More

    10 ಬೆಟ್ಟಿಂಗ್​ ಪ್ರಕರಣದಲ್ಲಿ 25 ಮಂದಿ ಬಂಧನ

    ಕೋಲಾರ: ಐಪಿಎಲ್​ ಸೀಸನ್​ ಸಮಯದಲ್ಲಿ ಅಕ್ರಮವಾಗಿ ಬೆಟ್ಟಿಂಗ್​ ದಂಧೆಯಲ್ಲಿ ತೊಡಗಿಸಿಕೊಂಡಿದ್ದ ಸಂಬಂಧ ಜಿಲ್ಲೆಯಲ್ಲಿ ಕಾರ್ಯಾಚರಣೆ ನಡೆಸಿ 10 ಪ್ರಕರಣದಲ್ಲಿ 25 ಮಂದಿ ವಿರುದ್ಧ ದೂರು ದಾಖಲಿಸಲಾಗಿದೆ ಎಂದು ಜಿಲ್ಲಾ ಪೊಲೀಸ್​ ವರಿಷ್ಠಾಧಿಕಾರಿ ಎಂ.ನಾರಾಯಣ ಹೇಳಿದರು.

    ನಗರದ ಎಸ್ಪಿ ಕಚೇರಿಯಲ್ಲಿ ಮಂಗಳವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿ, ಪಂದ್ಯಾವಳಿಗಳು ನಡೆಯುತ್ತಿದ್ದ ವೇಳೆ ಕೆಲವರು ಆನ್​ಲೈನ್​ ಮೂಲಕ ಅಕ್ರಮವಾಗಿ ಬೆಟ್ಟಿಂಗ್​ ಅಡಿಸುತ್ತಿದ್ದ ಬಗ್ಗೆ ಬಂದ ಖಚಿತ ಮಾಹಿತಿ ಮೇರೆಗೆ ಪೊಲೀಸರು ಆರೋಪಿಗಳನ್ನು ಬಂಧಿಸಿದ್ದಾರೆ, ಜತೆಗೆ ಕಾರ್ಯಾಚರಣೆ ನಡೆಸಿದಾಗ ಸಿಕ್ಕಿದವರು ವಿರುದ್ಧ ಕ್ರಮ ಜರುಗಿಸಲಾಗಿದೆ ಎಂದರು.

    ಗಲ್​ಪೇಟೆ ಪೊಲೀಸರು ನಗರದ ರಹಮತ್​ ನಗರದ ಉರ್ದು ಶಾಲೆಯ ಬಳಿ ಐಪಿಎಲ್​ ಬೆಟ್ಟಿಂಗ್​ ಆಡುತ್ತಿದ್ದ ಸ್ಥಳದಲ್ಲಿ ದಾಳಿ ಮಾಡಿದಾಗ ಮಹಾಲಕ್ಷಿ$್ಮ ಬಡಾವಣೆಯ ಸೈಯದ್​ ನಿಜಾಂನನ್ನು ಬಂಧಿಸಿ ಒಂದು ಮೊಬೈಲ್​ ಮತ್ತು ಪಣಕ್ಕೆ ಕಟ್ಟಿದ್ದ 3,400 ರೂ. ವಶಪಡಿಸಿಕೊಳ್ಳಲಾಗಿದೆ. ರಹಮತ್​ನಗರದ ಖುತುಬ್​ ಪಾಷಾ ಮತ್ತು ಶಹೀನ್​ ಷಾ ನಗರದ ಇಮ್ರಾನ್​, ಮುಜಾಮಿಲ್​ ಪರಾರಿಯಾಗಿದ್ದು, ದೂರು ದಾಖಲಾಗಿದೆ ಎಂದರು.
    ಕೋಲಾರ ನಗರ, ಗಲ್​ಪೇಟೆ ಮತ್ತು ಶ್ರೀನಿವಾಸಪುರ ಪೊಲೀಸರ ಜಂಟಿ ಕಾರ್ಯಾಚರಣೆಯಲ್ಲಿ ಮೂರು ಜನ ಕ್ರಿಕೆಟ್​ ಬೆಟ್ಟಿಂಗ್​ ಬುಕ್ಕಿಗಳಾದ ಶಾಮೀರ್​, ಬಿ.ಎನ್​.ನಾಗರಾಜ್​ ಹಾಗೂ ರಾಜಶೇಖರ್​ ಬಂಧಿಸಿ, 18,500 ರೂ. ಹಾಗೂ 5 ಮೊಬೈಲ್​ಗಳನ್ನು ವಶಕ್ಕೆ ಪಡೆಯಲಾಗಿದೆ ಹಾಗೂ ರಹಮತ್​ ನಗರದ ರೈಲ್ವೆ ಬ್ರಿಡ್ಜ್​ ಬಳಿ ಕ್ರಿಕೆಟ್​ ಬೆಟ್ಟಿಂಗ್​ ಜೂಜಾಟದಲ್ಲಿ ನೂರ್​ ನಗರದ ನಿವಾಸ ಜಾಕೀರ್​, ಟಮಕ ಅರುಣ್​ನನ್ನು ವಶಕ್ಕೆ ಪಡೆದು 1,600 ರೂ. ಮತ್ತು ಎರಡು ಮೊಬೈಲ್​ಗಳನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ಮಾಹಿತಿ ನೀಡಿದರು.
    ಕೋಲಾರ ನಗರ ಠಾಣೆಯ ಪಿ.ಐ. ಎಂ.ಸದಾನಂದ ನೇತೃತ್ವದಲ್ಲಿ ಕಾರ್ಯಾಚರಣೆ ನಡೆಸಿದ ಪೊಲೀಸ್​ ತಂಡವು ದೀರ್​ಪಾಷಾ, ವಸೀಂ ಬೇಗ್​, ಮುಜಾಯಿದ್​ ಪಾಷಾನನ್ನು ಬಂಧಿಸಿ ಅವರಿಂದ ಒಂದು ಮೊಬೈಲ್​, 4.600 ರೂ. ವಶಪಡಿಸಿಕೊಳ್ಳಲಾಗಿದೆ ಎಂದು ಹೇಳಿದರು.

