44 ವರ್ಷಗಳ ದಾಂಪತ್ಯ ಜೀವನಕ್ಕೆ ಮುಕ್ತಿ! ಪತ್ನಿಗೆ ಜಮೀನು, ಹೊಲ ಮಾರಿ 3.1 ಕೋಟಿ ರೂ. ಜೀವನಾಂಶ

Alimony: 18 ವರ್ಷಗಳ ಸುದೀರ್ಘ ಕಾನೂನು ಹೋರಾಟ ಇದೀಗ ಕಡೆಗೂ ಫಲಿಸಿದ್ದು, 44 ವರ್ಷಗಳ ದಾಂಪತ್ಯ ಜೀವನಕ್ಕೆ ತೆರೆ ಬಿದ್ದಿದೆ. 1980ರಲ್ಲಿ ಮದುವೆಯಾಗಿದ್ದ ಈ ದಂಪತಿ, 2006ರಲ್ಲಿ ವಿಚ್ಛೇದನ ಪಡೆದುಕೊಂಡಿತ್ತು. ಆದರೆ,  18 ವರ್ಷಗಳಿಂದ ಡಿವೋರ್ಸ್​ ವಿಷಯ ಇತ್ಯರ್ಥವಾಗಿರಲಿಲ್ಲ. ಈಗ ಪತ್ನಿಗೆ 3.1 ಕೋಟಿ ರೂ.ಗಳ ಜೀವನಾಂಶ ಹಸ್ತಾಂತರಿಸಿರುವ ರೈತ ಸುಭಾಷ್ ಚಂದ್, ತಮ್ಮ 70ನೇ ವಯಸ್ಸಿನಲ್ಲಿ ದಾಂಪತ್ಯ ಜೀವನದಿಂದ ಮುಕ್ತಿ ಪಡೆದ ಘಟನೆ ಹರಿಯಾಣದ ಕರ್ನಾಲ್​ನಲ್ಲಿ ವರದಿಯಾಗಿದೆ.

ಇದನ್ನೂ ಓದಿ: ಪರಿಶಿಷ್ಟರಿಗೆ ಮಂಜೂರಾಗಿದ್ದ ಜಮೀನು ಪ್ರಭಾವಿಗಳ ಪಾಲು: 1,600 ಕೋಟಿ ಮೌಲ್ಯದ ಆಸ್ತಿ ಕಬಳಿಕೆ ಆರೋಪ

ವಸಾಹತು ನಿಯಮಗಳನ್ನು ಪೂರೈಸಲು ರೈತ ಚಂದ್ ತನ್ನ ಕೃಷಿ ಭೂಮಿ, ಬೆಳೆಗಳನ್ನು ಮಾರಾಟ ಮಾಡಿದ್ದಲ್ಲದೇ 40 ಲಕ್ಷ ರೂಪಾಯಿ ಮೌಲ್ಯದ ಚಿನ್ನ,ಬೆಳ್ಳಿ ಆಭರಣಗಳನ್ನು ಪತ್ನಿಗೆ ಹಸ್ತಾಂತರಿಸಿದ್ದಾರೆ. ಪಂಜಾಬ್ ಮತ್ತು ಹರಿಯಾಣ ಹೈಕೋರ್ಟ್‌ನ ಮಧ್ಯಸ್ಥಿಕೆ ಮತ್ತು ರಾಜಿ ಕೇಂದ್ರದ ಮಧ್ಯಸ್ಥಿಕೆಯಲ್ಲಿ ಒಪ್ಪಂದವು ವ್ಯಕ್ತಿಯ ಮರಣದ ನಂತರವೂ ಆತನ ಹೆಂಡತಿ ಮತ್ತು ಮಕ್ಕಳಿಗೆ ಅವರ ಆಸ್ತಿಯ ಮೇಲೆ ಯಾವುದೇ ಹಕ್ಕುಗಳು ಇರುವುದಿಲ್ಲ ಎಂದು ತಿಳಿಸಿದೆ. ಮಾನಸಿಕ ಕ್ರೌರ್ಯವನ್ನು ಉಲ್ಲೇಖಿಸಿ ಚಂದ್​ 2006ರಲ್ಲಿ ವಿಚ್ಛೇದನಕ್ಕೆ ಅರ್ಜಿ ಸಲ್ಲಿಸಿದ್ದರು.

ಡಿಮ್ಯಾಂಡ್ ಡ್ರಾಫ್ಟ್

ಚಂದ್​ರ ಆರಂಭಿಕ ಅರ್ಜಿಯನ್ನು ಕರ್ನಾಲ್ ಕೌಟುಂಬಿಕ ನ್ಯಾಯಾಲಯವು 2013ರಲ್ಲಿ ವಜಾಗೊಳಿಸಿತ್ತು. ಆದರೆ, ಪತ್ನಿಯಿಂದ ವಿಚ್ಛೇದನ ಪಡೆಯಲೇಬೇಕು ಎಂದು ದೃಢವಾಗಿ ನಿರ್ಧರಿಸಿದ್ದ ವ್ಯಕ್ತಿ, ಪಂಜಾಬ್ ಮತ್ತು ಹರಿಯಾಣ ಹೈಕೋರ್ಟ್‌ ಮೊರೆ ಹೋಗಿದ್ದರು. ಇಲ್ಲಿನ ನ್ಯಾಯಾಲಯಕ್ಕೆ ಅರ್ಜಿ ವರ್ಗಾವಣೆಯಾದ ನಂತರ ಬರೋಬ್ಬರಿ 11 ವರ್ಷಗಳ ಕಾಲ ಇತ್ಯರ್ಥಕ್ಕೆ ವಿಳಂಬವಾಯಿತು. ಡಿಮ್ಯಾಂಡ್ ಡ್ರಾಫ್ಟ್ ಮೂಲಕ 2.16 ಕೋಟಿ ರೂ., ಬೆಳೆ ಮಾರಾಟದಿಂದ 50 ಲಕ್ಷ ರೂ. ನಗದು ಮತ್ತು 40 ಲಕ್ಷ ರೂ. ಚಿನ್ನ ಮತ್ತು ಬೆಳ್ಳಿ ಆಭರಣಗಳು ಸೇರಿದಂತೆ ಒಟ್ಟು 3.1 ಕೋಟಿ ರೂ. ನೀಡಲಾಗಿದೆ ಎಂದು ಚಂದ್ ಪರ ವಕೀಲರಾದ ರಾಜಿಂದರ್ ಗೋಯೆಲ್ ಹೇಳಿದ್ದಾರೆ.

ನ್ಯಾಯಮೂರ್ತಿಗಳಾದ ಸುಧೀರ್ ಸಿಂಗ್ ಮತ್ತು ಜಸ್ಜಿತ್ ಸಿಂಗ್ ಬೇಡಿ ಅವರನ್ನೊಳಗೊಂಡ ಹೈಕೋರ್ಟ್ ಪೀಠ, ಒಪ್ಪಂದವನ್ನು ಮಾನ್ಯ ಮಾಡಿ ವಿವಾಹವನ್ನು ಔಪಚಾರಿಕವಾಗಿ ವಿಸರ್ಜಿಸಿತು,(ಏಜೆನ್ಸೀಸ್).

https://www.vijayavani.net/whale-swims-from-pacific-to-indian-ocean