ಹುಡುಗಿಯರ ಹಾಸ್ಟೆಲ್​ ಮುಂದೆ ಟಾರ್ಚ್ ಆನ್​ ಮಾಡಿ ಬೆತ್ತಲೆ ಓಡಾಟ: ಆರೋಪಿ ಬಂಧನ

ತಲಸ್ಸೆರಿ: ಬಾಲಕಿಯರ ಹಾಸ್ಟೆಲ್ ಮುಂದೆ ಟಾರ್ಚ್​ ಲೈಟ್​ ಆನ್​ ಮಾಡಿ ಅಶ್ಲೀಲವಾಗಿ ವರ್ತಿಸುತ್ತಿದ್ದ 42 ವರ್ಷದ ವ್ಯಕ್ತಿಯನ್ನು​ ಕೇರಳ ಪೊಲೀಸರು ಬಂಧಿಸಿದ್ದಾರೆ.

ಬಂಧಿತ ಆರೋಪಿಯನ್ನು ಪುನ್ನೋಲ್​ ನಿವಾಸಿ ಶಾಜಿ ವಿಲಿಯಮ್ಸ್​ ಎಂದು ಗುರುತಿಸಲಾಗಿದೆ. ತಲಸ್ಸೆರಿಯ ಸಾಯಿ ಸೆಂಟರ್​ನ ಸ್ಟೇಡಿಯಂ ಬಳಿ ಇರುವ ಬಾಲಕಿಯ ಹಾಸ್ಟೆಲ್​ಗೆ ಟಾರ್ಚ್​ ಲೈಟ್​ ಬಿಡುತ್ತಿದ್ದಲ್ಲದೆ, ಅವರ ಮುಂದೆ ಬೆತ್ತಲೆಯಾಗಿ ಓಡಾಡಿದ್ದಾನೆ. ಬಾಲಕಿಯರ ಎದುರು ನಿಂತು ತನ್ನ ಖಾಸಗಿ ಅಂಗವನ್ನು ಪ್ರದರ್ಶನ ಮಾಡಿದ್ದಾನೆ.

ಇದನ್ನೂ ಓದಿ: ಕಾಂಗ್ರೆಸ್​ ಸರ್ಕಾರದಲ್ಲಿ ಸಿಎಂ ಸೈಲೆಂಟ್​, ಡಿಸಿಎಂ ವೈಲೆಂಟ್:​ ಆರ್​. ಅಶೋಕ್​ ವಾಗ್ದಾಳಿ

ಸದ್ಯಕ್ಕೆ ಆರೋಪಿಯನ್ನು ಬಂಧಿಸಲಾಗಿದ್ದು, ಕೋರ್ಟ್​ ಮುಂದೆ ಹಾಜರುಪಡಿಸಿ, ನ್ಯಾಯಾಂಗ ಬಂಧನದಲ್ಲಿ ಇರಿಸಲಾಗಿದೆ. ಆರೋಪಿ ವಿರುದ್ಧ ಪೊಲೀಸರು ಪೊಕ್ಸೊ ಕಾಯ್ದೆಯ ವಿವಿಧ ಸೆಕ್ಷನ್​ಗಳ ಅಡಿಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ.

ಈ ಘಟನೆ ಮೇ 21ರಂದು ನಡೆದಿದೆ. ದೂರಿನ ಪ್ರಕಾರ ಬಹಳ ಹಿಂದಿನಿಂದಲೂ ಆರೋಪಿ ಬಾಲಕಿಯರಿಗೆ ಕಿರುಕುಳ ನೀಡುತ್ತಾ ಬರುತ್ತಿರುವುದು ತಿಳಿದುಬಂದಿದೆ. ಪೊಲೀಸರ ಗಮನಕ್ಕೆ ಬಂದಾಗ ಹಾಸ್ಟೆಲ್​ ಬಳಿ ಪೊಲೀಸರು ಕಣ್ಗಾವಲಿನಲ್ಲಿ ಇದ್ದರು. (ಏಜೆನ್ಸೀಸ್​)

https://www.vijayavani.net/can-spot-the-leopard-in-the-grassland-within-8-seconds

https://www.vijayavani.net/sudden-death-of-husband-in-america-woman-ends-her-own-life-in-hyderabad

https://www.vijayavani.net/ismail-yusuf-arrested-for-selling-beef-stuffed-samosas-to-his-customers