    See also  ಶಾಸಕ ಉದಾಸಿ ಅಂತಿಮ ದರ್ಶನದ ವೇಳೆ ಜೇಬುಗಳ್ಳನ ಕರಾಮತ್ತು! ಮೊಬೈಲ್‌ ಕದ್ದು ಸಿಕ್ಕಿಬಿದ್ದ

    ಜಿಲ್ಲಾ ಸೈಬರ್​ ಅಪರಾಧ & ಮಾಧಕ ವಸ್ತುಗಳ ನಿಯಂತ್ರಣ ಪೊಲೀಸ್​ ಠಾಣೆ ಪೊಲೀಸರು ತಾಲೂಕಿನ ಅಮ್ಮೇರಹಳ್ಳಿ ಗ್ರಾಮದಲ್ಲಿ ಅಕ್ರಮವಾಗಿ ಆನ್​ಲೈನ್​ ಕ್ರಿಕೆಟ್​ ಬೆಟ್ಟಿಂಗ್​ ನಡೆಸುತ್ತಿದ್ದ ಚಲಪತಿ ಮತ್ತು ಮುಬಾರಕ್​ ಪಾಷಾನನ್ನು ದಸ್ತಗಿರಿ ಮಾಡಿ 4,400 ರೂ. ಹಾಗೂ ಎರಡು ಮೊಬೈಲ್​ ಹಾಗೂ ಮತ್ತೊಂದು ಬೆಟ್ಟಿಂಗ್​ ಪ್ರಕರಣದಲ್ಲಿ ಖಾಜಾನನ್ನು ಬಂಧಿಸಿ 4,200 ರೂ., ಮೊಬೈಲ್​ ವಶಪಡಿಸಿಕೊಂಡು ಪ್ರಕರಣ ದಾಖಲಿಸಿಕೊಳ್ಳಲಾಗಿದೆ ಎಂದರು.

    ಕೋಲಾರ ಗ್ರಾಮಾಂತರ ಪೊಲೀಸ್​ ಠಾಣೆ ಪೊಲೀಸರು ಚಿಟ್ನಹಳ್ಳಿ ಗ್ರಾಮದಲ್ಲಿ ಅಕ್ರಮವಾಗಿ ಆನ್​ಲೈನ್​ ಕ್ರಿಕೆಟ್​ ಬೆಟ್ಟಿಂಗ್​ ನಡೆಸುತ್ತಿದ್ದ ಶ್ರೀನಾಥ್​, ಶಿವಕುಮಾರ್​ ಬಂಧಿಸಿ, 4,500 ರೂ., 2 ಮೊಬೈಲ್​ ವಶಕ್ಕೆ ಪಡೆದು ಪ್ರಕರಣ ದಾಖಲಿಸಿದ್ದಾರೆ. ಮಾಲೂರು ಠಾಣೆಯ ಪೊಲೀಸರು ಕಾರ್ಯಾಚರಣೆ ನಡೆಸಿ ಪ್ರಜ್ವಲ್​, ಮಂಜುನಾಥ ಬಂಧಿಸಿ 8000 ರೂ., ಒಂದು ಮೊಬೈಲ್​ ಪಡಿಸಿಕೊಂಡು ಪ್ರಕರಣ ದಾಖಲಿಸಲಾಗಿದೆ. ಗಾಂಧಿ ನಗರದ ಬಳಿ ಅಕ್ರಮವಾಗಿ ಆನ್​ಲೈನ್​ ಕ್ರಿಕೆಟ್​ ಬೆಟ್ಟಿಂಗ್​ನಲ್ಲಿ ತೊಡಗಿಸಿಕೊಂಡಿದ್ದ ತೌಸಿಪ್ ಪಾಷ, ಶಹೀನ್ನಾ, ಕುತುಬ್​, ಮದನ್​ ಮತ್ತು ನಿಜಾಮ್​ ವಿರುದ್ಧ ರೂದು ದಾಖಲಿಸಲಾಗಿದೆ ಎಂದು ವಿವರಿಸಿದರು.

    ಸಿನಿಮಾ

    ಲೈಫ್‌ಸ್ಟೈಲ್

    ಟೆಕ್ನಾಲಜಿ

    Latest Posts