಂಡು ಗಾಬರಿಯಾಗಿದ್ದಾರೆ. ಇನ್ನು ದರೋಡೆ ಮತ್ತು ಅಕ್ರಮವಾಗಿ ಬಂದೂಕು ಹೊಂದಿರುವ ಆರೋಪದ ಮೇಲೆ ಬಾಲಕನನ್ನು ಬಂಧಿಸಿ ಬಾಲಪರಾಧಿ ಕೇಂದ್ರದಲ್ಲಿ ಇರಿಸಲಾಗಿದೆ.(ಏಜೆನ್ಸೀಸ್)
